'Ibrani 12:14 - Jaji ma Su-sungi

¹⁴ Ngini balasu ni makutale mode-mode'e ni 'ahu dame reo ngowa'a mo-moini. Re ni makutale mode-mode'e ni 'ahu 'ofi-'ofi, sababu pa'i ngowa'a ga'a manga 'ahu so'o gena ḇato, ḏuanga i'a 'aḏi oḏi'i Ma Jou'ongu Madutu.

'Ibrani 12:14 Iomraidhean Croise

Markus 9:50

G̱asi 'i la-la, mada'a na'o enanga 'i rasa riwara. Sanga ua, 'i dadunu rasa moju? Ngini balasu ni dadi sa'olo g̱asi: ni 'ahu ma'u 'aro'o la matengo re matengo.”

Lukas 1:75

renanga 'ahu 'ofi-'ofi re loasa re banari ra Ma Jou'ongu Madutu 'ai momina tananga 'ahu ma giḏanga i'a.

Roma 12:18

Na'o nyengara gari'a ma mulaingi ra ngini ino, balasu ni makutale di'a ni 'ahu dame toma ngowa'a mo-moini.

Roma 14:19

Sababu gena-ge, ino ngene wo makutale mode-mode'e di'a 'ahu ma'u 'aro'o la, re ma'u site'e nanga ngo-ngaku.

Roma 6:22

Mada'a nange-ne, Ma Jou'ongu Madutu ro sibebasa ngini toma ḏosa ma kuasa, re ni dadi Ma Jou'ongu Madutu 'ai budaka. Dadi ma 'utungu so'o ne: Ngini ni 'ahu marimoi ra Ma Jou'ongu Madutu, re ma ḏo-ḏogumu tala sanga 'ahu kasingado-ngadolo i'a.

1 Korintus 1:10

Ioronongoḏu ngo-ngaku rimoi, rema Ma Jou Yesus 'ai kuasa, ngoi to golo'o mode-mode'e balasu ni sirimoi ninga 'akala ma sanga. Awa ni ma'u tolabe singadolo ni ma'u salira. Ngini balasu ni marimoi, ni sirimoi ninga wo-waro re ninga 'akala ma sanga.

1 Korintus 13:12

'Oru ga'a ngene wa oḏi'i nange-ne, ma tero sa'olo wa oḏi'i nanga guḏumingi toma kasina, enanga 'i sairamu moju. Mada'a ḏuanga i'a ngene wo oḏi'i Unanga tarangi madutu sababu ma'u talaḏi biono. Nange-ne, ngoi ta nana'o mo-moini nyangu mangale Ma Jou'ongu Madutu. Mada'a ḏuanga i'a ngoi tu nana'o Unanga mode-mode'e, ma tero sa'olo Unanga ro nana'o ngoi mode-mode'e.

2 Korintus 6:17

Sababu gena-ge, Ma Jou'ongu Madutu 'o kanau so'o ne: “Ni sisoi'i tala ngowa-ngowa'a ga'a nana'o Ngoi ua, re ni marimoi awa ra ananga. Ngini ni marimoi awa toma 'ori i'a ma faja, la Ngoi ḏuanga i'a tini dawongo.”

2 Korintus 7:1

Ioronongoḏu ngo-ngaku rimoi ga'a ngoi tini dadalara, ngene rewo sanga Ma Jou'ongu Madutu 'ai jaji mo-moini. Sababu gena-ge, ngene balasu wa si'ofi nanga diri toma 'ori i'a faja-faja mo-moini ga'a sifaja nanga lese re nyawa. Ngene balasu wo mete'e Ma Jou'ongu Madutu renanga 'akala re sinyingara mode-mode'e re wo mojongo madiga'a 'oru ḇato ga'a Unanga 'o nyanyaḏi ua.

Galatia 3:21

Na'o so'o gena, Musa 'ai hukumu re Ma Jou'ongu Madutu 'ai jaji 'i ma'u sabi ḏuḏunu?! Tantu ḏua ua! Sababu na'o Musa 'ai hukumu nyengara 'i sigasa 'ahu kasingado-ngadolo i'a toma manusia, manusia ḏi'i nyengara 'aḏi dadi ngowa'a loasa re banari, sababu 'aḏi mete'e Musa 'ai hukumu.

Efesus 5:5

Ni tailako la-la ino: Ngowa'a ga'a su-sudala, 'a'a tinikai bolo da-danata ma tero sa'olo ngowa'a ga'a 'aḏi silamo'o re siḏubuso jou'ongu ma somoara. Sababu gena-ge, ngowa'a so'o gena-ge 'aḏi sanga warisi ua ra Kristus re ra Ma Jou'ongu Madutu 'ai Pareta ma dara.

Filipi 3:12

Ngoi to kanau ua mangale ngoi 'ari duhu 'i ti-tiai bolo 'i ḏu-ḏuanga ḏua, mada'a ngoi to makutale tau-taunu di'a to dadi ma tero sa'olo Kristus Yesus. Ma sababu gena-ge, Unanga ri 'aro'o ngoi di'a to marimoi ra Unanga.

