'Ibrani 12:5 - Jaji ma Su-sungi

⁵ Re ni sidaioranga ḏua Ma Jou'ongu Madutu 'ai demo nena-ne ga'a 'i pula'a de-de'e ra ngini sababu ngini 'Ai ngowa-ngowa'a nau'u: “ 'Ari ngowa'a nau'u na totoho la-la ino Ma Jou'ongu Madutu 'ai do-doto'o, re awa 'ani 'akala re sinyingara 'i rapo'o na'o Tini ḇangata.

'Ibrani 12:5 Iomraidhean Croise

Lukas 24:6

Unanga ro cua 'ane-ne, Unanga ro dadunu 'o 'ahu moju. Ni 'elingi 'oru ga'a Unanga 'o kanau pasala ḏua ra ngini wakutu Unanga toma Galilea

Lukas 24:8

Dadi we-were'a gena-ge ananga ya si'elingi ie mangale Yesus 'ai demo-demo.

1 Korintus 11:32

Mada'a na'o wo sanga hukumu ra Ma Jou'ongu Madutu, gena-ge mangale Unanga 'o doto'o ngene, la awa ngene sanga hukumu kasingado-ngadolo i'a sirimoi reo ngowa'a 'aḏi ngaku Yesus ua.

Galatia 6:9

Sababu gena-ge, kalaha wo basono momoro, awa ngene wo matogumu 'a'a 'ori i'a ma la-la. Sababu na'o ngene wo madaga'a 'ori i'a ma la-la tau-taunu, ḏuanga i'a enanga ma 'orasa 'i ngadolo ngene wa sanga enanga ma sowo'o.

1 Timotius 1:20

'Age nga muḏiḏi tamanga sigolona ga'a manga ngo-ngaku 'i cira: 'a Himeneus re 'a Aleksander. Ngoi ta'u sieanga i'a 'Iblisi ya'u kuasa. Gena-ge 'i dadi do-doto'o rimoi ra ananga, la 'aḏi matogumu 'aḏi sije-jengere Ma Jou'ongu Madutu sababu ananga 'aḏi doto'o 'ori i'a ma rapu gena-ge, ga'a 'i ma'u lawana 'ori i'a banari ra Unanga ino.

'Ibrani 12:7

Dadi, wakutu ngini ni sanga sangisara, balasu ni tahana. Sababu Ma Jou'ongu Madutu 'o pake sangisara di'a 'O doto'o ngini ma tero sa'olo ḇaḇa 'o pake hukumu di'a 'o doto'o 'ai ngowa'a nau'u. Sanga ua, ḇaḇa 'o doto'o 'ai ngowa'a nau'u so'o gena-ge ua.

'Ibrani 13:22

Ioronongoḏu ngo-ngaku rimoi, ngoi to golo'o mode-mode'e ra ngini mangale ni totoho la-la ino 'ari duga re domolo, sababu 'ari surata nena-ne 'i kiḏanga ua.

Yakobus 1:12

Bara'utungu ngowa'a ga'a manga ngo-ngaku elala ua na'o sanga bo-baja toma 'Iblisi. Sababu wakutu bo-baja ma 'orasa ri togumu, ḏuanga i'a ya sanga 'ahu kasingado-ngadolo i'a sa'olo ngogele rimoi ga'a Ma Jou'ongu Madutu 'o sijaji pasala ḏua di'a ngowa-ngowa'a ga'a 'aḏi dadalara Unanga.

Tingoýi 3:19

Ngowa-ngowa'a ga'a Ngoi nena-ne ta'u dadalara, ananga gena-ge Ngoi ta'u ḇangata re Ta'u sihukumu di'a Ta'u doto'o. Sababu gena-ge, ngini balasu sibabata ninga dadalara ra Ngoi, re ni maḏibo toma ngo'omo boloto.