'Ibrani 11:40 - Jaji ma Su-sungi

⁴⁰ Sababu Ma Jou'ongu Madutu ro sitantukanga di'a 'o sidodahe 'ori i'a ga'a lebe rousu di'a ngene: Pa'i ananga gena-ge mamete'e ra ngene ḇato ḏuanga i'a ananga 'aḏi dadi ti-tiai.

'Ibrani 11:40 Iomraidhean Croise

'Ibrani 11:16

Mada'a ma nyonyata ananga si'elingi ie 'o nagara lebe rousu, gena-ge nagara toma soroga. Sababu gena-ge Ma Jou'ongu Madutu 'o mara'a ua, na'o ananga 'aḏi si'aro'o Unanga, Ma Jou'ongu Madutu ga'a ananga 'aḏi silamo'o re siḏubuso, sababu Unanga ra sidodahe limau rimoi di'a ananga.

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.

'Ibrani 7:19

sababu Musa 'ai hukumu 'i nyengara si'a'a matengo i'a mai ua 'o dadi 'ofi-'ofi. Dadi hukumu gena-ge singali reo ngo'omo su-sungi ga'a 'i pula'a ngo-nganono ra ngene sababu Yesus 'o dadi nanga 'Imam. Sababu gena-ge, ngene nyengara wo maco-cori ra Ma Jou'ongu Madutu.

'Ibrani 7:22

Sababu sasi gena-ge, Yesus ro dadi ngene nanga ngo-nganono mode-mode'e mangale jaji ma su-sungi ḏuanga i'a 'i sitotomo. Re jaji gena-ge lebe rousu reo jaji ma siḏa.

'Ibrani 8:6

Mada'a nange-ne Yesus 'ai munara lebe mulia reo 'imam-'imam gena-ge manga munara. Sababu Yesus 'o dadi lese to golona di'a jaji ma su-sungi ga'a lebe mulia reo jaji ma siḏa. Re Sababu wakutu Ma Jou'ongu Madutu 'o pula'a jaji ma su-sungi gena-ge, Unanga 'o sijaji 'ori i'a lebe mulia di'a ngene reo 'ori i'a toma jaji ma siḏa.

'Ibrani 9:23

Sababu gena-ge, 'oru ḇato ga'a ra Ma Jou'ongu Madutu 'ai suyu'u ma dara toma dungia nena-ne, ananga balasu ya sigofi reo haiwani ma ngaunu. Gena-ge 'i dadi gabara 'oru ga'a 'i dadi toma soroga. Mada'a 'oru ḇato ra Ma Jou'ongu Madutu 'ai suyu'u ma dara toma soroga, tantu ḏua enanga gena-ge 'i paralu ngaunu ga'a lebe la-lamo'o reo haiwani ma ngaunu.

Tingoýi 6:11

Ananga matengo re matengo sanga juba bu-buḏo matengo bela moi. Ḏua ananga sanga soma'a mangomasa ceka'a 'ua moju singadolo ngowa'a 'aḏi sisengene manga ḏagilomu munara re manga ioronongoḏu ngo-ngaku rimoi ma tero sa'olo ananga ḏi'i, kara ma nyo-nyoimi ri ti-tiai.