'Ibrani 12:13 - Jaji ma Su-sungi

¹³ Ngini ninga 'ahu balasu mete'e ngo'omo boloto, la ngowa'a ga'a lamahana re 'aḏi mete'e ngini, ananga gena-ge manga ngo-ngaku 'i dadi lebe te'e. Gena-ge 'i ma tero sa'olo ngowa'a lalara ga'a sipicaru ngo'omo di'a ngowa'a lalara ma lelegu, la ananga 'aḏi ruba ua.

'Ibrani 12:13 Iomraidhean Croise

Lukas 3:5

Ngabanga mo-moini na jujumu, kie re sau mo-moini na patu sirata, ngo'omo 'i pale-pale na siboloto re ngo'omo 'i tuso-tuso'o na jujumu,

Galatia 2:14

Wakutu ngoi to oḏi'i ananga manga de'oso re ḏegoro 'i mete'e ua do-doto'o banari toma Habari Roanga; ngoi to kanau ra Petrus toma jama'ata manga biono, “Na'o ngana sa'olo ngowa'a Yahudi no mete'e Yahudi manga 'atoranga ua, ngana no 'ahu ma tero sa'olo ngowa'a Yahudi ua! Dadi, i'a sa'olo nange-ne ngana mau no simau-mau ioronongoḏu ngo-ngaku rimoi ga'a ngowa'a Yahudi ua 'aḏi sanga suna, dadi 'aḏi 'ahu ma tero sa'olo ngowa'a Yahudi?!”

Galatia 6:1

Ioronongoḏu ngo-ngaku rimoi, na'o 'age rema ngowa'a matengo i'a ro ngaku Yesus 'o madaga'a ḏosa, ngini ga'a ninga 'ahu Ma Ngagara 'Ofi-'Ofi ya parenta, ngini balasu na'u sinyanyasele ngowa'a gena-ge, la 'o maḏibo toma ngo'omo boloto. Mada'a ngini na si'a'a reninga 'akala re sinyingara mereoso. Re ḏi'i ngini ni ma'istiari, la ngini masiretene ni sanga bo-baja ua di'a madaga'a ḏosa ḏi'i.

Yakobus 5:16

Sababu gena-ge, ngini balasu ni ma'u mangaku ninga ḏosa matengo re matengo re ngini ni ma'u manyiata matengo re matengo, la ni la toma si-siḏi mo-moini. Ngowa'a loasa re banari manga nyiata rema kuasa lai lamo'o:

1 Petrus 2:24

'A Kristus masiretene 'a doiti nanga ḏosa wakutu ngowa'a 'U sisalib Unanga, la Ma Jou'ongu Madutu 'o sibebasa ngene tananga ḏosa. Re ḏi'i, la ngene nyengara wo 'ahu mete'e Ma Jou'ongu Madutu 'ai 'akala ma mau. Re Ma Jou'ongu Madutu 'o si-la ngini sababu 'a Kristus 'ai nyaboto toma salib.