'Ibrani 12:15 - Jaji ma Su-sungi

¹⁵ Ngini ni ma ma'istiari 'ahu matengo re matengo, la matengo i'a mai ua 'o sieanga i'a Ma Jou'ongu Madutu ga'a 'O sijumu 'Ai mura re dadalara ra ngene. Re ngini ni ma'istiari ninga 'ahu matengo re matengo, la matengo i'a mai ua awa ma tero sa'olo go-gahu rema racimi ga'a si'a'a susa ngowa'a, re sigasa ngowa'a repe toma ḏosa ma dara.

'Ibrani 12:15 Iomraidhean Croise

'Ibrani 3:12

Ioronongoḏu ngo-ngaku rimoi ni ma'istiari ino: Awa-awa 'age rema ngowa'a matengo i'a taninga sigolona 'ai 'akala re sinyingara 'i cira re 'ai ngo-ngaku 'i iranga singadolo unanga 'o maḏibo ḏuḏunu re 'o maki-kiḏanga ra Ma Jou'ongu Madutu, ga'a 'O 'ahu-'ahu.

Galatia 5:4

Ngini ga'a ni makutale ni dadi ngowa'a kamanga sala ua ra Ma Jou'ongu Madutu 'ai momina, sababu ni mete'e Musa 'ai hukumu, ngini masiretene reni sito-tola'a rea Kristus. Re ngini masiretene ḏi'i ni itomo Ma Jou'ongu Madutu 'ai mura re dadalara ra ngini.

2 Korintus 6:1

Sababu ngomi mi munara mamete'e ra Ma Jou'ongu Madutu, mi golo'o mode-mode'e ra ngini, awa ni siparasaja Ma Jou'ongu Madutu 'ai mura re dadalara ra ngini.

2 Yohanes 1:8

Sababu gena-ge, ngini balasu ni ma'istiari, la na siiranga awa ninga ngogele ga'a ngomi re ngini munara ma'u mete'e. Mada'a ni ma'istiari, la ngini nyengara ni sanga ngogele mo-moini ra Ma Jou'ongu Madutu.

1 Korintus 15:33

Awa ngowa'a 'aḏi sihaga ngini: “Na'o ngini ni ma'u rimoi toma ngowa'a ma jira, tantu ḏua manga de'oso re ḏegoro gena-ge 'i sijira ngini ninga de'oso re ḏegoro ma la-la.”

2 Petrus 3:14

Sababu gena-ge, ioronongoḏu ngo-ngaku rimoi ga'a ngoi tunu dadalara, wakutu ngini ni totoma ma 'orasa gena-ge moju, ngini balasu ni makutale mode-mode'e, la ninga 'ahu 'i dadi 'ofi-'ofi, kama ḏosa awa ra Ma Jou'ongu Madutu 'ai momina, re balasu ni makutale mode-mode'e ni 'ahu marimoi la-la ra Ma Jou'ongu Madutu.

'Ibrani 4:1

Ma Jou'ongu Madutu 'ai jaji ga'a ngene wo osama toma ngo-ngomasa ma ngi'i mamete'e ra Unanga, jaji gena-ge 'i sigasa singadolo 'orasa nange-ne. Sababu gena-ge, ngene balasu wa kadiarata la-la ino, la awa 'age rema ngowa'a matengo i'a mai ua taninga sigolona ga'a ya sanga ua jaji mangale ngo-ngomasa ma ngi'i gena-ge.

1 Korintus 5:6

Rousu ua, ngini ni momole. Ngini ni waro bolo ua 'ade-'ade ma betongo so'o ne: “Ragi pa'i ceka'a ua sikaluba toma tarigu, mada'a tarigu mo-moini 'i ramasa?!”

'Ibrani 4:11

Sababu gena-ge, ino ngene wo makutale mode-mode'e di'a wo sanga ngomasa ga'a Ma Jou'ongu Madutu 'o sijaji pasala ḏua. Awa-awa 'age rema ngowa'a matengo i'a tananga sigolona 'o eta'a, sababu unanga 'o mete'e ngowa-ngowa'a manga duhu ga'a 'aḏi 'isene ua Ma Jou'ongu Madutu, 'ua re 'au wali.

2 Korintus 13:5

Ngini ni parikisa ninga diri masiretene: Ngini ni ngaku Kristus mode-mode'e bolo ua?! Tantu ḏua, ngini ni ma'insafu masiretene mangale Yesus Kristus ro 'ahu taninga 'akala re sinyingara, bolo awa-awa ngini ninga ngo-ngaku 'i mode-mode'e ua?!

1 Korintus 10:12

Sababu gena-ge ioronongoḏu ngo-ngaku rimoi, na'o ni basono tala ninga ngo-ngaku lai te'e, balasu ma'istiari ino; awa-awa ni eta'a toma bo-baja!

