'Ibrani 2:10 - Jaji ma Su-sungi

¹⁰ Ma Jou'ongu Madutu 'o 'a'a 'ori i'a mo-moini toma dungia nena-ne di'a 'Ai maksudu masiretene. Unanga gena-ge ra sitantukanga mangale ngowa'a ma repe 'aḏi dadi 'Ai 'umata re sibalangu 'Ai mulia ra ananga gena-ge. Sababu gena-ge, Yesus ga'a welanga ngo'omo di'a ngene wo sanga salamata, Unanga gena-ge balasu 'o sanga sangisara singadolo 'o sengene, la Unanga nyengara 'o dadi Salamata ma Cimi ga'a 'i ti-tiai.

'Ibrani 2:10 Iomraidhean Croise

Lukas 13:32

Yesus 'o sangoro, “Tagi na sihabari ra Herodes, unanga gena-ge ga'a sihaga ngowa'a. ‘Wangere nange-ne bolo da-daini, Ngoi ḏuanga i'a to sisupu roh ma jira, re to si-la ngowa'a siḏi. Mada'a toma wangere ma soi ro'ange Ngoi ḏuanga i'a ta siḏuanga 'Ari munara.’

Lukas 2:14

“Puji re silamo'o Ma Jou'ongu Madutu toma soroga, re dame toma dungia toma manusia ga'a Ma Jou'ongu Madutu ya'u sanangi.”

Lukas 24:26

Tantu ḏua, 'O Kristus balasu 'a basono ma sangisara kara nga'unu 'o osama Tai mulia.”

Lukas 24:46

Unanga 'o kanau ra ananga, “Toma Boku 'Ofi-'Ofi ma dara 'i silefo mangale 'O Kristus balasu basono sangisara, re sengene re toma wangere ma soi ro'ange Unanga dadunu 'o 'ahu moju.

Yohanes 11:52

Re pa'i ngowa'a Yahudi ḇato ua, mada'a di'a silomu re sirimoi Ma Jou'ongu Madutu 'ai ngowa-ngowa'a ga'a ma'u are.

Yohanes 19:30

Yesus 'a ḇowisi ma 'anggur gena-ge togumu i'a, Unanga 'o kanau, “Togumu ḏua!” Gena ḏua, Unanga 'a ruku tala 'Ai sae'e re 'Ai sangagara 'i togumu.

Yesus 'ai so-soma'a 3:15

Ngini ni sisengene Unanga ga'a 'o 'ahu ma cimi. Unanga ro sengene, mada'a Ma Jou'ongu Madutu dadunu 'U si'ahu moju. Ngomi nena-ne mi dadi sakisi sababu maoḏi'i masiretene Yesus dadunu 'o 'ahu moju.

Yesus 'ai so-soma'a 5:31

Ma Jou'ongu Madutu ro pula'a ra Unanga, 'O ḏe-ḏegoro re 'O kuasa lai kau'u sa'olo sae'e re 'o Salamata ma Cimi, la Ma Jou'ongu Madutu 'o riono ngowa'a Israel 'aḏi maḏibo toma ngo'omo boloto, re la Unanga 'a singi-ngiranga manga ḏosa-ḏosa.

Roma 11:36

Sababu mo-moini toma diwanga re dungia ma dara, Ma Jou'ongu Madutu ra sidadi. Mo-moini gena-ge ma 'asala ra Ma Jou'ongu Madutu tala re di'a Unanga ḏi'i. Dadi, ino ngene wo puji re silamo'o Ma Jou'ongu Madutu, nena re si'a kasingado-ngadolo i'a. 'Amin.

Roma 9:23

Re ḏi'i Ma Jou'ongu Madutu mau 'o sijumu 'Ai mulia ma pari cua ra ngene 'Ai 'umata ga'a Unanga na sijumu 'Ai 'akala re sinyingara ma la-la, ngene ga'a Unanga ra sidodahe di'a 'ahu ga'a 'i mulia toma soroga.

1 Korintus 2:7

Ngomi mi kanau mangale 'akala soro'unu da'u ra Ma Jou'ongu Madutu tala, ga'a 'ua re 'au wali manusia ya waro ua. Mada'a dungia 'i dadi nyangu, Ma Jou'ongu Madutu ra sidodahe pasala ḏua, la ngene sanga barakati kasingado-ngadolo i'a.

