'Ibrani 12:3 - Jaji ma Su-sungi

³ Wa fikiri ngido-ngido ma duhu sa'olo Unanga 'ai sangisara ga'a 'o sanga toma ngowa'a baraḏosa ga'a lawana Unanga. Dadi ngini awa ninga 'akala re sinyingara 'i ce-ceka'a re ninga 'akala re sinyingara 'i rapo'o.

'Ibrani 12:3 Iomraidhean Croise

Matias 11:19

Ngoi, Manusia ma Ngowa'a Nau'u reto sapolo, To oromo re ka'e 'anggur. Nange-ne ḏi'i ngowa'a raḏi dawongo Ngoi ua 'aḏi kanau, ‘Oḏi'i Unanga gena-ge 'O da-danata re 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa!’ Kalaha so'o gena, Ma Jou'ongu Madutu 'ai 'akala ma soro'unu 'i waiti banari ra Ma Jou'ongu Madutu 'ai ngowa-ngowa'a manga de'oso re ḏegoro ma rousu.”

Matias 12:24

Mada'a ngowa'a Farisi ya 'isene so'o gena, ananga ya sangoro, “Ngowa'a nena-ne pa'i nga'unu 'o dusu'u roh ma jira ḇato sababu Beelzebul, 'o Roh ma Jira ma 'Olana, enanga 'i pula'a watasa ra Unanga.”

Matias 15:2

“I'a sa'olo 'Ani me-mete'e 'aḏi mete'e ua nanga ete re dotumu manga 'adata? Wakutu ananga 'aḏi oromo, ya soso'o siḏa ua manga giama, gena-ge mete'e ua nanga 'atoranga!”

Matias 21:23

Gena ḏua, Yesus dadunu 'o maḏibo re 'o osama ra Ma Jou'ongu Madutu 'ai Wala ma soana, di'a 'O doto'o. Wakutu Unanga 'o doto'o ngowa'a moju, 'imam-'imam ma sae'e re Yahudi manga bi-biri'i 'aḏi sapolo ra Unanga re 'aḏi sano, “No sanga 'Ani kuasa le'a ino, singadolo Ngana no 'a'a mo-moini gena-ge? Re 'a guna 'o pula'a kuasa ra Ngana?”

Matias 21:46

Dadi ananga 'aḏi disa ngo'omo di'a cako'o Unanga. Mada'a ananga 'aḏi mojongo ngowa'a repe sababu ananga 'aḏi ngaku Yesus gena-ge 'o dadi nabi.

Matias 22:15

Togumu i'a, ngowa-ngowa'a Farisi 'aḏi malomu. Ananga 'aḏi disa ma ngo'omo di'a disa Yesus 'ai sala remanga so-sano—so-sano.

Lukas 14:1

Toma 'orasa rimoi Sabata ma wangere, Yesus 'o tagi oromo toma ngowa'a Farisi matengo 'ai wala. Unanga gena-ge 'o sayanga ma jingi'i. Toma ngi'i gena-ge, guru-guru 'agama re ngowa-ngowa'a Farisi 'aḏi tailako Unanga mode-mode'e.

Lukas 15:2

Ngowa-ngowa'a Farisi re guru-guru 'agama mulaingi 'aḏi kuḏubungu re 'aḏi kanau, “Unanga ne 'o dawongo ngowa-ngowa'a baraḏosa re 'aḏi oromo mamete'e ra Unanga!”

Lukas 16:14

Ngowa-ngowa'a Farisi ya 'isene mo-moini ga'a Yesus 'o kanau mada'a ananga 'aḏi nye-nyelo'o Unanga sababu ananga 'aḏi nyafusu pipisi.

Lukas 2:34

Ḏua Simeon sibarakati ananga re 'o kanau i'a ra ngo Maria, “Ngowa kiau nena-ne Ma Jou'ongu Madutu ro cumutu ḏua di'a sihukumu re sisalamata ngowa'a repe toma Israel re 'O dadi didina'o rimoi ra Ma Jou'ongu Madutu ino mada'a Unanga ḏuanga i'a ngowa'a repe 'U lawana,

Lukas 5:21

Guru-guru 'agama re ngowa-ngowa'a Farisi mulaingi 'aḏi masano tamanga 'akala re sinyingara, “Unanga ne 'a guna, singadolo 'o nau'u masala 'o je-jengere Ma Jou'ongu Madutu! Pa'i Ma Jou'ongu Madutu masiretene nga'unu 'o singi-ngiranga ngowa'a manga ḏosa!”

Yohanes 10:20

Ngowa'a repe 'aḏi kanau, “Unanga roh ma jira 'U dungosama! Unanga 'o pona! 'Oru ngini 'isene Unanga?”

Yohanes 18:22

Wakutu Yesus 'o kanau so'o gena, 'imam 'agung 'ai ngowa'a ja-jaga matengo 'U sata Yesus re 'o kanau, “No nau'u masala No kanau so'o gena-ge toma 'imam 'agung!”

