'Ibrani 11:6 - Jaji ma Su-sungi

⁶ Dadi sanga ua 'a guna ḇato kai ngo-ngaku ua nyengara sisanangi Ma Jou'ongu Madutu 'ai 'akala re sinyingara. Sababu ngowa'a ga'a mau 'aḏi silamo'o re siḏubuso Ma Jou'ongu Madutu balasu 'aḏi ngaku mangale Ma Jou'ongu Madutu Unanga 'age, re Unanga ḏuanga i'a 'o pula'a ngogele ra ananga ga'a 'aḏi disa Unanga mode-mode'e, la ananga 'U nana'o.

'Ibrani 11:6 Iomraidhean Croise

Matias 11:26

Ya, Baba sababu enanga gena-ge 'i sisanangi 'Ani 'akala re sinyingara.”

Matias 5:12

Nabi-nabi ma siḏa ḏi'i ya sanga sikisa ma tero so'o gena-ge. Dadi ngini ni maroanga re ni sanangi, sababu ngini ni sanga ngogele lai lamo'o toma soroga.”

Matias 6:16

“Wakutu ngini ni puasa, awa ninga biono ḇuta, ma tero sa'olo ngowa'a munafiki! Ananga gena-ge ya tuhu manga biono wa'alo, la ngowa'a ya waro ananga 'aḏi puasa kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Matias 6:33

Mada'a siḏibo ḏi'i, siḏa-siḏa ngini ni makutale dadi ngowa'a loasa re banari re ninga 'ahu mete'e Ma Jou'ongu Madutu sa'olo ninga 'Olana. Ḏua Unanga 'o pula'a 'ori i'a mo-moini ga'a ngini ni paralu.

Matias 6:5

Re wakutu ngini ni manyiata, awa ni dadi sa'olo ngowa'a munafiki! Wakutu ananga gena-ge 'aḏi manyiata 'aḏi nyanyaḏi made-de'oso toma wala-wala puji re toma ngo'omo ma sola, la ngowa'a ya'u oḏi'i kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Markus 16:17

Di'a didina'o-didina'o na'o ananga 'aḏi ngaku Ngoi so'o ne: Ngowa-ngowa'a gena-ge nyengara 'aḏi dusu'u roh ma jira rea Ngoi 'ari lomanga. Re ananga 'aḏi kanau demo-demo, mada'a ananga masiretene ya sahe ua ḏi'i.

Lukas 12:31

Mada'a siḏibo ḏi'i, ngini ni makutale ni 'ahu mete'e Ma Jou'ongu Madutu sa'olo ninga 'Olana. Ḏua Unanga 'o pula'a 'ori i'a mo-moini ḏi'i ga'a ngini ni paralu.

Lukas 6:35

Ngini so'o gena awa! Siḏibo ḏi'i ngini balasu ni dadalara ninga lawana, re ni 'a'a la-la ra ananga gena-ge: Ngini balasu ni pula'a bau 'ori i'a rimoi i'a taninga lawana re awa ni nganono enanga ma ḏibo. Na'o ngini ni 'a'a so'o gena ḏuanga i'a ni sanga ngogele lai lamo'o, re ngini ni sijumu mode-mode'e ngini sa'olo Ma Jou'ongu Madutu toma Gau'u 'ai ngowa-ngowa'a. Sababu Ma Jou'ongu Madutu 'a sijumu 'Ai 'akala ma la-la toma ngowa'a ma jira re ngowa-ngowa'a ga'a 'elingi ngowa'a manga la-la ua ḏi'i.

Yohanes 14:6

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

Yohanes 8:24

Ma sababu gena-ge, Ngoi to kanau ra ngini mangale ngini ḏuanga i'a ni sengene taninga ḏosa-ḏosa moju. Na'o ngini ngaku ua, mangale ‘Ngoi nena-ne Unanga ga'a 'o 'ahu kasingado-ngadolo i'a’ mode-mode'e ngini ḏuanga i'a ni sengene taninga ḏosa-ḏosa ma dara moju.”

Roma 10:14

Mada'a ma ngo'omo sa'olo ngowa'a 'aḏi maḏigaro'o na'o ananga 'aḏi ngaku nyangu ra Ma Jou?! Re ma ngo'omo sa'olo ngowa'a 'aḏi ngaku Ma Jou, na'o ananga 'aḏi 'isene mangale Unanga nyangu?! So'o gena ḏi'i ma ngo'omo sa'olo ananga nyengara 'aḏi 'isene mangale Ma Jou, na'o ngowa'a tagi nyangu di'a singadolo mangale Unanga?!

Galatia 5:6

Sababu na'o ngene rewo marimoi ra Kristus Yesus bae ngene rewo masuna bae wo masuna ua; enanga gena-ge 'i 'oru ua. Mada'a enanga ga'a ma la-lamo'o ma re'u i'a so'o ne: Ngene wo sigare nanga ngo-ngaku ra Kristus. Re nanga ngo-ngaku gena-ge 'i waiti na'o ngene wo dadalara ngowa-ngowa'a lelegu.

