'Ibrani 12:23 - Jaji ma Su-sungi

²³ Ngini reni sapolo talaḏi ra Ma Jou'ongu Madutu 'ai ngowa nau'u ma jomolo manga lo-lomu, ga'a manga lomanga 'i silefo toma soroga. Ngini reni sapolo talaḏi ra Ma Jou'ongu Madutu ga'a 'o sijuruhakimi manusia mo-moini, ngini reni sapolo talaḏi ḏi'i ngowa'a loasa re banari manga roh, ananga gena-ge ga'a raḏi sengene re raḏi dadi ti-tiai toma soroga.

'Ibrani 12:23 Iomraidhean Croise

Lukas 10:20

Kalaha so'o gena, awa pa'i ngini ni maroanga ḇato sababu ni nga'unu dusu'u roh-roh ma jira. Jobilaha ngini ni maroanga sababu ninga lomanga 'i silefo ḏua da'u toma soroga.”

Yohanes 5:27

Re ḏi'i, Unanga ro pula'a ḏua 'Ai kuasa ra Ngoi, 'Ai Ngowa'a Nau'u, di'a sijuruhakimi manusia, sababu Ngoi Manusia Ma Ngowa'a Nau'u.

Yesus 'ai so-soma'a 20:28

Ngini balasu ni ma'istiari ninga 'ahu ma dara re ni sioḏi'i ngowa'a ngaku Yesus mo-moini ga'a Ma Ngagara 'Ofi-'Ofi 'i siwatasa re 'i sitede ngini ni dadi jama'ata ma bi-biri'i. Ngini balasu ni sioḏi'i ngowa-ngowa'a ngaku Yesus sa'olo sowohi 'o jaga 'ai doba sababu jama'ata-jama'ata gena-ge ananga 'aḏi dadi Ma Jou'ongu Madutu 'ai 'umata sababu Ma Jou 'ai se-sengene.

1 Korintus 13:12

'Oru ga'a ngene wa oḏi'i nange-ne, ma tero sa'olo wa oḏi'i nanga guḏumingi toma kasina, enanga 'i sairamu moju. Mada'a ḏuanga i'a ngene wo oḏi'i Unanga tarangi madutu sababu ma'u talaḏi biono. Nange-ne, ngoi ta nana'o mo-moini nyangu mangale Ma Jou'ongu Madutu. Mada'a ḏuanga i'a ngoi tu nana'o Unanga mode-mode'e, ma tero sa'olo Unanga ro nana'o ngoi mode-mode'e.

1 Korintus 15:49

So'o gena-ge ḏi'i, nange-ne nanga lese ma jamani ma tero sa'olo 'a Adam 'ai jamani ga'a sidadi reo tana'a. Ḏuanga i'a nanga lese ma jamani 'i dadi ma tero sa'olo Unanga gena-ge toma soroga tala.

1 Korintus 15:54

Mo-moini gena-ge 'oru ga'a 'i silefo toma Boku 'Ofi-'Ofi toma 'orasa gena-ge, enanga 'i sitotomo: “Maut enanga ri iranga, dadi ngene sanga 'ahu kasingado-ngadolo i'a.”

2 Korintus 5:8

Ngoi dadunu to kanau: Ngomi minga 'akala re sinyingara 'i te'e. Re ḏi'i, ngomi lebe mi nyanyaḏi mi sisoi'i tala nanga lese, la nga'unu mi tegoro marimoi ra Ma Jou Yesus.

Efesus 1:22

Re Ma Jou'ongu Madutu 'a sita'aloko mo-moini ra Kristus 'ai kuasa ma 'aḏu. Re Kristus gena-ge, ga'a 'O parenta mo-moini, 'o dadi jama'ata manga sae'e.

Filipi 4:3

Ngoi to golo'o toma ḏagilomu munara matengo ga'a cufala munara no riono ananga we-were'a nga muḏiḏi gena-ge. Ananga raḏi munara mode-mode'e mamete'e ra ngoi, la Habari Roanga 'i rera re walata. Ananga gena-ge ma tero sa'olo 'a Klemen, re ngowa-ngowa'a lelegu raḏi munara mamete'e ra ngoi ga'a manga lomanga 'i silefo ḏua toma ngowa'a 'ahu-'ahu manga boku.

Kolose 1:12

re ni sibere ie murasa ma la ra Ma Jou'ongu Madutu ḏi'i. Sababu Unanga gena-ge ga'a 'o sidadi ngini ni patasa di'a ni dawongo 'oru ga'a Unanga 'a sidodahe pasala ḏua di'a 'Ai 'umata Tai pareta ma dara ga'a 'i tarangi.

