'Ibrani 11:3 - Jaji ma Su-sungi

³ Sababu nanga ngo-ngaku, ngene wa waro mangale dungia nena-ne Ma Jou'ongu Madutu 'o sidadi 'o pake 'Ai 'Idini ḇato. Dadi 'oru ga'a ngene wa oḏi'i, 'i dadi toma 'oru ga'a ngene wa oḏi'i ua.

'Ibrani 11:3 Iomraidhean Croise

Yohanes 1:3

Ma Jou'ongu Madutu 'o pake Unanga gena-ge di'a 'O sidadi 'oru ḇato mo-moini. 'Ori i'a rimoi mai ua nga'unu 'i dadi, na'o Unanga ua.

Yesus 'ai so-soma'a 14:15

“Hei, i'a sa'olo ngini ni 'a'a so'o nena-ne? Ngomi ne mai manusia ḏi'i 'i ma tero sa'olo ngini! Ngomi mi sapolo 'ane mi singadolo Habari Roanga ra ngini, la na sieanga 'ori i'a ma fa'eda 'i cua nena-ne re ni silamo'o re siḏubuso Ma Jou'ongu Madutu ḇato. Unanga gena-ge 'ai 'ahu kasingado-ngadolo i'a re 'O sidadi ḏua diwanga re 'o dungia re ma dara mo-moini.

Yesus 'ai so-soma'a 17:24

Ma Jou'ongu Madutu 'o sidadi ḏua dungia re ma dara mo-moini, Unanga gena-ge 'Ai kuasa ma pari cua toma dungia ma dara. Unanga 'o tegoro ua toma jou'ongu ma somoara ma wala ga'a manusia ya 'a'a.

Roma 4:17

Sababu Ma Jou'ongu Madutu ro kanau ra Abraham so'o ne: “Ngoi reto sidadi ngana no dadi ḇaḇa di'a bangsa ma repe.” Abraham 'o dadi ḇaḇa di'a ngene mo-moini ra Ma Jou'ongu Madutu 'ai momina sababu unanga 'ai ngo-ngaku ra Unanga. Ma Jou'ongu Madutu gena-ge ga'a 'O dadunu si'ahu moju ngowa'a senge-sengene re pa'i 'O kanau ḇato re 'ori i'a 'i dadi nyangu, nyengara 'i dadi rema enanga.

1 Korintus 2:7

Ngomi mi kanau mangale 'akala soro'unu da'u ra Ma Jou'ongu Madutu tala, ga'a 'ua re 'au wali manusia ya waro ua. Mada'a dungia 'i dadi nyangu, Ma Jou'ongu Madutu ra sidodahe pasala ḏua, la ngene sanga barakati kasingado-ngadolo i'a.

1 Timotius 4:5

Sababu mete'e Ma Jou'ongu Madutu 'ai demo re wo manyiata so'o gena-ge, ngo-ngoromo gena-ge 'i dadi wosono ua.

'Ibrani 1:2

Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.

'Ibrani 6:5

Re tamanga 'ahu ma dara ananga ya waro mangale Ma Jou'ongu Madutu 'ai demo ga'a lai rousu; re ya basono ḏi'i ma kuasa ga'a toma dungia su-sungi.

2 Petrus 3:5

Ananga 'aḏi oḏu'u 'elingi mangale 'ua re 'au wali Ma Jou'ongu Madutu 'o sidadi diwanga re dungia, re 'O siwo-wola i'a tana'a reo ḇanyo re 'A siwaiti tana'a reo ḇanyo, mo-moini gena-ge Rai 'Idini ḇato.

Tingoýi 4:11

“Ya Ma Jou'ongu Madutu, minga Jou. Pa'i Ma Jou'ongu Madutu ḇato 'o patasa di'a ngowa'a 'U simulia re 'U silamo'o sababu 'Ani kuasa ma pari cua. Sababu Ma Jou'ongu Madutu 'o sidadi dungia re diwanga re ma dara mo-moini, re sababu mete'e 'Ani 'akala ma mau 'ori i'a i'a mo-moini 'i dadi re 'i 'ahu.”