'Ibrani 12:22 - Jaji ma Su-sungi

²² Siḏibo ḏi'i, ngini reni sapolo talaḏi toma Kie Sion, limau Yerusalem toma soroga, gena-ge Ma Jou'ongu Madutu ga'a 'ahu, Unanga 'ai limau. Ngini reni talaḏi toma mala'ekata rema cala-cala ga'a 'o malomu re 'o maroanga talaḏi ra Unanga gena-ge.

'Ibrani 12:22 Iomraidhean Croise

Matias 16:16

Simon Petrus 'a sangoro, “Jou 'O Kristus, Ma Jou'ongu Madutu 'o 'ahu-'ahu, Unanga gena-ge 'Ai Ngowa'a Nau'u.”

Matias 5:35

bae ni masisasi ni terongo tana'a, sababu tana'a Unanga gena-ge 'ai rou ma ba-bangini, bae ni masisasi ni terongo limau Yerusalem, sababu limau gena-ge Ma Jou'ongu Madutu 'ai limau, Unanga gena-ge ga'a 'Olana Lamo'o.

Roma 11:26

Re dadi ngowa'a Israel mo-moini ḏuanga i'a sanga salamata. Gena-ge ma tero sa'olo toma Boku 'Ofi-'Ofi ma dara 'i silefo so'o ne: “Salamata ma cimi toma Sion ḏuanga i'a 'O sapolo, Unanga ḏuanga i'a 'A singi-ngiranga Yakub 'ai ju'uda manga kajahatana.

Roma 9:26

Re: Ua re 'au wali, Ma Jou'ongu Madutu 'o si'aro'o ananga gena-ge, ‘ 'Ari 'umata ua,’ mada'a ḏuanga i'a Ma Jou'ongu Madutu ga'a 'o 'ahu, Unanga 'o si'aro'o ananga gena-ge ‘Ma Jou'ongu Madutu 'ai ngowa-ngowa'a nau'u.’ ”

Galatia 4:26

Mada'a ngo Sara we-were'a budaka ua ma tero sa'olo Yerusalem ga'a toma soroga. Sababu munanga gena-ge re 'ami ngowa'a 'aḏi 'ahu bebasa ra Musa 'ai hukumu. Re ḏi'i munanga mo dadi ngina di'a ngowa'a mo-moini ga'a raḏi bebasa ra Musa 'ai hukumu.

Efesus 2:19

Sababu gena-ge, 'au nga'ene ngini ga'a ngowa'a Yahudi ua ma tero sa'olo ngowa'a tagi-tagi ino, toma 'orasa nange-ne, so'o gena-ge riwara. Siḏibo ḏi'i, ngini reni dadi Ma Jou'ongu Madutu 'ai 'umata, re reni osama nyo-nyoimi ra Ma Jou'ongu Madutu 'ai ngitu re ngale.

Filipi 3:20

Mada'a ngene rewo osama nyo-nyoimi toma Soroga ma Pareta. Re Ma Jou Yesus Kristus, nanga Salamata ma Cimi, ḏuanga i'a dadunu 'o sapolo da'a toma ngi'i gena-ge ino. Unanga gena-ge ga'a ngene wu totoma re wu ga-ganutu.

1 Tesalonika 1:9

Ngowa'a mo-moini ya sijarita mangale ma duhu sa'olo 'au nga'ene ngomi mi sapolo i'a, re ma duhu sa'olo ngini ni dawongo minga do-doto'o: Ngini rena upa'a ninga jou'ongu ma somoara re ni silamo'o re siḏubuso mode-mode'e re ni de-de'oso Ma Jou'ongu Madutu pa'i matengo ḇato, Unanga ga'a 'o 'ahu.

2 Timotius 4:18

Tantu ḏua, Ma Jou'ongu Madutu ḏuanga i'a 'o silalo'o ngoi toma ngowa'a manga 'ulungu ma jira re Unanga ḏuanga i'a 'o gasa ngoi toma salamata Tai pareta ma dara toma soroga. Ino ngene wo silamo'o re siḏubuso Unanga re wo puji re silamo'o 'Ai lomanga kasingado-ngadolo i'a. 'Amin.

'Ibrani 10:31

Sababu gena-ge, na'o ngene wo sangaja wo 'a'a ḏosa tau-taunu, ngene balasu 'o basono mojongo madutu, sababu ngene ḏuanga i'a wo sanga hukumu ra Ma Jou'ongu Madutu ga'a 'O 'ahu kasingado-ngadolo i'a!

'Ibrani 11:10

Abraham ro tegoro toma suyu'u sababu 'o totoma di'a tegoro toma limau ga'a ma bangini lai te'e. Limau gena-ge ga'a Ma Jou'ongu Madutu ḏuanga i'a 'A side'oso 'A mete'e 'Ai maksudu.

'Ibrani 11:16

Mada'a ma nyonyata ananga si'elingi ie 'o nagara lebe rousu, gena-ge nagara toma soroga. Sababu gena-ge Ma Jou'ongu Madutu 'o mara'a ua, na'o ananga 'aḏi si'aro'o Unanga, Ma Jou'ongu Madutu ga'a ananga 'aḏi silamo'o re siḏubuso, sababu Unanga ra sidodahe limau rimoi di'a ananga.

