'Ibrani 11:7 - Jaji ma Su-sungi7 Sababu Nuh 'ai ngo-ngaku, unanga gena-ge 'o mete'e Ma Jou'ongu Madutu 'ai parenta. Ma Jou'ongu Madutu 'u siajele ra Nuh mangale Unanga 'o siromanga dungia sitabi donga reo ḇanyo. Kalaha Nuh 'a oḏi'i nyangu enanga gena-ge 'i dadi, unanga 'o silamo'o re mojongo Ma Jou'ongu Madutu re dadi 'o mete'e 'Ai parenta. Dadi unanga 'o madiga'a kapala rimoi di'a sisalamata unanga re 'ai ngitu re ngale. Nuh 'ai ngo-ngaku gena-ge 'i dadi nana'o rimoi mangale ngowa'a mo-moini ga'a 'aḏi ngaku Ma Jou'ongu Madutu ua, ananga gena-ge ngowa'a ma jira. Sababu gena-ge Ma Jou'ongu Madutu 'o 'adili di'a sihukumu ngowa'a ma jira gena-ge wakutu 'O siromanga dungia sitabi donga reo ḇanyo. Sababu Nuh 'ai ngo-ngaku gena-ge, Ma Jou'ongu Madutu 'o si'aro'o unanga, ngowa'a loasa re banari. Faic an caibideil |
'Ibrani 11:7
41 Iomraidhean Croise
Ngowa'a Farisi re ngowa'a Saduki manga repe ḏi'i 'aḏi sapolo ra Yohanes di'a 'aḏi sanga baptis. Mada'a wakutu unanga oḏi'i ananga 'aḏi sapolo, unanga 'o kanau i'a ra ananga, “Ngini ngowa'a ma jira ma ju'uda ma tero sa'olo cuku'u rema bisa ma ngowa! 'A guna 'o kanau ra ngini mangale na'o 'aḏi sanga baptis ḇato ngini ḏuanga i'a sanga hukumu ua ra Ma Jou'ongu Madutu!
Sababu reo Habari Roanga gena-ge, Ma Jou'ongu Madutu 'o sijumu ma ngo'omo mangale ngowa'a nyengara 'aḏi dadi ngowa'a loasa re banari ra Ma Jou'ongu Madutu 'Ai momina. Pa'i gena-ge 'i dadi ḇato, sababu ngowa'a matengo 'o ngaku Ma Jou'ongu Madutu; ngo'omo lelegu 'i cua! Gena-ge ma tero sa'olo ri silefo toma Boku 'Ofi-'Ofi so'o ne: “Ngowa'a ga'a loasa re banari ra Ma Jou'ongu Madutu 'ai momina sababu manga ngo-ngaku ḇato, ananga gena-ge ḏuanga i'a 'aḏi 'ahu kasingado-ngadolo i'a.”
Mada'a mangale ngowa'a ga'a sababu manga ngo-ngaku raḏi dadi ngowa'a loasa re banari ra Ma Jou'ongu Madutu 'ai momina, gena-ge ḏi'i toma Boku 'Ofi-'Ofi 'i silefo so'o ne: “Awa no kanau tani 'akala re sinyingara ma dara, ‘ 'A guna ḏuanga i'a 'o pere da'u soroga?’ (ma ngale: 'A guna ḏuanga i'a 'o siguci Kristus?)
Togumu i'a kara unanga 'o masuna. Re 'ai suna gena-ge pa'i 'i dadi didina'o ḇato mangale Ma Jou'ongu Madutu ro dawongo unanga sa'olo ngowa'a loasa re banari sababu 'ai ngo-ngaku ra Unanga wakutu Abraham 'o suna nyangu. Sababu gena-ge, Abraham 'o dadi ḇaḇa rohani di'a ngowa'a mo-moini ga'a 'aḏi suna ua mada'a ngowa'a loasa re banari sababu manga ngo-ngaku ra Ma Jou'ongu Madutu.
Ma Jou'ongu Madutu ro sijaji ra Abraham re unanga 'ai ju'uda rohani ḏi'i, mangale ḏuanga i'a dungia nena-ne 'i dadi ananga gena-ge manga harata. I'a sa'olo Ma Jou'ongu Madutu 'o sijaji so'o gena-ge ra Abraham?! Sababu unanga 'o mete'e Musa 'ai hukumu?! Ua! Sababu pa'i 'a Abraham 'o ngaku Ma Jou'ongu Madutu ḇato. Dadi Ma Jou'ongu Madutu 'o dawongo unanga sa'olo ngowa'a loasa re banari.