1 Tesalonika 3:13

Ḏi'i, ngomi mi golo'o ra Unanga gena-ge mangale 'a site'e ninga 'akala re sinyingara, la ra Ma Jou'ongu Madutu nanga Ḇaḇa 'ai momina ngini ngowa'a 'ofi-'ofi re de'oso re ḏegoro ma rapu ua wakutu Ma Jou Yesus dadunu 'o sapolo moju mame-mete'e ngowa'a ga'a raḏi dadi Ma Jou'ongu Madutu 'ai ngowa-ngowa'a.

1 Tesalonika 4:7

I'a sa'olo Ma Jou'ongu Madutu 'aro'o ngene, la wo sudala?! Sanga ua! Siḏibo ḏi'i, la nanga 'ahu balasu 'i dadi 'ofi-'ofi.

1 Tesalonika 5:15

Ni ma'istiari ino: Na'o ngowa'a 'aḏi 'a'a cira ngini, ngini 'a'a cira ananga awa. Siḏibo ḏi'i, ngini balasu ni ma'u riono re ni ma'u sioḏi'i matengo re matengo ra guna ḇato.

1 Timotius 6:11

Mada'a ngana Timotius Ma Jou'ongu Madutu 'ai ngowa'a ga'a Unanga 'o cumutu ḏua dadi ngana balasu no maki-kiḏanga toma de'oso re ḏegoro gena-ge. Siḏibo ḏi'i, ngana no makutale mode-mode'e di'a no mete'e Ma Jou'ongu Madutu 'ai 'akala ma mau re dadi ngowa'a loasa re banari ra Ma Jou'ongu Madutu 'ai momina, ganapu dogo te'e 'ani ngo-ngaku ra Kristus, ma'u dadalara matengo re matengo, 'ani ngo-ngaku 'i kama elala ua na'o sanga sangisara, re pake 'akala ḇanyo.

2 Timotius 2:22

Sababu gena-ge, ngana no maki-kiḏanga toma ngowa'a ra-ramasa ie manga nyafusu ma jira. Siḏibo ḏi'i, ngana balasu munara mode-mode'e di'a madaga'a 'ori i'a ma la-la re no mete'e tau-taunu do-doto'o banari, no dadalara ngowa'a lelegu re no 'ahu toma dame toma ngowa'a ga'a 'aḏi manyiata ra Ma Jou'ongu Madutu remanga 'akala re sinyingara 'ofi-'ofi.

'Ibrani 12:10

Nanga ḇaḇa toma dungia nena-ne, ananga 'aḏi sihukumu di'a 'aḏi doto'o ngene toma dungia mete'e 'oru ga'a la-la tamanga fikirana re pa'i ti'ara ua. Mada'a Ma Jou'ongu Madutu 'o pake sangisara di'a doto'o ngene mete'e 'oru ga'a la-la di'a ngene, la wo dadi 'ofi-'ofi mamete'e ra Unanga.

'Ibrani 9:28

So'o gena ḏi'i, Kristus ro sidoa'a 'Ai lese masiretene soi moi ḇato sa'olo jou-jou ra Ma Jou'ongu Madutu, la 'O singi-ngiranga ngowa'a repe manga ḏosa. Re ḏuanga i'a Unanga dadunu 'o sapolo moju ma soi ḏiḏi, Unanga 'o singi-ngiranga ḏosa riwara, mada'a 'O gasa salamata di'a ngowa'a ga'a 'aḏi totoma Unanga.

1 Petrus 3:11

Ngowa'a gena-ge balasu 'aḏi matogumu 'a'a ḏosa re balasu 'aḏi 'a'a 'ori i'a ma la-la. Re ananga balasu 'aḏi disa mode-mode'e mangale 'ahu ma'u 'aro'o la matengo re matengo.

1 Petrus 3:13

Na'o ngini ni 'a'a 'ori i'a ma la-la tau-taunu, matengo i'a mai ua 'o 'a'a 'ori i'a ma jira ra ngini.

2 Petrus 3:11

Sababu mo-moini gena-ge Unanga 'a singi-ngiranga, dadi ninga 'ahu ma duhu sa'olo?! Ngini balasu ninga 'ahu 'ofi-'ofi re siboloto ninga 'akala re sinyingara di'a pa'i Ma Jou'ongu Madutu ḇato,

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.

3 Yohanes 1:11

Gayus, 'ari ioronongoḏu ngo-ngaku rimoi ga'a ngoi tini dadalara, ngana no cuḏuḏu'u ua de'oso re ḏegoro ma jira mada'a na cuḏuḏu'u de'oso re ḏegoro ma la-la. Sababu ngowa'a ga'a 'aḏi cuḏuḏu'u de'oso re ḏegoro ma la-la, ananga gena-ge Ma Jou'ongu Madutu 'ai ngowa-ngowa'a. Mada'a ngowa'a ga'a 'aḏi 'a'a 'ori i'a ma jira ananga gena-ge 'aḏi nana'o Ma Jou'ongu Madutu nyangu.