'Ibrani 11:26

Kalaha ngowa'a 'u si'u'ua sababu 'ai ngo-ngaku ra Kristus, unanga 'o fikiri gena-ge ma ijana lebe lamo'o i'a reo unanga 'o sanga Mesir manga harata, sababu Musa pa'i tatamo 'ai ngogele toma biono i'a.

'Ibrani 3:12

Ioronongoḏu ngo-ngaku rimoi ni ma'istiari ino: Awa-awa 'age rema ngowa'a matengo i'a taninga sigolona 'ai 'akala re sinyingara 'i cira re 'ai ngo-ngaku 'i iranga singadolo unanga 'o maḏibo ḏuḏunu re 'o maki-kiḏanga ra Ma Jou'ongu Madutu, ga'a 'O 'ahu-'ahu.

'Ibrani 4:2

Sababu ra ngene ḏi'i Habari Roanga rena singadolo pasala ḏua ma tero sa'olo tananga ete re dotumu. Mada'a Habari Roanga 'i parasaja, sababu wakutu ananga ya 'isene, ananga ya ngaku ua.

'Ibrani 4:6

Sababu gena-ge, ngowa'a ga'a 'aḏi 'isene siḏa mangale Habari Roanga gena-ge ananga 'aḏi sanga mangomasa ua ga'a Ma Jou'ongu Madutu ro sijaji pasala ḏua, sababu 'aḏi ngaku ua Habari Roanga gena-ge. Mada'a Ma Jou'ongu Madutu 'ai maksudu ngowa'a lelegu nga'unu ya dawongo ngi'i ngo-ngomasa gena-ge.

'Ibrani 7:19

sababu Musa 'ai hukumu 'i nyengara si'a'a matengo i'a mai ua 'o dadi 'ofi-'ofi. Dadi hukumu gena-ge singali reo ngo'omo su-sungi ga'a 'i pula'a ngo-nganono ra ngene sababu Yesus 'o dadi nanga 'Imam. Sababu gena-ge, ngene nyengara wo maco-cori ra Ma Jou'ongu Madutu.

'Ibrani 7:25

Sababu gena-ge, Yesus nyengara 'o sisalamata kasingado-ngadolo i'a ngowa'a mo-moini ga'a 'aḏi sapolo ra Ma Jou'ongu Madutu. Gena-ge 'i dadi sababu ananga gena-ge 'aḏi ngaku Yesus sa'olo manga 'imam, re sababu ḏi'i Unanga 'o 'ahu kasingado-ngadolo i'a 'o manyiata ra Ma Jou'ongu Madutu di'a ananga.

2 Petrus 1:10

Sababu gena-ge 'ari ioronongoḏu ngo-ngaku rimoi, ngini balasu ni makutale lebe siḏi i'a, la ninga de'oso re ḏegoro la-la gena-ge 'i dadi lebe te'e taninga 'ahu. Na'o so'o gena-ge 'i dadi didina'o rimoi ga'a sijumu mode-mode'e Ma Jou'ongu Madutu nu'u 'aro'o re Nu'u cumutu di'a ngini ni mete'e re ni dadi 'Ai ngowa-ngowa'a. Na'o ngini na si'a'a so'o gena, ninga ngo-ngaku kama elala ua.

2 Petrus 1:5

Sababu mo-moini gena-ge ga'a Ma Jou'ongu Madutu 'a si'a'a ḏua di'a ngene, ngini balasu makutale mode-mode'e, taninga ngo-ngaku ni sidogo de'oso re ḏegoro la-la toma ngowa'a lelegu. Re ni sidogo taninga de'oso re ḏegoro gena-ge, 'akala soro'unu.

2 Petrus 3:14

Sababu gena-ge, ioronongoḏu ngo-ngaku rimoi ga'a ngoi tunu dadalara, wakutu ngini ni totoma ma 'orasa gena-ge moju, ngini balasu ni makutale mode-mode'e, la ninga 'ahu 'i dadi 'ofi-'ofi, kama ḏosa awa ra Ma Jou'ongu Madutu 'ai momina, re balasu ni makutale mode-mode'e ni 'ahu marimoi la-la ra Ma Jou'ongu Madutu.

Tingoýi 21:8

Mada'a ngowa'a ga'a manga ngo-ngaku taḇe i'a, ngowa'a 'aḏi ngaku ua, ngowa-ngowa'a ga'a madiga'a jira, ngowa-ngowa'a ga'a sisengene ngowa'a, ngowa'a su-sudala, ngowa'a ga'a 'a'a sarati, ngowa'a ga'a 'aḏi silamo'o re siḏubuso jou'ongu ma somoara, ngowa'a sa-sakala, ananga mo-moini gena-ge ḏuanga i'a 'aḏi siupa'a toma ngoloto u'u ga'a walira leja-lejanga. Gena-ge ma ngale: Ananga 'aḏi basono sengene ma soi ḏiḏi.”