1 Korintus 8:6

Mada'a ra ngene, Ma Jou'ongu Madutu pa'i matengo ḇato, Unanga ngene nanga Ḇaḇa, ga'a 'O sidadi ḏua 'ori i'a mo-moini re ngene wo 'ahu di'a Unanga. 'Age Ma Jou pa'i matengo ḇato, Unanga gena-ge Yesus Kristus. Ma Jou'ongu Madutu 'o pula'a kuasa ra Unanga gena-ge, la 'O sidadi 'ori i'a mo-moini re ngene ḏi'i wo 'ahu sababu Unanga gena-ge.

2 Korintus 3:18

'Orasa nange-ne, enanga ma tero sa'olo Ma Jou ra woi'i jujuwurungu ra ngene mo-moini tananga fikirana. Dadi ngene wo basono Ma Jou 'ai mulia, gena-ge 'Ai kuasa. Sababu gena-ge, ngene nanga 'ahu 'i ngali 'i dadi ma tero sa'olo Unanga; lebe ti'ara lebe sijumu 'Ai kuasa tananga 'ahu. Kuasa gena-ge da'u ra Ma Jou tala, ga'a Ma Ngagara 'Ofi-'Ofi.

2 Korintus 4:17

Nange-ne ngomi basono sangisara mada'a gena-ge 'i ti'ara ua re ḏubuso woḏi ua. Ḏuanga i'a ngomi mi sanga ngogele lai lamo'o. Re na'o site-tero ngogele gena-ge reo sangisara ga'a mi basono, ngogele gena-ge ma pari cua re kama ḏo-ḏogumu ua.

2 Korintus 5:18

Mo-moini gena-ge Ma Jou'ongu Madutu 'ai munara. Ma Jou'ongu Madutu 'o sirimoi ngene ra Unanga masiretene, sababu Kristus. Re Unanga 'o 'utusu ngomi di'a mi singadolo habari gena-ge toma ngowa-ngowa'a lelegu, la ananga nyengara 'aḏi sirimoi ra Ma Jou'ongu Madutu.

2 Korintus 6:18

“Ngoi to dadi ngini ninga Ḇaḇa, re ngini ni dadi Ngoi 'ari ngowa-ngowa'a. Ma Jou'ongu Madutu ga'a 'Ai kuasa ma pari cua 'O kanau so'o gena-ge.”

Galatia 3:26

Siḏibo ḏi'i, sababu ngini reni ngaku Kristus Yesus, ngini mo-moini ni dadi Ma Jou'ongu Madutu 'ai ngowa-ngowa'a.

Efesus 2:7

Ma Jou'ongu Madutu 'o 'a'a so'o gena, la ḏuanga i'a manusia mo-moini ya oḏi'i mangale Ma Jou'ongu Madutu 'ai mura re dadalara lai lamo'o ra ngene. 'Ai mura re dadalara gena-ge 'a sidodai ra ngene sababu ngene wo marimoi ra Kristus Yesus.

Efesus 3:10

Toma 'orasa nange-ne, Ma Jou'ongu Madutu 'ai maksudu gena-ge di'a 'A sijumu ma duhu lai repe mangale 'ai 'akala ma soro'unu toma roh-roh ma jira, ga'a 'i kuasa toma ngawa-ngawa. Dadi enanga gena-ge nyengara 'i oḏi'i 'oru ga'a Ma Jou'ongu Madutu ra si'a'a tai jama'ata.

Kolose 3:4

sababu ninga 'ahu su-sungi ma cimi gena-ge Kristus. Wakutu Unanga dadunu 'o sapolo Rai kabasarana, ngini ni mamete'e ra Unanga, re Unanga 'O sibalangu 'Ai mulia ra ngini ḏi'i.

2 Timotius 2:10

Sababu gena-ge, ngoi ta doiti sangisara mo-moini gena-ge di'a ngowa-ngowa'a ga'a Ma Jou'ongu Madutu 'o cumutu ḏua, la ananga ḏi'i 'aḏi sanga salamata re 'aḏi sanga mulia kasingado-ngadolo i'a toma soroga sababu 'aḏi marimoi ra Kristus Yesus.

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

'Ibrani 6:20

Yesus ro osama siḏa toma ngi'i gena-ge, la ngene nyengara wo osama ḏi'i. Unanga gena-ge 'o dadi 'Imam 'Agung singado-ngadolo i'a, ma tero sa'olo 'imam Melkisedek.

