'Ibrani 13:5 - Jaji ma Su-sungi

⁵ Awa ngini ni dadi pipisi ma budaka. Siḏibo ḏi'i, ngini balasu basono sanangi reo 'oru ga'a 'age ra ngini ḏua. Sababu Ma Jou'ongu Madutu ro kanau so'o ne: “Ngoi to sieanga i'a ngana ua, Ngoi to sisoi'i tala ngana ua.”

'Ibrani 13:5 Iomraidhean Croise

Matias 6:19

“Awa ni lomu harata toma dungia di'a ninga diri. Sababu enanga gena-ge nyengara 'i keho re nyanyao'o ya sijira re ngowa'a to-tori'i sapolo ya tori'i.

Matias 6:25

Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: bae 'oru ga'a ni oromo bae 'oru ga'a ni ka'e. Re ḏi'i, awa ni madodato mangale ninga lese: 'Oru ga'a ni pake. Sababu tantu ḏua, ninga 'ahu lebe la-lamo'o i'a reo ngo-ngoromo re lese lebe la-lamo'o i'a reo pakeanga!

Matias 6:34

Sababu gena-ge, awa ni dodato mangale wangere da-daini, sababu enanga rema susa re sangisara masiretene. Wangere nange-ne enanga ma susa re sangisara ngadolo nena-ne ḇato, awa na dogo moju sababu ni dodato mangale wangere da-daini!”

Markus 7:22

tinikai, jajaha demo, madiga'a 'ori i'a ma jira, da-danata re do-dowoka, 'akala 'i romanga reo bo-bosono, 'akala si-siḏi, momole re 'isene do-doto'o ua.

Lukas 3:14

'Age ḏi'i sordado 'aḏi sano, “Ngomi balasu mi 'a'a 'oru?” Yohanes 'a sangoro, “Awa ni simau-mau ngowa'a 'aḏi sipula'a pipisi ra ngini re awa ni da'awa ngowa'a 'i banari ua. Ngini balasu ni masisanangi reo ninga gaji masiretene.”

Lukas 8:14

Gisisi 'i eta'a toma rurubu dodowo'o ma golona, ma tero sa'olo ngowa'a 'aḏi 'isene habari gena-ge, mada'a 'aḏi dodato mangale manga 'ahu, ananga 'aḏi mau manga 'ahu pai-pai'i re tamanga 'akala re sinyingara ma dara, manga nyafusu lai lamo'o ḏi'i dadi ananga 'aḏi basono manga 'ahu 'i peletoro singadolo ananga 'aḏi mete'e riwara Ma Jou'ongu Madutu 'ai habari gena-ge. Dadi ananga ma tero sa'olo go-gahu ma sowo'o tu'unisi.

Roma 1:29

Manga 'akala re sinyingara ri romanga reo 'ori i'a ma jira mo-moini, nyafusu ngowa'a lelegu manga harata re mau 'a'a cira toma ngowa'a lelegu. Manga 'akala re sinyingara ri romanga reo kaleḏa, ma'u sisengene, ma'u ruta, ma'u sihaga, ma'u gogono 'akala. Ananga 'aḏi nyanyaḏi ma'u sikanau ngowa'a,

1 Korintus 5:11

Ngoi 'ari maksudu so'o ne: Ngini balasu ni ma'u supu re osama awa toma ngowa'a ga'a 'aḏi mangaku ananga masiretene ngowa'a ngaku Yesus, mada'a ananga 'aḏi su-sudala bolo 'aḏi nyafusu lamo'o woḏi, 'aḏi silamo'o re siḏubuso jou'ongu ma somoara bolo 'aḏi si'u'ua ngowa'a, 'aḏi ka'e ma'eto-'etolo bolo oromo ngowa'a manga galasau'u ma duduala. Ngowa-ngowa'a gena-ge, ngini na'u tegoro oromo mamete'e mai awa.