Kolose 1:24

Nange-ne, ngoi to sanangi to sanga sangisara di'a ngini ninga la. Sababu so'o gena-ge, ngoi ta sitotomo 'oru ga'a Kristus 'o siwatasa ra ngoi. Gena-ge ngoi balasu to sangisara di'a jama'ata manga la. Jama'ata gena-ge ma tero sa'olo Kristus 'ai lese.

1 Timotius 3:5

Sababu na'o 'ai ngitu re ngale masiretene 'a si'aturu nga'unu ua, tantu ḇato 'a si'aturu jama'ata nga'unu ua ḏi'i!

'Ibrani 11:4

Sababu Habel 'ai ngo-ngaku, unanga 'o pula'a jou-jou ra Ma Jou'ongu Madutu ga'a 'i lebe rousu ra Kain 'ai jou-jou. Sababu Habel 'ai jou-jou Ma Jou'ongu Madutu 'o sanangi re 'a dawongo 'a Habel sa'olo ngowa'a loasa re banari. Re kalaha Habel ro sengene, unanga 'ai ngo-ngaku gena-ge 'i dadi do-doto'o moju ra ngene nange-ne.

'Ibrani 11:40

Sababu Ma Jou'ongu Madutu ro sitantukanga di'a 'o sidodahe 'ori i'a ga'a lebe rousu di'a ngene: Pa'i ananga gena-ge mamete'e ra ngene ḇato ḏuanga i'a ananga 'aḏi dadi ti-tiai.

'Ibrani 2:12

Yesus 'o kanau ra Ma Jou'ongu Madutu so'o ne: “Ngoi ḏuanga i'a to sijarita Tari ioronongoḏu mangale Baba; Ngoi ḏuanga i'a to puji re silamo'o Baba ra ananga manga lo-lomu.”

'Ibrani 9:27

Re mete'e Ma Jou'ongu Madutu 'ai 'akala ma mau, manusia 'aḏi sengene pa'i soi moi ḇato. Togumu i'a kara Unanga na sijuruhakimi.

Yakobus 1:18

Mete'e Ma Jou'ongu Madutu 'ai 'akala ma mau masiretene, Unanga 'o sidadi ngene sa'olo 'Ai ngowa-ngowa'a sababu wo ngaku 'Ai habari banari, la ngene wo dadi Unanga 'ai do-dadi ma la-lamo'o ma re'u i'a Tai do-dadi mo-moini.

1 Petrus 2:23

Wakutu ngowa'a 'U je-jengere Unanga, Unanga 'A balasa ua. Wakutu ngowa'a 'U sisikisa Unanga, Unanga 'o sinati-nati ua di'a sisikisa ananga. Unanga pa'i 'a sidoa'a 'Ai 'ahu ra Ma Jou'ongu Madutu ga'a 'O dadi Juruhakimi 'adili.

Tingoýi 13:8

Haiwani gena-ge, ngowa'a mo-moini toma dungia sitabi donga ḏuanga i'a ya silamo'o re siḏubuso ḏuga-ḏuga ananga ga'a manga lomanga 'i silefo ḏua toma ngowa'a 'ahu-'ahu manga boku wakutu dungia 'i sidadi nyangu. Boku gena-ge Doba ma Ngowa ma boku, Doba ma Ngowa ga'a ya tola'a ḏua.

Tingoýi 14:4

Ananga gena-ge ngowa-ngowa'a 'ofi-'ofi ma tero sa'olo na-nau'u waro 'oru nyangu sababu 'aḏi sebanga we-were'a nyangu. Ananga gena-ge mete-mete'e tau-taunu Doba ma Ngowa'a le'a ḇato, Enanga 'i tagi. Toma ngowa'a mo-moini manga sigolona, ananga gena-ge raḏi salamata sa'olo hasili ma jomolo ra Ma Jou'ongu Madutu re Doba ma Ngowa.

Tingoýi 20:15

Ngowa'a mo-moini ga'a manga lomanga 'i silefo ua toma ngowa'a 'ahu-'ahu manga boku, ananga gena-ge 'aḏi siupa'a toma ngoloto u'u ma dara.

Tingoýi 6:11

Ananga matengo re matengo sanga juba bu-buḏo matengo bela moi. Ḏua ananga sanga soma'a mangomasa ceka'a 'ua moju singadolo ngowa'a 'aḏi sisengene manga ḏagilomu munara re manga ioronongoḏu ngo-ngaku rimoi ma tero sa'olo ananga ḏi'i, kara ma nyo-nyoimi ri ti-tiai.

Tingoýi 6:9

Gena ḏua, Doba ma Ngowa 'a woi'i ma segele ma nyo-nyoimi romotoa. Re ngoi to oḏi'i ngowa'a manga nyawa toma jou-jou ma ngi'i ma 'aḏu. Ngowa-ngowa'a 'aḏi sisengene ananga gena-ge sababu ananga sa'olo sakisi cufala ga'a 'aḏi singadolo Ma Jou'ongu Madutu 'ai demo.