'Ibrani 11:26 - Jaji ma Su-sungi

²⁶ Kalaha ngowa'a 'u si'u'ua sababu 'ai ngo-ngaku ra Kristus, unanga 'o fikiri gena-ge ma ijana lebe lamo'o i'a reo unanga 'o sanga Mesir manga harata, sababu Musa pa'i tatamo 'ai ngogele toma biono i'a.

'Ibrani 11:26 Iomraidhean Croise

Matias 10:41

'A guna ḇato 'o dawongo nabi sababu unanga nabi, ḏuanga i'a 'o sanga ngogele ma tero sa'olo nabi 'ai ngogele. Re 'a guna ḇato 'o dawongo ngowa'a loasa re banari sababu unanga 'o loasa re banari, ḏuanga i'a 'o sanga ngogele ma tero sa'olo ngowa'a loasa re banari.

Matias 5:12

Nabi-nabi ma siḏa ḏi'i ya sanga sikisa ma tero so'o gena-ge. Dadi ngini ni maroanga re ni sanangi, sababu ngini ni sanga ngogele lai lamo'o toma soroga.”

Matias 6:1

“Ma'istiari: Awa ngini ni siḏagi ninga 'agama ma 'atoranga toma mandan, la ngowa'a ya oḏi'i. Na'o ngini ninga de'oso re ḏegoro so'o gena-ge, ḏuanga i'a ngini ni sanga ua enanga ma ngogele ra ngini ninga Ḇaḇa da'u toma soroga.

Lukas 14:14

Na'o ngana 'a'a so'o gena ḏuanga i'a ngana no bara'utungu. Sababu ngowa'a gena-ge ya balasa nga'unu ua ngana 'ani la. Mada'a ngana 'ani la, ḏuanga i'a Ma Jou'ongu Madutu 'a balasa wakutu ngowa'a loasa re banari dadunu 'aḏi 'ahu moju toma ngowa'a senge-sengene manga sigolona.”

Lukas 14:33

Ma ḏo-ḏogumu tala Yesus 'o kanau, “So'o gena ḏi'i ra ngini. Na'o matengo i'a 'o oḏu'u sieanga 'ai 'ori i'a rana re 'o oḏu'u sieanga dungia ma nyafusu, unanga gena-ge 'o dadi Ngoi 'ari me-mete'e yoḏu'u.”

Yesus 'ai so-soma'a 5:41

Yesus 'ai so-soma'a ya sisoi'i tala Mahkamah 'Agama remanga roanga, sababu Ma Jou'ongu Madutu ya'u cumutu ananga balasu 'aḏi sanga je-jengere toma ngowa-ngowa'a gena-ge sababu ananga 'aḏi doto'o ngowa-ngowa'a ra Yesus 'ai do-doto'o.

2 Korintus 12:10

Sababu gena-ge, ngoi to maroanga na'o ngoi to lamahana: Ngoi to maroanga bae ngoi to sanga susa, bae to sanga sangisara, bae to sanga sikisa bae sanga je-jengere, sababu ngoi to munara di'a Kristus. Wakutu ngoi to lamahana, 'orasa gena-ge ngoi to dadi te'e sababu Kristus 'ai kuasa 'i riono ngoi.

2 Korintus 6:10

Kalaha ananga ya sikangela minga 'akala re sinyingara, ngomi reminga roanga! Ngowa'a 'aḏi ta'ajiri ngomi sa'olo ngowa'a ma dinga'unu ua, mada'a re mi si'a'a ngowa'a repe raḏi dadi ngowa'a rema-enanga sababu 'aḏi dawongo Habari Roanga. Ngowa'a 'aḏi oḏi'i ngomi kaminga 'ori i'a ua, mada'a 'ori i'a mo-moini ta ngomi, sababu Kristus.

Efesus 1:18

Dadi ngini ninga fikirana 'i dadi tarangi mangale barakati di'a ngini. Barakati gena-ge ga'a ninga ngo-nganono, sababu Unanga ro 'aro'o ngini. Re ngini balasu ni sahe mode-mode'e mangale Ma Jou'ongu Madutu 'ai barakati ma mulia Ra sidodahe di'a 'Ai 'umata.

Efesus 3:8

Pa'i ngoi ḇato kari ijana ua ra Ma Jou'ongu Madutu 'ai 'umata mo-moini. Mada'a sababu Ma Jou'ongu Madutu 'ai mura re dadalara Unanga 'a siwatasa munara ra ngoi di'a to singadolo toma ngowa-ngowa'a Yahudi ua mangale 'Ai barakati ga'a kama moini ua sababu 'a Kristus.