Yohanes 5:16

Sababu gena-ge, Yahudi manga bi-biri'i mulaingi 'U sikangela Yesus, sababu Unanga 'o si-la ngowa'a toma Sabata ma wangere.

Yohanes 7:12

Toma laya gena-ge ma dara, ngowa'a repe 'aḏi ma'u jujuḏu mangale Unanga. Mamuni'a 'aḏi kanau, “Unanga ngowa'a la-la.” Mada'a mamuni'a ḏi'i 'aḏi kanau, “Ua, Unanga 'o sihaga ngowa'a repe.”

Yohanes 8:13

Ngowa-ngowa'a Farisi 'aḏi kanau ra Unanga, “Sababu Ngana no pula'a sakisi mangale 'Ani diri masiretene, ngomi ma dawongo ua 'Ani sakisi gena-ge sa'olo banari.”

Yohanes 8:52

Ḏua ngowa'a Yahudi 'aḏi kanau ra Yesus, “Nange-ne ngomi ma waro ngana ne roh ma jira ni dungosama. Abraham masiretene ro sengene so'o gena-ge ḏi'i nabi-nabi mo-moini raḏi sengene. Dadi i'a sa'olo No kanau, ‘Na'o 'a guna ḇato 'o mete'e 'Ani demo, unanga kama sengene ua?’

Yohanes 8:59

Gena ḏua, ngowa'a Yahudi 'aḏi 'oro maḏi di'a 'aḏi poini Unanga, mada'a Unanga 'o magogono, kara 'o sisoi'i tala Ma Jou'ongu Madutu 'ai Wala ma soana.

Yohanes 9:40

'Age rema ngowa'a Farisi nga muḏuo i'a ga'a mamete'e rea Yesus ya 'isene Unanga 'o kanau so'o gena-ge. Dadi ananga 'aḏi sano ra Unanga, “Dadi 'Ani maksudu ngomi nena-ne mi hafu ḏi'i?”

1 Korintus 15:58

Sababu gena-ge, ioronongoḏu ga'a ngoi tini dadalara, ngini ninga ngo-ngaku balasu lai te'e, la ninga ngo-ngaku kama elala awa. Ni munara ra Ma Jou kama togumu awa, reninga 'akala re sinyingara mode-mode'e. Sababu ngini ni waro mangale 'oru ga'a ngini ni munara di'a Ma Jou, tantu ḏua enanga 'i parasaja ua.

2 Korintus 4:1

Dadi sababu Ma Jou'ongu Madutu 'o sijumu 'ai 'akala re sinyingara ma la-la ra ngomi, Unanga gena-ge 'o cumutu ngomi di'a singadolo mangale jaji ma su-sungi. Sababu gena-ge, ngomi minga 'akala re sinyingara 'i rapo'o ua.

2 Korintus 4:16

Kalaha minga lese 'i dadi cira wange moi-wange moi, minga 'akala re sinyingara ma dara 'i dadi su-sungi wange moi-wange moi. Sababu gena-ge, ngomi minga 'akala re sinyingara 'i rapo'o ua.

Galatia 6:9

Sababu gena-ge, kalaha wo basono momoro, awa ngene wo matogumu 'a'a 'ori i'a ma la-la. Sababu na'o ngene wo madaga'a 'ori i'a ma la-la tau-taunu, ḏuanga i'a enanga ma 'orasa 'i ngadolo ngene wa sanga enanga ma sowo'o.

2 Tesalonika 3:13

Ioronongoḏu ngo-ngaku rimoi, awa ngini ni matogumu 'a'a 'ori i'a la-la. Kalaha ni basono momoro ngini balasu ni 'a'a 'ori i'a la-la tau-taunu.

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

'Ibrani 12:5

Re ni sidaioranga ḏua Ma Jou'ongu Madutu 'ai demo nena-ne ga'a 'i pula'a de-de'e ra ngini sababu ngini 'Ai ngowa-ngowa'a nau'u: “ 'Ari ngowa'a nau'u na totoho la-la ino Ma Jou'ongu Madutu 'ai do-doto'o, re awa 'ani 'akala re sinyingara 'i rapo'o na'o Tini ḇangata.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.

1 Petrus 2:23

Wakutu ngowa'a 'U je-jengere Unanga, Unanga 'A balasa ua. Wakutu ngowa'a 'U sisikisa Unanga, Unanga 'o sinati-nati ua di'a sisikisa ananga. Unanga pa'i 'a sidoa'a 'Ai 'ahu ra Ma Jou'ongu Madutu ga'a 'O dadi Juruhakimi 'adili.

Tingoýi 2:3

Re kalaha ngini sanga sangisara sababu ninga ngo-ngaku ra Ngoi, ngini ninga ngo-ngaku 'i elala ua re ninga 'akala re sinyingara 'i rapo'o ua.