'Ibrani 13:21 - Jaji ma Su-sungi

²¹ Dadi ngoi to golo'o ra Ma Jou'ongu Madutu ga'a 'O dame ma cimi ga'a 'O siti-tiai ngini reo 'ori i'a mo-moini ma la-la ga'a ngini paralu di'a na si'a'a Unanga 'ai 'akala ma mau. Ngoi ḏi'i to golo'o mangale sababu Yesus Kristus nanga lese to golona, Ma Jou'ongu Madutu 'o munara tananga 'akala re sinyingara 'oru ḇato 'i sisanangi Tai momina. Ino ngene wo puji re silamo'o Yesus Kristus kasingado-ngadolo i'a. 'Amin.

'Ibrani 13:21 Iomraidhean Croise

Matias 12:50

Ngowa-ngowa'a ga'a 'aḏi si'a'a 'Ari Ḇaḇa toma soroga, Unanga 'Ai mau, ananga gena-ge 'Ari ioro re nongoḏu re 'Ari biḏanga re 'Ari ngina.”

Matias 21:31

Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?” Ananga gena-ge ya sangoro, “Ngowa'a nau'u ma ioro.” Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta; mada'a ngini ua!

Matias 28:20

Re ni doto'o 'Ari me-mete'e gena-ge di'a 'aḏi 'ahu mete'e 'Ari parenta mo-moini ga'a Ngoi reta siajele pasala ḏua ra ngini. Re 'elingi nena-ne: Ngoi ḏuanga i'a tini sieanga i'a ua ngini, singadolo dungia nena-ne ma ḏo-ḏogumu.”

Matias 6:13

Re awa No sieanga i'a ngomi mi sanga bo-baja, mada'a Na siwoi'i ngomi toma jira. [Sababu Baba 'ani Pareta, Kuasa re Mulia kasingado-ngadolo i'a. 'Amin]’

Matias 7:21

“Toma Kiamata ma Wangere, ngowa'a manga repe ḏuanga i'a 'aḏi 'aro'o Ngoi, ‘Ma Jou! Ma Jou!’ Mada'a ananga mo-moini ua 'aḏi osama nyo-nyoimi toma Soroga ma Pareta! Pa'i ngowa'a ga'a mete'e 'Ari Ḇaḇa 'ai mau, ananga gena-ge ḏuanga i'a 'aḏi sanga osama.

Yohanes 17:23

Ngoi to marimoi ra ananga re Baba no marimoi ra Ngoi, la ananga mode-mode'e 'aḏi marimoi. Ḏua ngowa'a toma dungia ḏuanga i'a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.

Yohanes 7:17

'A guna ḇato ga'a mau mete'e Ma Jou'ongu Madutu 'ai 'akala ma mau, ananga gena-ge ḏuanga i'a ya disa waro 'oru ga'a Ngoi to doto'o ma 'asala ra Ma Jou'ongu Madutu bolo ra Ngoi masiretene.

Roma 11:36

Sababu mo-moini toma diwanga re dungia ma dara, Ma Jou'ongu Madutu ra sidadi. Mo-moini gena-ge ma 'asala ra Ma Jou'ongu Madutu tala re di'a Unanga ḏi'i. Dadi, ino ngene wo puji re silamo'o Ma Jou'ongu Madutu, nena re si'a kasingado-ngadolo i'a. 'Amin.

Roma 16:27

Unanga gena-ge Ma Jou'ongu Madutu ga'a pa'i matengo ḇato re 'akala soro'unu ma cimi. Ino ngene wo puji re silamo'o Unanga kasingado-ngadolo i'a sababu Yesus Kristus 'ai ga'a. 'Amin.

2 Korintus 9:8

Sidogo ḏi'i, Ma Jou'ongu Madutu rai kuasa 'o pula'a barakati pai-pai'i ra ngini, la ngini ninga paralu kama kuranga ua. Siḏibo ḏi'i, ngini ninga paralu ni sanga pai'i tau-taunu. Unanga ḏuanga i'a 'o 'a'a so'o gena-ge, la ngini nga'unu ni madaga'a 'ori i'a ma la-la lebe dogo-dogo di'a ni riono ngowa-ngowa'a.

Galatia 1:5

Puji re silamo'o Ma Jou'ongu Madutu kasingado-ngadolo i'a! 'Amin.