Filipi 3:7

Ma siḏa, ngoi to mafikiri enanga mo-moini gena-ge 'i sigasa Ma Jou'ongu Madutu 'ai barakati ma repe ra ngoi. Mada'a 'orasa nange-ne, ngoi reta waro enanga mo-moini gena-ge ma faeda 'i cua. Momongolo ua, enanga 'i sigasa rugi ra ngoi, sababu enanga 'i dola'aku ngoi to nana'o Kristus!

'Ibrani 10:33

Soi rai o'o i'a ngowa'a nu'u si'u'ua, re nu'u sikisa toma mandan. Soi rai o'o i'a ḏi'i, ngini ni riono ioronongoḏu ngo-ngaku rimoi ga'a sanga kangela ma tero.

'Ibrani 10:35

Sababu gena-ge, awa ninga 'akala re sinyingara 'i rapo'o. Sababu na'o ngini ni macako'o namo-namoto taninga ngo-ngaku tau-taunu ma tero sa'olo ma mulaingi, ḏuanga i'a ngini ni dawongo ngogele ga'a 'i lamo'o masala.

'Ibrani 11:6

Dadi sanga ua 'a guna ḇato kai ngo-ngaku ua nyengara sisanangi Ma Jou'ongu Madutu 'ai 'akala re sinyingara. Sababu ngowa'a ga'a mau 'aḏi silamo'o re siḏubuso Ma Jou'ongu Madutu balasu 'aḏi ngaku mangale Ma Jou'ongu Madutu Unanga 'age, re Unanga ḏuanga i'a 'o pula'a ngogele ra ananga ga'a 'aḏi disa Unanga mode-mode'e, la ananga 'U nana'o.

'Ibrani 13:13

Sababu gena-ge, ino ngene wo sisoi'i ngowa'a Yahudi manga ngo'omo ma siḏa re pa'i wo sapolo ra Yesus ḇato di'a sigofi nanga ḏosa. Re ino ngene wa dawongo mara'a ma tero sa'olo Yesus ro dawongo mara'a toma limau ma ḏuḏunu.

'Ibrani 2:2

'Ua re 'au wali mala'ekata-mala'ekata ro singadolo 'a Musa 'ai hukumu ga'a banari ra ngene nanga ete re dotumu. Re ngowa-ngowa'a ga'a ya mete'e ua re siḏagi ua, ananga sanga hukumu ma'u pasi reo ananga manga ga'a.

1 Petrus 1:11

Nabi-nabi gena-ge mau 'aḏi disa waro ngau re ma duhu sa'olo salamata gena-ge 'i dadi. Tamanga 'ahu matengo re matengo, Ma Ngagara 'Ofi-'Ofi ra Kristus 'i siajele ḏua mangale 'O Kristus: Ma duhu sa'olo Unanga ḏuanga i'a 'o basono sangisara re sikisa, mada'a togumu i'a Unanga ḏuanga i'a 'o sanga mulia.

1 Petrus 4:14

Na'o ngowa'a 'aḏi je-jengere ngini sababu ni mete'e Kristus, ngini ni bara'utungu. Enanga gena-ge 'i dadi nana'o rimoi mangale Ma Jou'ongu Madutu 'ai Ngagara 'Ofi-'Ofi ga'a mulia, enanga 'age 'i tegoro ra ngini.

Tingoýi 2:9

Ngoi ta waro ḏua ngini ninga 'ahu kangela. Ngoi ta waro ngini ngowa'a ma dinga'unu ua, mada'a ma banari ngini ngowa'a rema-enanga. Ngoi to waro 'age rema ngowa'a Yahudi 'aḏi jajaha demo ra ngini, ananga gena-ge mode-mode'e ua ngowa'a Yahudi tamanga 'akala re sinyingara, mada'a 'o 'Iblisi ma me-mete'e.

Tingoýi 3:18

Sababu gena-ge, Ngoi to pula'a duga re domolo ra ngini: Ni tibo Ngoi 'ari guraci ga'a guraci madutu, la ni dadi ngowa'a rema-enanga. So'o gena-ge ḏi'i, ni tibo pakeanga buḏo ra Ngoi, la ni daku ninga mara'a. Re ngini ni tibo 'o sou'u di'a ni si'ese ninga la'o, la ni oḏi'i tarangi.