Mada'a mangale ngomi, Ma Ngagara 'Ofi-'Ofi 'i munara ra ngomi minga 'akala re sinyingara ma dara, singadolo ngomi mi masinganano pa'i ra Ma Jou'ongu Madutu ḇato, la ngomi ḏuanga i'a mi talaḏi ra Unanga sa'olo ngowa'a kaminga sala ua sababu ngomi minga ngo-ngaku pa'i ra Kristus ḇato. Gena-ge ngomi ma totoma re ma ga-ganutu.
re ngoi mode-mode'e to marimoi ra Unanga gena-ge. Ngoi to makutale riwara to dadi ngowa'a loasa re banari sababu ngoi to mete'e Musa 'ai hukumu. Siḏibo ḏi'i, Ma Jou'ongu Madutu 'o site-tero ngoi sa'olo ngowa'a loasa re banari sababu ngoi reto ngaku Kristus. Dadi ngoi reto dadi ngowa'a loasa re banari ra Ma Jou'ongu Madutu 'ai momina, pa'i sababu ngo-ngaku ra Kristus ḇato.
Sababu gena-ge, ngini balasu ni ma'istiari ino, awa ni dawongo ua Ma Jou'ongu Madutu 'ai demo. 'Ua re 'au wali, toma dungia ananga ga'a 'aḏi dawongo ua Musa 'ai demo ra Ma Jou'ongu Madutu tala, raḏi sanga hukumu. Tantu ḏua hukumu lebe ḏubuso na'o ngene ḏi'i wo dawongo ua Unanga 'ai demo, Unanga gena-ge ga'a 'o kanau toma soroga!
Wakutu Yesus 'o 'ahu-'ahu moju toma dungia nena-ne, Unanga 'o manyiata re 'o golo'o reo poa'a rai 'ongoro ra Ma Jou'ongu Madutu ga'a nga'unu sisalamata Unanga toma sengene. Sababu Unanga 'o ta'aloko rai 'akala re sinyingara sa-sanangi ra Ma Jou'ongu Madutu, Unanga 'ai go-golo'o Ma Jou'ongu Madutu 'a dawongo.
'Imam-'imam gena-ge manga munara ra Ma Jou'ongu Madutu 'ai Kamara Lai 'Ofi-'Ofi toma dungia nena-ne. Kamara Lai 'Ofi-'Ofi gena-ge ma tero sa'olo gabara bolo guḏumingi di'a Kamara Lai 'Ofi-'Ofi toma soroga. Gena-ge ma sababu wakutu Musa mau 'o side'oso Ma Jou'ongu Madutu 'ai suyu'u, Unanga 'o kanau ra Musa so'o ne: “ 'Elingi, ngana balasu no 'a'a suyu'u gena-ge mete'e ma gabara Ngoi reta sijumu ra ngana toma kie 'au nga'ene.”
Roh-roh gena-ge toma ngowa-ngowa'a ga'a 'aḏi 'ahu-'ahu toma 'orasa Nuh. Ananga gena-ge 'aḏi mete'e ua Habari ra Ma Jou'ongu Madutu ino ga'a Nuh ya'u singadolo. Ma Jou'ongu Madutu 'o totoma rai 'akala ḇanyo, la ananga 'aḏi maḏibo toma ngo'omo boloto wakutu 'a Nuh 'o 'a'a kapala. Mada'a ngowa'a 'aḏi repe ua ga'a 'aḏi palene ra Nuh 'ai kapala, pa'i nga tu'angere ḇato. Re wakutu Ma Jou'ongu Madutu 'o sibere ḇanyo siromanga dungia sitabi donga, pa'i ananga ḇato 'aḏi sanga salamata. Dadi ananga 'aḏi sanga salamata sababu ma ḇanyo ga'a 'i romanga dungia sitabi donga gena-ge.
Ngoi, Simon Petrus, Yesus Kristus 'ai so-soma'a re ngoi ta Unanga ma tero sa'olo 'Ai budaka. Ngoi to lefo surata nena-ne ra ngini ga'a ninga ngo-ngaku ra Yesus Kristus ma tero sa'olo ngomi minga ngo-ngaku. Yesus Kristus, Unanga Ma Jou'ongu Madutu re ḏi'i nanga Salamata ma Cimi. Unanga gena-ge 'O si'a'a ngene mo-moini wo ngaku Unanga re gena-ge 'i dadi sababu Unanga 'o 'adili.
So'o gena ḏi'i, 'ua re 'au wali moju Ma Jou'ongu Madutu 'o singi-ngiranga ua 'Ai hukumu di'a dungia. Mada'a 'O singi-ngiranga dungia re ngowa-ngowa'a ga'a oḏu'u mete'e Unanga. 'A Nuh ga'a 'o singadolo mangale 'ahu loasa re banari, unanga re ngowa-ngowa'a lelegu nga tumudingi, pa'i ananga gena-ge 'aḏi sanga salamata.
Sanasan