Efesus 2:10

sababu Ma Jou'ongu Madutu masiretene 'o 'a'a ngene manusia su-sungi wo marimoi ra Kristus Yesus. Ma Jou'ongu Madutu 'o tuhu ngene so'o gena-ge, la ngene nyengara wo 'a'a ga'a ma la-la, ga'a Unanga ra sidodahe di'a ngene.

Efesus 2:18

Dadi sababu Kristus, nange-ne ngene mo-moini: bae ngowa'a Yahudi, bae Yahudi ua, nyengara wo sapolo tananga Ḇaḇa. Gena-ge ri dadi sababu kuasa toma Ma Ngagara 'Ofi-'Ofi, pa'i rimoi ḇato, ga'a 'i riono ngene mo-moini.

Filipi 1:11

Re ḏi'i mangale ninga 'ahu ma duhu enanga 'i romanga reo de'oso re ḏegoro ma la-la ga'a pa'i sababu Yesus Kristus masiretene 'ai kuasa ḇato. Dadi ngowa'a ḏuanga i'a 'aḏi simulia re 'aḏi puji re silamo'o Ma Jou'ongu Madutu.

Filipi 2:11

Ananga mo-moini ḏuanga i'a 'aḏi mangaku mangale Yesus Kristus, Unanga gena-ge “Ma Jou.” Sababu gena-ge, Ma Jou'ongu Madutu 'o sanga mulia.

Filipi 2:13

Sababu Ma Jou'ongu Madutu masiretene 'o munara tau-taunu ra ngini ninga diri, la ngini mau ni mete'e Unanga 'ai mau, re ḏi'i Unanga 'o riono ngini di'a ni si'a'a so'o gena-ge.

Filipi 4:13

Kristus 'o pula'a kuasa ra ngoi, dadi ngoi rari de-de'e to talaḏi 'oru ḇato.

Filipi 4:18

Nange-ne ngoi to paralu riwara 'oru ḇato sababu ngoi reto dawongo ḏua ninga bu-bula'a mo-moini ga'a ni siḏingoto ra Epafroditus re 'age rema enanga moju. Ninga bu-bula'a gena-ge ma tero sa'olo jou-jou ra Ma Jou'ongu Madutu ga'a ma bo-bounu lai sa'i re 'A dawongo ninga jou-jou gena-ge Rai 'akala re sinyingara sa-sanangi.

Kolose 3:17

'Oru ḇato ga'a ngini ni si'a'a re ni siajele, gena-ge mode-mode'e balasu 'i patasa di'a ngowa'a ga'a mete'e Ma Jou Yesus. Re ḏi'i ngini balasu ni sibere ie murasa ma la ra Ma Jou'ongu Madutu sababu 'oru ga'a Ma Jou Yesus 'o 'a'a di'a ngini.

Kolose 3:20

Ngini ngowa-ngowa'a! Ngini balasu ni 'isene ninga ḇaḇa re ngina manga demo-demo mo-moini. Sababu duhu so'o gena-ge ni sisanangi Ma Jou'ongu Madutu 'ai 'akala re sinyingara.

Kolose 4:12

'Age rema ngowa'a matengo ḏi'i 'ai lomanga 'a Epafras, unanga ga'a ta Kristus Yesus ma tero sa'olo 'Ai budaka. Unanga ngowa'a Kolose re 'o siḏingoto 'ai tabea ra ngini. Unanga 'o manyiata tau-taunu rai 'akala re sinyingara mode-mode'e. Unanga 'o golo'o ra Ma Jou'ongu Madutu mangale ninga ngo-ngaku 'i te'oso ogo-ogoro kama elala ua, ma tero sa'olo ngowa'a raḏi ngimono tamanga ngo-ngaku. Re ḏi'i unanga 'o golo'o mangale ngini ni waro mode-mode'e 'oru ga'a Ma Jou'ongu Madutu 'ai 'akala ma mau.

1 Tesalonika 3:13

Ḏi'i, ngomi mi golo'o ra Unanga gena-ge mangale 'a site'e ninga 'akala re sinyingara, la ra Ma Jou'ongu Madutu nanga Ḇaḇa 'ai momina ngini ngowa'a 'ofi-'ofi re de'oso re ḏegoro ma rapu ua wakutu Ma Jou Yesus dadunu 'o sapolo moju mame-mete'e ngowa'a ga'a raḏi dadi Ma Jou'ongu Madutu 'ai ngowa-ngowa'a.