'Ibrani 13:14

Sababu toma dungia nena-ne, limau ga'a 'i kasingado-ngadolo i'a di'a ngene, 'i cua. Dadi ngene wo nganono re wo duka di'a limau toma soroga ga'a ngene wo tegoro kasingado-ngadolo i'a.

'Ibrani 3:12

Ioronongoḏu ngo-ngaku rimoi ni ma'istiari ino: Awa-awa 'age rema ngowa'a matengo i'a taninga sigolona 'ai 'akala re sinyingara 'i cira re 'ai ngo-ngaku 'i iranga singadolo unanga 'o maḏibo ḏuḏunu re 'o maki-kiḏanga ra Ma Jou'ongu Madutu, ga'a 'O 'ahu-'ahu.

'Ibrani 9:14

Na'o ngaunu re 'omanga gena-ge nga'unu 'i sigofi ngowa'a manga lese, Kristus 'ai ngaunu ma kuasa lebe lamo'o i'a: Unanga 'ai ngaunu nga'unu sigofi nanga 'akala re sinyingara ma kanau ga'a 'i faja moju sababu ngene wo mete'e 'agama ma 'atoranga ga'a ma faeda 'i cua, la ngene nga'unu wo silamo'o re siḏubuso Ma Jou'ongu Madutu ga'a 'O 'ahu-'ahu. Kristus nga'unu 'o sidoa'a 'ai lese ga'a kama ḏosa ua ra Ma Jou'ongu Madutu, sababu ri-riono toma Ngagara 'Ofi-'Ofi ga'a 'ahu kasingado-ngadolo i'a.

Yudas 1:14

'Ua re 'au wali, Henokh, a Adam 'ai ju'uda nani tumudingi tala, unanga ra sinubuata mangale ngowa-ngowa'a gena-ge. Unanga 'o kanau, “Oḏi'i, Ma Jou ḏuanga i'a 'o sapolo Rai mala'ekata 'ofi-'ofi rema cala-cala,

Tingoýi 14:1

Gena ḏua, ngoi to oḏi'i Doba ma Ngowa 'o made-de'oso toma Kie Sion. Ngowa'a nga cala latu moi re cala nyagi rata re cala rata (144,000) 'aḏi mamete'e ra Unanga. Tamanga memese matengo re matengo gena-ge 'i silefo Doba ma Ngowa ma lomanga re ma Ḇaḇa 'ai lomanga ḏi'i.

Tingoýi 21:10

Dadi Ma Ngagara 'Ofi-'Ofi ri ḏegoro ngoi kara mala'ekata gena-ge ro gasa ngoi toma kie kau'u madutu ma tubu. Unanga 'o sijumu ra ngoi Yerusalem, gena-ge limau 'Ofi-'Ofi, enanga aro 'uci-'uci da'u soroga ra Ma Jou'ongu Madutu tala.

Tingoýi 21:2

kara ngoi to oḏi'i limau 'ofi-'ofi, gena-ge limau Yerusalem su-sungi, 'uci da'u soroga ra Ma Jou'ongu Madutu tala. Limau gena-ge 'i sidodahe pasala ḏua sa'olo diai geri molo'ara we-were'a matengo di'a mo ma'u sanga geri molo'ara na-nau'u.

Tingoýi 22:19

Re na'o 'a guna ḇato 'a sikuranga nubuata nena-ne, Ma Jou'ongu Madutu ḏi'i 'a sikuranga unanga 'ai balangu toma ate 'ahu-'ahu ma sowo'o re toma limau 'ofi-'ofi gena-ge ga'a 'i siajele toma boku nena-ne.

Tingoýi 3:12

'A guna ḇato 'ai ngo-ngaku ra Ngoi kama elala ua singadolo 'o sengene, ḏuanga i'a Ngoi ta'u sidadi ananga sa'olo 'Ari Jou'ongu Madutu 'ai Wala ma ngasu'u lamo'o. Re ḏi'i unanga 'o tegoro Tari ngi'i gena-ge kasingado-ngadolo i'a. Re 'Ari Jou'ongu Madutu 'ai lomanga re 'Ari Jou'ongu Madutu 'ai limau ma lomanga — gena-ge Yerusalem su-sungi ga'a 'i 'uci da'u soroga tala Tari Jou'ongu Madutu — ḏuanga i'a ta silefo lomanga mo-moini gena-ge ra ananga manga lese matengo re matengo. Re 'Ari lomanga su-sungi ta silefo ra ananga manga lese matengo re matengo ḏi'i.

Tingoýi 7:2

Ḏua, ngoi to oḏi'i mala'ekata ma lelegu 'o sapolo da'a kore mie ino, unanga 'o gasa segele ra Ma Jou'ongu Madutu ino, Unanga ga'a 'ahu-'ahu. Mala'ekata gena-ge 'o 'aro'o 'a siduga-duga mala'ekata nga ḏuata nange-ge ga'a sanga kuasa ḏua ra Ma Jou'ongu Madutu di'a sijira tana'a ma re'u re ngoloto,