'Ibrani 13:1 - Jaji ma Su-sungi

¹ Ngini balasu ni ma'u dadalara tau-taunu matengo re matengo sa'olo ioronongoḏu ngo-ngaku rimoi.

'Ibrani 13:1 Iomraidhean Croise

Yohanes 15:17

'Ari parenta nena-ne: Ni ma'u dadalara matengo re matengo.”

Yesus 'ai so-soma'a 2:1

Wakutu Pentakosta ma Wangere 'i ngadolo ḏua, ngowa-ngowa'a ngaku Yesus 'aḏi malomu toma wala ḏu moi.

Yesus 'ai so-soma'a 4:32

Ngowa'a ngaku Yesus mo-moini ya sirimoi manga 'ahu re manga 'akala re sinyingara. Matengo i'a mai ua na'o rema 'ori rana 'a basono pa'i ta unanga masiretene ḇato ua, mada'a di'a ananga mo-moini.

Galatia 5:13

Ngini, 'ari ioronongoḏu ngo-ngaku rimoi, Ma Jou'ongu Madutu ro 'aro'o ngini, la ni dadi ngowa'a bebasa. Mada'a awa ngini ni madaga'a 'oru ḇato mete'e ngini ninga mau ma jira, sababu ni bebasa. Siḏibo ḏi'i, ngini balasu ni ma'u dadalara re ni ma'u riono matengo re matengo.

Galatia 5:22

Siḏibo ḏi'i, ngowa-ngowa'a ga'a Ma Ngagara 'Ofi-'Ofi ya'u ḏegoro, ananga manga de'oso re ḏegoro so'o ne: Ananga gena-ge 'aḏi ma'u dadalara matengo re matengo, 'aḏi monere tamanga 'akala re sinyingara, 'akala ogoro, pake 'akala ḇanyo re ananga remanga sere 'i re go-gasa, ananga nyanyaḏi ma'u la-la reo ngowa-ngowa'a lelegu, jaji sa-sakala ua,

Galatia 5:6

Sababu na'o ngene rewo marimoi ra Kristus Yesus bae ngene rewo masuna bae wo masuna ua; enanga gena-ge 'i 'oru ua. Mada'a enanga ga'a ma la-lamo'o ma re'u i'a so'o ne: Ngene wo sigare nanga ngo-ngaku ra Kristus. Re nanga ngo-ngaku gena-ge 'i waiti na'o ngene wo dadalara ngowa-ngowa'a lelegu.

Efesus 4:3

Ma Ngagara 'Ofi-'Ofi ri sirimoi ngini, dadi ngini balasu ni makutale mode-mode'e di'a ni 'ahu toma dame, la ni 'ahu marimoi tau-taunu.

Efesus 5:2

Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.

2 Tesalonika 1:3

Ngomi mi sibere ie minga murasa ma la tau-taunu ra Ma Jou'ongu Madutu, sababu ngini. Gena-ge 'i banari mode-mode'e re ngomi balasu masi'a'a so'o gena, sababu ngini ninga ngo-ngaku ra Ma Jou Yesus 'i madogo-dogo ḇato re ḏi'i ganapu ni ma'u dadalara matengo re matengo.

'Ibrani 10:24

Ino ngene ma'u sioḏi'i matengo re matengo, la ngene nga'unu wo ma'u babata di'a wo ma'u dadalara matengo re matengo re wo madaga'a 'ori i'a ma la-la.

1 Petrus 1:22

Dadi nange-ne ngini ninga 'akala re sinyingara 'i dadi 'ofi-'ofi, sababu ngini ni mete'e Ma Jou'ongu Madutu 'ai do-doto'o banari singadolo mode-mode'e ngini ma'u dadalara ninga ioronongoḏu ngo-ngaku rimoi. Kalaha so'o gena, ngoi to pula'a duga re domolo moju, ngini balasu ni ma'u dadalara reo 'akala re sinyingara mode-mode'e,

1 Petrus 2:17

Ni silamo'o 'a guna ḇato re ni dadalara ninga ioronongoḏu ngo-ngaku rimoi. Ni silamo'o re mojongo Ma Jou'ongu Madutu, re ni silamo'o 'olana ḏi'i.

1 Petrus 3:8

Ma ḏo-ḏogumu tala, ngini balasu ni 'ahu ma'u 'aro'o la matengo re matengo reninga rorasa. Re balasu ni ma'u dadalara matengo re matengo, ma tero sa'olo ngowa'a gia nongoḏu 'aḏi ma'u dadalara, re ninga 'akala re sinyingara la-la re ni maholo ninga diri.

1 Petrus 4:8

Ma la-lamo'o ma re'u i'a ḏi'i, ngini balasu ni ma'u dadalara mode-mode'e. Sababu na'o ngini ni dadalara so'o gena-ge, matengo re matengo manga ḏosa ngini na gogono ua taninga 'akala re sinyingara.

2 Petrus 1:7

Re taninga de'oso re ḏegoro gena-ge ni sidogo dadalara taninga ioronongoḏu ngo-ngaku rimoi. Ḏua ni sidogo taninga de'oso re ḏegoro, ni dadalara 'a guna ḇato.

1 Yohanes 3:23

Unanga 'ai parenta ra ngene so'o ne: Ngene balasu ngaku mangale Ma Jou'ongu Madutu 'ai Ngowa'a Nau'u, Unanga gena-ge Yesus Kristus, re ngene ḏi'i balasu wo ma'u dadalara matengo re matengo.

1 Yohanes 4:20

Dadi na'o matengo i'a 'o kanau, “Ngoi to dadalara Ma Jou'ongu Madutu.” Mada'a unanga 'o dadalara ua 'ai ioronongoḏu ngo-ngaku rimoi, ngowa'a gena-ge ngowa'a sa-sakala. Sababu osama 'akala ua unanga gena-ge 'a dadalara ua 'ai ioronongoḏu ngo-ngaku rimoi ga'a 'a oḏi-oḏi'i, kara nyengara 'o dadalara Ma Jou'ongu Madutu ga'a unanga 'o oḏi'i ua!

Tingoýi 2:4

Mada'a 'age rema 'ori i'a rimoi ga'a ngoi to sanangi ua ra ngini: Ngini ninga dadalara ra Ngoi sa'olo ma mulaingi riwara.