1 Tesalonika 4:3

Ma Jou'ongu Madutu 'ai 'akala ma mau nena-ne: Ngini ninga 'ahu balasu 'ofi-'ofi. Sababu gena-ge, ni sudala awa.

1 Tesalonika 5:23

Ngomi manyiata ra Ma Jou'ongu Madutu, ga'a 'O sipula'a dame ra ngene, mangale Unanga masiretene 'O sidadi ngini mode-mode'e sa'olo 'Ai ngowa'a 'ofi-'ofi: bae ninga nyawa, ninga 'akala re sinyingara re ninga de'oso re ḏegoro kama rapu ua singadolo nanga Jou Yesus Kristus dadunu 'o sapolo moju.

1 Timotius 1:17

Ngene balasu silamo'o re siḏubuso Ma Jou'ongu Madutu re silamo'o 'Ai lomanga kasingado-ngadolo i'a, sababu Unanga 'o 'Olana da'a re sino moju ga'a 'O 'ahu kasingado-ngadolo i'a, re ngene wo oḏi'i yoḏu'u, Unanga pa'i matengo. 'Amin.

1 Timotius 5:10

re we-were'a remanga lomanga re ngongaje sa'olo we-were'a ga'a si'a'a 'ori i'a ma la-la ma tero sa'olo: ya dadanu manga ngowa'a ce-ceka'a i'a moju singadolo 'aḏi la-lamo'o, 'aḏi sanangi tamanga ioro re nongoḏu na'o 'aḏi tuḏu tamanga wala, 'aḏi de-de'oso ngowa'a ngaku Yesus, riono ngowa-ngowa'a ma dinga'unu ua, re 'aḏi madaga'a mode-mode'e munara 'oru ḇato ma la-la.

1 Timotius 6:16

Unanga gena-ge ḇato, maut 'u 'aturu yoḏu'u, 'o 'ahu toma cahaya ga'a manusia ngene wo sebanga i'a mai yoḏu'u, manusia matengo i'a mai nyangu wo oḏi'i unanga. Dadi ino ngene wu silamo'o Unanga ga'a 'O patasa di'a 'O parenta kasingado-ngadolo i'a. 'Amin.

2 Timotius 3:17

Dadi ngowa'a ga'a de-de'oso Ma Jou'ongu Madutu, ananga nga'unu 'aḏi siḏagi tamanga munara 'oru ḇato 'i ti-tiai.

2 Timotius 4:18

Tantu ḏua, Ma Jou'ongu Madutu ḏuanga i'a 'o silalo'o ngoi toma ngowa'a manga 'ulungu ma jira re Unanga ḏuanga i'a 'o gasa ngoi toma salamata Tai pareta ma dara toma soroga. Ino ngene wo silamo'o re siḏubuso Unanga re wo puji re silamo'o 'Ai lomanga kasingado-ngadolo i'a. 'Amin.

'Ibrani 10:36

Dadi, ngini balasu ni pake 'akala ma ḇanyo re ni ngaku tau-taunu, la ngini nga'unu ni 'a'a 'oru ḇato mete'e Ma Jou'ongu Madutu 'ai 'akala ma mau. Na'o so'o gena ngini ḏuanga i'a ni dawongo 'oru ga'a Unanga 'o sijaji.

'Ibrani 12:23

Ngini reni sapolo talaḏi ra Ma Jou'ongu Madutu 'ai ngowa nau'u ma jomolo manga lo-lomu, ga'a manga lomanga 'i silefo toma soroga. Ngini reni sapolo talaḏi ra Ma Jou'ongu Madutu ga'a 'o sijuruhakimi manusia mo-moini, ngini reni sapolo talaḏi ḏi'i ngowa'a loasa re banari manga roh, ananga gena-ge ga'a raḏi sengene re raḏi dadi ti-tiai toma soroga.

'Ibrani 12:28

Sababu gena-ge, ino ngene wo sibere ie nanga murasa ma la ra Ma Jou'ongu Madutu sababu ngene rewo osama nyo-nyoimi ra Unanga 'ai Pareta toma soroga ga'a 'i elala yoḏu'u. Dadi ino ngene wo silamo'o re siḏubuso Ma Jou'ongu Madutu renanga duhu ga'a sisanangi Unanga: Ngene balasu wo silamo'o re ḏi'i wo mojongo Unanga,

'Ibrani 13:16

Re ḏi'i awa ni sidaioranga 'a'a 'ori i'a ma la-la, re ni riono ngowa'a lelegu. Sababu de'oso re ḏegoro so'o gena-ge 'i dadi jou-jou rimoi ḏi'i ga'a sisanangi Ma Jou'ongu Madutu 'ai 'akala re sinyingara.

