'Ibrani 11:32 - Jaji ma Su-sungi

³² Ngoi mau to kanau moju mangale ngowa'a lelegu manga ngo-ngaku, mada'a to sanga donga ua di'a ngoi to sitarangi mangale 'a Gideon, Barak, Simson, Yefta, Daud, Samuel re nabi-nabi.

'Ibrani 11:32 Iomraidhean Croise

Matias 5:12

Nabi-nabi ma siḏa ḏi'i ya sanga sikisa ma tero so'o gena-ge. Dadi ngini ni maroanga re ni sanangi, sababu ngini ni sanga ngogele lai lamo'o toma soroga.”

Lukas 13:28

Ngini ḏuanga i'a ni oḏi'i 'a Abraham, Ishak re 'a Yakub, re nabi-nabi mo-moini ra Ma Jou'ongu Madutu 'ai dungia su-sungi ma dara. Mada'a ngini ḏuanga i'a ni doiti ma sangisara re ni rerese ma gaḏi, sababu ngini masiretene sanga dusu'u ni supu toma dungia su-sungi gena-ge!

Lukas 16:31

Mada'a Abraham 'o kanau, ‘Kalaha ngowa'a sengene dadunu 'o 'ahu moju, tantu ḏua ananga ḏuanga i'a 'aḏi ngaku ua ḏi'i sababu ananga ya mete'e ua 'a Musa 'ai hukumu re nabi-nabi manga do-doto'o.’ ”

Yohanes 21:25

'Age ma repe moju ma lelegu ga'a Yesus 'a si'a'a. Na'o mo-moini gena-ge 'i silefo toma boku-boku, ngoi to fikiri dungia nena-ne 'i nga'unu ua gogono boku-boku gena-ge, sababu 'i repe woḏi.

Yesus 'ai so-soma'a 10:43

Nabi mo-moini 'aḏi siajele pasala ḏua mangale Yesus. Ananga gena-ge 'aḏi siajele mangale 'a guna ḇato ngaku Yesus, Ma Jou'ongu Madutu 'a singi-ngiranga manga ḏosa ḏua, sababu Yesus 'ai kuasa.”

Yesus 'ai so-soma'a 13:20

Mo-moini gena-ge ma di'ara musungu latu rata re nyagi romotoa. Nagara Kana'an ya sibalangu pasala i'a, Ma Jou'ongu Madutu 'o pula'a bi-biri'i—bi-biri'i ra ananga. Bi-biri'i ma ḏo-ḏogumu Nabi Samuel.

Yesus 'ai so-soma'a 3:24

Nabi-nabi manga repe, mulaingi Nabi Samuel re 'age ḏi'i nabi ma lelegu ya siajele pasala ḏua mangale 'ori i'a 'i dadi toma 'orasa gena-ge.

Roma 3:5

Mada'a na'o Ma Jou'ongu Madutu ganapu 'a sijumu 'Ai 'adili wakutu ngene wo 'a'a 'ori i'a ma jira, ngene wo kanau 'oru?! Awa-awa ngene wo aje, “Ma Jou'ongu Madutu 'o 'adili ua, na'o 'O siba'ala 'Ai borata ra ngene!” (Tero mode'e gena-ge manusia manga fikirana!)

Roma 4:1

Dadi na'o so'o gena, 'oru ngene nyengara wo kanau mangale Abraham nanga bangsa ma ete re dotumu?! Ma duhu sa'olo Unanga gena-ge 'o dadi ngowa'a loasa re banari ra Ma Jou'ongu Madutu 'ai momina?!

Roma 6:1

Na'o so'o gena ngene wo kanau 'oru? Ḏa ngene wo kanau so'o ne: Ino ngene 'a'a ḏosa tau-taunu, la Ma Jou'ongu Madutu ganapu dogo pula'a 'Ai mura re dadalara ra ngene!

Roma 7:7

Na'o so'o gena, ngene wo kanau 'oru?! Musa 'ai hukumu 'i cira sababu enanga gena-ge 'i sigasa ngowa'a di'a ganapu 'a'a ḏosa?! Sanga ua! Siḏibo ḏi'i, hukumu gena-ge ri doto'o mangale ḏosa, la ngoi to nana'o mangale 'ari ḏosa. Si'ade-'ade, na'o Musa 'ai hukumu 'i cua moju, ngoi masiretene to waro ua wakutu to nyafusu ngowa'a lelegu manga harata, gena-ge 'i ḏosa bolo ua. Mada'a 'age parenta toma hukumu gena-ge ma dara so'o ne: “Awa nyafusu ngowa'a lelegu manga harata.” Dadi, ngoi to waro 'ari nyafusu gena-ge, 'i sigasa ngoi toma ḏosa ma dara.

Yakobus 5:10

Ioronongoḏu ngo-ngaku rimoi ni 'elingi nabi-nabi ma siḏa, ga'a 'aḏi siajele Ma Jou'ongu Madutu 'ai habari. Kalaha ananga gena-ge sanga sangisara, 'aḏi pake 'akala ḇanyo. Dadi, na mete'e ananga manga duhu na'o ni sanga sangisara.

2 Petrus 1:21

Soi moi i'a mai nyangu, nabi-nabi raḏi siajele Ma Jou'ongu Madutu 'ai habari 'i mete'e manusia manga mau, mada'a mete'e Ma Ngagara 'Ofi-'Ofi ya'u ḏegoro ra ananga gena-ge nabi-nabi di'a ya siajele habari ra Ma Jou'ongu Madutu.

2 Petrus 3:2

Ngoi tunu si'elingi tau-taunu, la ngini ni 'eli-'elingi Ma Jou'ongu Madutu 'ai nabi 'ofi-'ofi 'ua re 'au wali 'oru ga'a ya siajele pasala ḏua. Re 'eli-'elingi ḏi'i Ma Jou ga'a nanga Salamata ma Cimi, Unanga gena-ge 'ai parenta ga'a Yesus 'ai so-soma'a nu singadolo ra ngini.