'Ibrani 11:10 - Jaji ma Su-sungi

¹⁰ Abraham ro tegoro toma suyu'u sababu 'o totoma di'a tegoro toma limau ga'a ma bangini lai te'e. Limau gena-ge ga'a Ma Jou'ongu Madutu ḏuanga i'a 'A side'oso 'A mete'e 'Ai maksudu.

'Ibrani 11:10 Iomraidhean Croise

Yohanes 14:2

Tari Ḇaḇa 'ai wala 'age kamara ma repe. Ngoi ḏuanga i'a to tagi di'a ta sidodahe ngini ninga kamara-kamara. Ngoi to kanau ra ngini so'o gena sababu mode-mode'e 'age rema kamara-kamara gena-ge di'a ngini.

2 Korintus 5:1

Sababu ngomi remi waro mangale nanga lese toma dungia nena-ne, 'i ma tero sa'olo wala ga'a 'orasa nange-ne ngene wa tegoro. Re ngomi remi waro, na'o lese gena-ge 'i pinya'olo Ma Jou'ongu Madutu ḏuanga i'a 'o sidodahe lese su-sungi ḏu moi toma soroga di'a ngene. Lese su-sungi gena-ge manusia 'aḏi 'a'a ua, mada'a Ma Jou'ongu Madutu masiretene 'A 'a'a, re enanga kama sengene riwara kasingado-ngadolo i'a.

Filipi 3:20

Mada'a ngene rewo osama nyo-nyoimi toma Soroga ma Pareta. Re Ma Jou Yesus Kristus, nanga Salamata ma Cimi, ḏuanga i'a dadunu 'o sapolo da'a toma ngi'i gena-ge ino. Unanga gena-ge ga'a ngene wu totoma re wu ga-ganutu.

'Ibrani 11:16

Mada'a ma nyonyata ananga si'elingi ie 'o nagara lebe rousu, gena-ge nagara toma soroga. Sababu gena-ge Ma Jou'ongu Madutu 'o mara'a ua, na'o ananga 'aḏi si'aro'o Unanga, Ma Jou'ongu Madutu ga'a ananga 'aḏi silamo'o re siḏubuso, sababu Unanga ra sidodahe limau rimoi di'a ananga.

'Ibrani 12:22

Siḏibo ḏi'i, ngini reni sapolo talaḏi toma Kie Sion, limau Yerusalem toma soroga, gena-ge Ma Jou'ongu Madutu ga'a 'ahu, Unanga 'ai limau. Ngini reni talaḏi toma mala'ekata rema cala-cala ga'a 'o malomu re 'o maroanga talaḏi ra Unanga gena-ge.

'Ibrani 12:28

Sababu gena-ge, ino ngene wo sibere ie nanga murasa ma la ra Ma Jou'ongu Madutu sababu ngene rewo osama nyo-nyoimi ra Unanga 'ai Pareta toma soroga ga'a 'i elala yoḏu'u. Dadi ino ngene wo silamo'o re siḏubuso Ma Jou'ongu Madutu renanga duhu ga'a sisanangi Unanga: Ngene balasu wo silamo'o re ḏi'i wo mojongo Unanga,

'Ibrani 13:14

Sababu toma dungia nena-ne, limau ga'a 'i kasingado-ngadolo i'a di'a ngene, 'i cua. Dadi ngene wo nganono re wo duka di'a limau toma soroga ga'a ngene wo tegoro kasingado-ngadolo i'a.

'Ibrani 3:4

Tantu ḏua, wala enanga madate'oso masiretene ua, 'age tukanga wala ya simomi'i. Mada'a 'oru ḇato toma dungia ma dara, Ma Jou'ongu Madutu 'a sidadi ma tero sa'olo tukanga wala ma sae'e.

Tingoýi 21:2

kara ngoi to oḏi'i limau 'ofi-'ofi, gena-ge limau Yerusalem su-sungi, 'uci da'u soroga ra Ma Jou'ongu Madutu tala. Limau gena-ge 'i sidodahe pasala ḏua sa'olo diai geri molo'ara we-were'a matengo di'a mo ma'u sanga geri molo'ara na-nau'u.