1 Petrus 2:5

Ngini ḏi'i ma tero sa'olo maḏi ga'a 'i 'ahu, ga'a Ma Jou'ongu Madutu 'a pake di'a 'a simomi'i 'ai jama'ata. Re Ma Jou'ongu Madutu masiretene 'o cumutu ngini ni dadi 'Ai 'imam-'imam di'a ni pula'a jou-jou ra Unanga. Re ngini ni pula'a ninga 'akala re sinyingara mete'e Ma Ngagara 'Ofi-'Ofi ma mau sa'olo ninga jou-jou ra Unanga. Ma Jou'ongu Madutu nyengara 'a dawongo jou-jou gena-ge, sababu 'oru ga'a Yesus Kristus 'a si'a'a pasala ḏua di'a ngini.

1 Petrus 4:2

Sababu gena-ge, ngini ni 'ahu-'ahu moju toma dungia, balasu ni mete'e Ma Jou'ongu Madutu 'ai 'akala ma mau re awa ni mete'e manusia manga nyafusu.

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.

1 Yohanes 2:17

Re sababu ḏi'i dungia re ma dara mo-moini ga'a manusia ya nyafusu, soi moi enanga 'i iranga. Mada'a ngowa'a ga'a 'aḏi mete'e Ma Jou'ongu Madutu 'ai 'akala ma mau, ananga 'aḏi sanga 'ahu kasingado-ngadolo i'a.

1 Yohanes 3:22

Dadi 'oru ḇato ga'a ngene wo golo'o ra Unanga, ngene wa sanga, sababu ngene wa mete'e 'Ai parenta re wa sisanangi Unanga 'ai 'akala re sinyingara.

Yudas 1:25

Unanga gena-ge pa'i Ma Jou'ongu Madutu ga'a nanga Salamata ma Cimi sababu ngene rewo marimoi ra Yesus Kristus nanga Jou. Unanga gena-ge 'O mulia 'O kabasarana, 'Ai kuasa ma pari cua ga'a 'O parenta wakutu dungia re diwanga 'i sidadi nyangu singadolo nange-ne re kasingado-ngadolo i'a! 'Amin.

Tingoýi 4:6

Ra Ma 'Olana 'ai ḏe-ḏegoro gena-ge ma biono ta oḏi'i ḏi'i 'ori i'a ga'a ma tero sa'olo ngoloto kaca, ma lara sa'olo kristal ga'a tatamo lapasa. Ra Ma 'Olana 'ai ḏe-ḏegoro rimoi gena-ge ma ḇuḇuku rata, 'age makhluk fara rata 'i 'ahu-'ahu. Mahluk-mahluk gena-ge ma biono re ma ḏuḏunu 'i romanga reo la'o.

Tingoýi 5:13

Ḏua ngoi to 'isene makhluk mo-moini ma iḏingi: bae toma diwanga, bae toma dungia, bae toma tana'a ma dara, toma ngoloto — ḇoko'o ḇato: Makhluk mo-moini toma dungia sitabi donga — mo-moini 'i manyanyi so'o ne: “Ma Jou'ongu Madutu ga'a tegoro ra Ma 'Olana 'ai ḏe-ḏegoro, re Doba ma Ngowa. Ananga gena-ge ngene wa'u silamo'o madutu re wa'u puji re silamo'o re wa'u simulia, re pa'i Ananga ḇato remanga kuasa kasingado-ngadolo i'a!”

Tingoýi 5:9

Re ananga gena-ge 'aḏi manyanyi nyanyi su-sungi rimoi. “Doba ma Ngowa 'I patasa ḇato di'a 'oro kartasi lo-lolo gena-ge re 'I woi'i ma segele. Sababu Enanga ri sengene re Ma ngaunu 'i pa'ala, la 'I tuusu ngowa-ngowa'a toma suku mo-moini, demo-demo mo-moini, nagara mo-moini re bangsa mo-moini di'a Ma Jou'ongu Madutu.