'Ibrani 6:11

Ngomi golo'o mode-mode'e ngini matengo re matengo ni cufala munara tau-taunu di'a ma'u dadalara singadolo ma ḏo-ḏogumu, la ni dawongo 'oru ga'a ngini na singano-nganono.

2 Petrus 2:18

Ananga 'aḏi matoro na'o 'aḏi kanau. Momongolo ua, ananga manga demo 'i parasaja. Guru-guru sa-sakala gena-ge remanga demo 'aḏi baja ngowa'a ga'a 'aḏi aro sieanga 'aḏi mete'e ngowa'a manga de'oso re ḏegoro ma jira. Ananga 'aḏi baja ngowa'a gena-ge reo manusia manga 'ulungu ma cafarune, la 'aḏi maḏibo mete'e de'oso re ḏegoro ma siḏa moju!

Kolose 3:5

Sababu gena-ge, ngini ni upa'a mo-moini dungia ma nyafusu ga'a ma 'asala toma manusia: su-sudala, 'a'a 'ori i'a ma cafarune, oḏi'i we-were'a yoḏu'u, nyafusu ma jira, re da-danata. Da-danata gena-ge ma tero sa'olo silamo'o re siḏubuso jou'ongu ma somoara.

Efesus 5:3

Ngini Ma Jou'ongu Madutu 'ai 'umata. Sababu gena-ge: Tinikai bolo sudala awa, da-danata awa sababu 'ahu ma duhu so'o gena-ge 'i patasa ua di'a ngini, Unanga 'ai 'umata. Mo-moini gena-ge awa 'age taninga sigolona singadolo toma ngowa-ngowa'a lelegu 'i osama 'akala ua, ninga 'ahu ma duhu so'o gena-ge.

Galatia 2:13

Ioronongoḏu ngo-ngaku rimoi ga'a ngowa'a Yahudi ma lelegu ḏi'i 'aḏi mete'e 'a Petrus 'ai de'oso re ḏegoro ma rapu toma ioronongoḏu ngo-ngaku rimoi ga'a ngowa'a Yahudi ua; singadolo 'a Barnabas ḏi'i 'a mete'e manga de'oso re ḏegoro ma rapu!

1 Korintus 13:8

Dadalara kama ḏo-ḏogumu ua. Mada'a cocatu mo-moini ra Ma Jou'ongu Madutu ino bae kuasa di'a siajele habari da'u ra Ma Jou'ongu Madutu tala, ḏuanga i'a 'A sitogumu; bae kuasa di'a kanau pake Ma Ngagara 'Ofi-'Ofi ma demo, ḏuanga i'a 'I sitogumu; bae kuasa di'a singadolo wo-waro ra Ma Jou'ongu Madutu, ḏuanga i'a 'i togumu ḏi'i.

2 Petrus 3:11

Sababu mo-moini gena-ge Unanga 'a singi-ngiranga, dadi ninga 'ahu ma duhu sa'olo?! Ngini balasu ninga 'ahu 'ofi-'ofi re siboloto ninga 'akala re sinyingara di'a pa'i Ma Jou'ongu Madutu ḇato,

2 Petrus 1:10

Sababu gena-ge 'ari ioronongoḏu ngo-ngaku rimoi, ngini balasu ni makutale lebe siḏi i'a, la ninga de'oso re ḏegoro la-la gena-ge 'i dadi lebe te'e taninga 'ahu. Na'o so'o gena-ge 'i dadi didina'o rimoi ga'a sijumu mode-mode'e Ma Jou'ongu Madutu nu'u 'aro'o re Nu'u cumutu di'a ngini ni mete'e re ni dadi 'Ai ngowa-ngowa'a. Na'o ngini na si'a'a so'o gena, ninga ngo-ngaku kama elala ua.

Lukas 22:32

Mada'a Ngoi to manyiata di'a ngana Simon, la 'ani ngo-ngaku enanga 'i elala awa re wakutu ngana reno maḏibo ra Ngoi, ngana balasu na'u site'e 'ani ioronongoḏu manga ngo-ngaku ḏi'i.”

Titus 1:15

'Ori i'a mo-moini 'i 'ofi-'ofi re 'ori i'a rimoi mai ua 'i wosono ua di'a ngowa'a ga'a manga 'akala re sinyingara ma kanau 'i 'ofi-'ofi ra Ma Jou'ongu Madutu 'ai momina. Mada'a ngowa'a ga'a manga fikirana 'i cira re kamanga ngo-ngaku ua, 'ori i'a rimoi i'a mai ua 'i 'ofi-'ofi re 'ori i'a ma repe 'i wosono ra ananga, sababu ananga manga 'akala re sinyingara ma kanau ri faja singadolo 'aḏi basono ḏosa riwara.