'Ibrani 7:26

Dadi ngene wo paralu Yesus gena-ge sa'olo nanga 'Imam 'Agung. Unanga ngowa'a 'ofi-'ofi, kai sala re ḏosa ua. Ma Jou'ongu Madutu 'o siwola i'a Unanga toma ngowa-ngowa'a baraḏosa, re Unanga ro pere singadolo ma ngi'i ga'a lebe kau'u reo diwanga ma gau'u.

'Ibrani 7:28

Ngowa'a ga'a 'aḏi dadi 'imam 'agung mete'e Musa 'ai hukumu, ananga gena-ge ngowa'a lamahana ga'a 'aḏi matogumu yoḏu'u 'a'a ḏosa. Mada'a wakutu Musa 'ai hukumu togumu i'a, Ma Jou'ongu Madutu si'a'a jaji ma su-sungi reo sasi mangale ḏuanga i'a Unanga 'o tede 'Ai Ngowa'a Nau'u dadi 'Imam 'Agung. Yesus gena-ge 'Imam 'Agung ti-tiai kasingado-ngadolo i'a ga'a si'a'a ngowa'a dadi 'ofi-'ofi ra Ma Jou'ongu Madutu 'ai momina.

1 Petrus 1:12

Ma Jou'ongu Madutu ro sijumu toma nabi-nabi mangale salamata ra Kristus gena-ge di'a ananga toma 'orasa gena-ge ua, mada'a di'a ngini 'orasa nange-ne. Sababu gena-ge Ma Jou'ongu Madutu 'o siḏingoto Ma Ngagara 'Ofi-'Ofi da'u soroga tala di'a sinyanyasele ngowa-ngowa'a ga'a singadolo Habari Roanga ra ngini mangale salamata ra Kristus, la ngini ni sanga salamata. Mala'ekata-mala'ekata mai ya nyafusu ḏi'i mau ya sahe mangale salamata ra Kristus gena-ge.

1 Petrus 5:1

Ngoi to ajele ma ngale ra ngini, jama'ata ma bi-biri'i sababu ngoi ḏi'i jama'ata ma bi-biri'i ma tero sa'olo ngini, re ḏi'i ngoi to oḏi'i masiretene 'a Kristus 'ai sangisara. Ḏuanga i'a, wakutu ma 'orasa enanga 'i ngadolo Ma Jou'ongu Madutu 'o sijumu Kristus 'ai mulia ra ngene mo-moini, ngoi ḏi'i ta dawongo Unanga 'ai mulia ma balangu.

1 Petrus 5:10

Ti'ara ua, ngini ni basono ma sangisara. Togumu i'a Ma Jou'ongu Madutu 'o sitiai ngini moju: Unanga gena-ge masiretene 'O site'e ninga ngo-ngaku, la ninga ngo-ngaku kama elala ua, mada'a ni nga'unu tahana toma 'oru ḇato. Unanga 'o 'a'a so'o gena-ge, sababu Unanga romanga mura re dadalara re Ro 'aro'o ngini di'a ni sanga balangu Tai kabasarana kama ḏo-ḏogumu ua, sababu ni marimoi ra Kristus.

Tingoýi 4:11

“Ya Ma Jou'ongu Madutu, minga Jou. Pa'i Ma Jou'ongu Madutu ḇato 'o patasa di'a ngowa'a 'U simulia re 'U silamo'o sababu 'Ani kuasa ma pari cua. Sababu Ma Jou'ongu Madutu 'o sidadi dungia re diwanga re ma dara mo-moini, re sababu mete'e 'Ani 'akala ma mau 'ori i'a i'a mo-moini 'i dadi re 'i 'ahu.”

Tingoýi 7:9

Pasala i'a, ngoi to oḏi'i ḏi'i, manusia manga repe ma tero sa'olo dongi toma ngoloto ma 'uḏu ga'a matengo i'a mai ua nga'unu 'a roimi. Ananga gena-ge manga 'asala toma bangsa mo-moini, nagara mo-moini, suku mo-moini, re demo mo-moini. Ananga gena-ge 'aḏi mapake juba buḏo-buḏo re tamanga giama 'aḏi gu-gu'u ate palem ma umanga re 'aḏi made-de'oso talaḏi ra Ma 'Olana 'ai ḏe-ḏegoro re Doba ma Ngowa ma biono.