'Ibrani 11:16 - Jaji ma Su-sungi

¹⁶ Mada'a ma nyonyata ananga si'elingi ie 'o nagara lebe rousu, gena-ge nagara toma soroga. Sababu gena-ge Ma Jou'ongu Madutu 'o mara'a ua, na'o ananga 'aḏi si'aro'o Unanga, Ma Jou'ongu Madutu ga'a ananga 'aḏi silamo'o re siḏubuso, sababu Unanga ra sidodahe limau rimoi di'a ananga.

'Ibrani 11:16 Iomraidhean Croise

Matias 25:34

Togumu i'a, Ngoi 'Olana gena-ge, to kanau toma ngowa-ngowa'a Tari giama ma kuwiḏa, ‘Ino, ngini mo-moini ga'a 'Ari Ḇaḇa renu sibarakati. Ni osama toma Soroga ma Pareta ga'a Ngoi ta sidodahe ḏua di'a ngini wakutu dungia 'i dadi nyangu.

Markus 12:26

Ngini ni sahe ua 'a Musa 'ai boku 'i silefo pasala ḏua, toma balangu muḏuo i'a gena-ge 'i siajele mangale ngowa'a senge-sengene dadunu 'aḏi 'ahu moju. Wakutu 'a Musa oḏi'i goroa 'i leja-lejanga 'age Ma Jou'ongu Madutu 'ai iḏingi ma betongo ra Musa so'o ne: ‘Ngoi nena-ne Ma Jou'ongu Madutu ga'a Abraham, Ishak re Yakub 'aḏi silamo'o re siḏubuso.’

Markus 8:38

Toma dungia nena-ne, 'i romanga reo ngowa'a 'aḏi 'isene Ma Jou'ongu Madutu ua? 'A guna ḇato 'o mara'a mangaku mete'e Ngoi re 'ari do-doto'o; Ngoi to mara'a ḏi'i mangaku unanga gena-ge 'Ari me-mete'e wakutu Ngoi, Manusia ma Ngowa'a Nau'u, dadunu to sapolo moju mamete'e Rari Ḇaḇa ma kuasa re mala'ekata-mala'ekata 'Ofi-'Ofi.”

Lukas 12:32

Ngini mojongo awa kalaha ni repe ua re ni te'e ua! Sababu Ma Jou'ongu Madutu 'o sanangi sidadi ngini Unanga 'ai ngowa-ngowa'a.

Lukas 20:37

'A Musa 'o sijumu mangale ngowa'a sengene ḏua, ḏuanga i'a dadunu 'ahu moju. Sababu toma carita mangale 'o goroa 'i leja-lejanga toma dara unanga 'o siajele mangale Ma Jou gena-ge sa'olo, ‘Ma Jou'ongu Madutu ga'a Abraham, Ishak re Yakub 'aḏi silamo'o re siḏubuso.’

Yohanes 14:2

Tari Ḇaḇa 'ai wala 'age kamara ma repe. Ngoi ḏuanga i'a to tagi di'a ta sidodahe ngini ninga kamara-kamara. Ngoi to kanau ra ngini so'o gena sababu mode-mode'e 'age rema kamara-kamara gena-ge di'a ngini.

Yesus 'ai so-soma'a 7:32

‘Ngoi nena-ne Ma Jou'ongu Madutu ga'a ninga ete re dotumu 'aḏi silamo'o re siḏubuso, Ngoi nena-ne Ma Jou'ongu Madutu ga'a Abraham, Ishak re Yakub 'aḏi silamo'o re siḏubuso.’ Wakutu Musa 'a 'isene iḏingi gena-ge, unanga 'o dadi mojongo singadolo terewete re 'a tatamo yoḏu'u 'o rurubu dodowo'o ḏu moi gena-ge.

Filipi 3:20

Mada'a ngene rewo osama nyo-nyoimi toma Soroga ma Pareta. Re Ma Jou Yesus Kristus, nanga Salamata ma Cimi, ḏuanga i'a dadunu 'o sapolo da'a toma ngi'i gena-ge ino. Unanga gena-ge ga'a ngene wu totoma re wu ga-ganutu.

2 Timotius 4:18

Tantu ḏua, Ma Jou'ongu Madutu ḏuanga i'a 'o silalo'o ngoi toma ngowa'a manga 'ulungu ma jira re Unanga ḏuanga i'a 'o gasa ngoi toma salamata Tai pareta ma dara toma soroga. Ino ngene wo silamo'o re siḏubuso Unanga re wo puji re silamo'o 'Ai lomanga kasingado-ngadolo i'a. 'Amin.

'Ibrani 10:34

Sababu ngini reni basono sangisara re kangela ma'u mete'e ioronongoḏu ngo-ngaku rimoi toma bui. Re ḏi'i ngini ninga 'akala re sinyingara kangela ua wakutu ngowa'a ya ra-rabasa ngini ninga 'ori i'a rana. Ma nyonyata ngini ni maroanga, sababu ngini ni waro toma soroga 'age ngini ninga harata moju ga'a 'i kasingado-ngadolo i'a re lebe la-lamo'o reo harata ga'a ngowa'a ya ra-rabasa.

'Ibrani 11:10

Abraham ro tegoro toma suyu'u sababu 'o totoma di'a tegoro toma limau ga'a ma bangini lai te'e. Limau gena-ge ga'a Ma Jou'ongu Madutu ḏuanga i'a 'A side'oso 'A mete'e 'Ai maksudu.

'Ibrani 11:14

Ngowa'a ga'a 'aḏi kanau so'o gena-ge, ananga 'aḏi sitarangi mangale 'aḏi disa manga ngi'i moju ga'a 'i dadi ananga manga nagara masiretene.

'Ibrani 11:40

Sababu Ma Jou'ongu Madutu ro sitantukanga di'a 'o sidodahe 'ori i'a ga'a lebe rousu di'a ngene: Pa'i ananga gena-ge mamete'e ra ngene ḇato ḏuanga i'a ananga 'aḏi dadi ti-tiai.

'Ibrani 12:22

Siḏibo ḏi'i, ngini reni sapolo talaḏi toma Kie Sion, limau Yerusalem toma soroga, gena-ge Ma Jou'ongu Madutu ga'a 'ahu, Unanga 'ai limau. Ngini reni talaḏi toma mala'ekata rema cala-cala ga'a 'o malomu re 'o maroanga talaḏi ra Unanga gena-ge.

'Ibrani 13:14

Sababu toma dungia nena-ne, limau ga'a 'i kasingado-ngadolo i'a di'a ngene, 'i cua. Dadi ngene wo nganono re wo duka di'a limau toma soroga ga'a ngene wo tegoro kasingado-ngadolo i'a.

'Ibrani 2:11

Yesus ga'a 'o sigofi manusia tamanga ḏosa-ḏosa re ananga ga'a sanga sigofi ḏua, ananga gena-ge Ḇaḇa moi. Sababu gena-ge Yesus 'o mara'a ua 'o kanau mangale ananga gena-ge 'Ai ioronongoḏu.

Tingoýi 21:2

kara ngoi to oḏi'i limau 'ofi-'ofi, gena-ge limau Yerusalem su-sungi, 'uci da'u soroga ra Ma Jou'ongu Madutu tala. Limau gena-ge 'i sidodahe pasala ḏua sa'olo diai geri molo'ara we-were'a matengo di'a mo ma'u sanga geri molo'ara na-nau'u.