'Ibrani 12:19 - Jaji ma Su-sungi

¹⁹ Ananga 'aḏi 'isene terompet ma iḏingi lai siḏi, re Ma Jou'ongu Madutu 'ai iḏingi. Wakutu ananga 'aḏi isene 'Ai iḏingi gena-ge ananga 'aḏi terewete re 'aḏi golo'o mode-mode'e iḏingi gena-ge ya 'isene rawara.

'Ibrani 12:19 Iomraidhean Croise

Matias 24:31

Gena ḏua, ngowa-ngowa'a 'aḏi isene terompet ma iḏingi lai siḏi. Ḏua Ngoi, Manusia ma Ngowa'a Nau'u, To soma'a 'Ari mala'ekata-mala'ekata 'aḏi lomu 'Ari 'umata ga'a Ma Jou'ongu Madutu ya'u cumutu ḏua toma dungia ḇuḇuku rata, toma diwanga ma didiki singadolo toma diwanga ma didiki.”

1 Korintus 15:52

Gena-ge 'i dadi na'o ngene wo 'isene terompet ma iḏingi ma ḏo-ḏogumu. Kage-kage re tado la'o ua ngowa'a raḏi sengene dadunu 'aḏi 'ahu moju re dawongo lese su-sungi ga'a 'i wejere ua. Re ngene ga'a 'ahu moju nanga lese ri manongoso.

1 Tesalonika 4:16

Toma 'orasa gena-ge, mala'ekata ma sae'e unanga ḏuanga i'a 'o kanau 'o siduga-duga re 'o wusu Ma Jou'ongu Madutu 'ai terompet. Enanga gena-ge 'i dadi didina'o mangale Ma Jou masiretene 'O 'uci da'u soroga tala, kara Unanga 'o dadunu si'ahu moju ngowa'a ngaku Yesus ga'a raḏi sengene siḏa.

'Ibrani 12:25

Sababu gena-ge, ngini balasu ni ma'istiari ino, awa ni dawongo ua Ma Jou'ongu Madutu 'ai demo. 'Ua re 'au wali, toma dungia ananga ga'a 'aḏi dawongo ua Musa 'ai demo ra Ma Jou'ongu Madutu tala, raḏi sanga hukumu. Tantu ḏua hukumu lebe ḏubuso na'o ngene ḏi'i wo dawongo ua Unanga 'ai demo, Unanga gena-ge ga'a 'o kanau toma soroga!