1 Korintus 6:10

ngowa'a to-tori'i, ngowa'a nyafusu lamo'o woḏi, ma'eto-'etolo, 'aḏi jajaha demo, oromo ngowa'a lelegu manga galasau'u ma duduala. Ngowa'a mo-moini gena-ge ḏuanga i'a 'aḏi osama nyo-nyoimi ua ra Ma Jou'ongu Madutu 'ai ngowa-ngowa'a.

2 Korintus 4:9

Ngowa'a 'aḏi sikisa ngomi, mada'a Ma Jou'ongu Madutu 'o sieanga i'a ngomi ua. Soi rai o'o i'a ngomi mi sanga ca'olo singadolo mi ruba, mada'a mi sengene ua.

Efesus 5:3

Ngini Ma Jou'ongu Madutu 'ai 'umata. Sababu gena-ge: Tinikai bolo sudala awa, da-danata awa sababu 'ahu ma duhu so'o gena-ge 'i patasa ua di'a ngini, Unanga 'ai 'umata. Mo-moini gena-ge awa 'age taninga sigolona singadolo toma ngowa-ngowa'a lelegu 'i osama 'akala ua, ninga 'ahu ma duhu so'o gena-ge.

Efesus 5:5

Ni tailako la-la ino: Ngowa'a ga'a su-sudala, 'a'a tinikai bolo da-danata ma tero sa'olo ngowa'a ga'a 'aḏi silamo'o re siḏubuso jou'ongu ma somoara. Sababu gena-ge, ngowa'a so'o gena-ge 'aḏi sanga warisi ua ra Kristus re ra Ma Jou'ongu Madutu 'ai Pareta ma dara.

Kolose 3:5

Sababu gena-ge, ngini ni upa'a mo-moini dungia ma nyafusu ga'a ma 'asala toma manusia: su-sudala, 'a'a 'ori i'a ma cafarune, oḏi'i we-were'a yoḏu'u, nyafusu ma jira, re da-danata. Da-danata gena-ge ma tero sa'olo silamo'o re siḏubuso jou'ongu ma somoara.

1 Timotius 3:3

Unanga 'o ka'e 'anggur 'i pai'i yoḏu'u re 'o nyanyaḏi ua ma'u tutu'u. Siḏibo ḏi'i, pake 'akala re sinyingara mereoso ra guna ḇato, re nyanyaḏi 'ahu toma dame, re pipisi ma budaka ua.

2 Petrus 2:14

Ananga 'aḏi matogumu ua 'aḏi oḏi'i we-were'a tamanga 'akala re sinyingara rema nyafusu re 'aḏi matogumu ua disa donga di'a 'a'a ḏosa. Ananga 'aḏi baja ngowa'a manga ngo-ngaku ra Kristus ga'a 'i mereoso, la 'aḏi 'a'a 'ori i'a ma jira. Ananga raḏi biasa da-danata. Sababu ga'a ma jira mo-moini gena-ge Ma Jou'ongu Madutu ḏuanga i'a ya'u sisasi.

2 Petrus 2:3

Guru-guru sa-sakala gena-ge 'aḏi nyafusu pipisi lai repe. Dadi ananga 'aḏi disa 'utungu madiga'a carita masiretene ra ngini. Ma di'ara ḏua Ma Jou'ongu Madutu ro sidodahe hukumu di'a ananga re ma 'orasa ri co-cori ḏua, wakutu Unanga ya'u singeta'a sengene kasingado-ngadolo i'a ra ananga.

Yudas 1:11

Bahala ra ananga. Sababu ananga ya mete'e 'a Kain 'ai ngo'omo. Ananga gena-ge ma tero sa'olo Bileam ga'a sigasa ngowa'a 'aḏi iranga manga ngo'omo, la unanga 'o sanga pipisi. Re Ma Jou'ongu Madutu ḏuanga i'a 'o sihukumu ananga gena-ge sababu 'U lawana Unanga ma tero sa'olo 'ua re 'au wali Korah ga'a 'o lawana 'ai ngowa'a bi-biri'i.