'Ibrani 11:1 - Jaji ma Su-sungi

¹ Ioronongoḏu ngo-ngaku rimoi, ngo-ngaku ma ngale nena-ne: Kalaha wo oḏi'i nyangu 'oru ga'a Ma Jou'ongu Madutu ro sijaji, ngene wa sitaka-taka ua mangale 'oru gena-ge ga'a wo masinganono.

'Ibrani 11:1 Iomraidhean Croise

Yesus 'ai so-soma'a 20:21

So'o gena ḏi'i bae toma ngowa'a Yahudi bae toma ngowa'a Yahudi ua, ngoi tini si'elingi taunu, ngini balasu ni maḏibo toma ngo'omo boloto ra Ma Jou'ongu Madutu re ni ngaku Ma Jou Yesus.

1 Korintus 13:13

Dadi, nange-ne fara ro'ange balasu ngene wa si'a'a: wo ngaku, wo nganono re wo ma'u dadalara. Mo-moini gena-ge ma la-lamo'o ma re'u i'a: wo dadalara ngowa-ngowa'a lelegu.

2 Korintus 11:17

'Orasa nange-ne, ngoi to mahie 'ari diri so'o gena-ge, mada'a Ma Jou Yesus 'o soma'a ua di'a to 'a'a so'o gena-ge. Dadi hali gena-ge ngoi to kanau sa'olo ngowa'a haga.

2 Korintus 4:18

Dadi ngomi ma tailako ua 'ori i'a ga'a ngomi ma oḏi'i, siḏibo ḏi'i ngomi ma tailako 'ori i'a ga'a ngomi ma oḏi'i ua. Sababu 'oru ḇato ga'a ma oḏi'i, enanga ma dahana ti'ara ua. Mada'a 'oru ḇato ga'a ma oḏi'i ua, enanga ma dahana kasingado-ngadolo i'a.

2 Korintus 5:17

Sababu gena-ge, na'o 'age rema ngowa'a ga'a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi.

2 Korintus 5:7

Re dadi ngomi mi 'ahu ma dasara reo minga ngo-ngaku ra Kristus, enanga ma dasara ua ga'a ngomi nyengara ma oḏi'i.

2 Korintus 9:4

Ngoi to dodato awa-awa 'age rema ngowa'a Makedonia 'aḏi mamete'e ra ngoi wakutu ngoi to sapolo ra ngini, re ananga ya oḏi'i ngini ni ḏuanga nyangu. Tantu ḏua, ngomi mi mara'a masala, sababu ngomi remi kanau mangale ngomi mi ngaku mode-mode'e ngini ni ḏu-ḏuanga ḏua. Re ngini masiretene ni mara'a ḏi'i!

Galatia 5:6

Sababu na'o ngene rewo marimoi ra Kristus Yesus bae ngene rewo masuna bae wo masuna ua; enanga gena-ge 'i 'oru ua. Mada'a enanga ga'a ma la-lamo'o ma re'u i'a so'o ne: Ngene wo sigare nanga ngo-ngaku ra Kristus. Re nanga ngo-ngaku gena-ge 'i waiti na'o ngene wo dadalara ngowa-ngowa'a lelegu.

Titus 1:1

'Ari ngowa'a 'a Titus, Ngoi Paulus, Yesus Kristus 'ai so-soma'a re ngoi ta Ma Jou'ongu Madutu ma tero sa'olo 'Ai budaka, to lefo surata ra ngana. Ngoi to sanga ju-jumutu di'a to riono Ma Jou'ongu Madutu 'ai 'umata ga'a Unanga 'o cumutu ḏua, la to site'e manga ngo-ngaku. Ngoi ḏi'i balasu ta'u sioḏi-oḏi'i ananga, la 'aḏi nana'o do-doto'o banari 'i mete'e Ma Jou'ongu Madutu 'ai 'akala ma mau, la manga 'ahu 'i dadi loasa re banari.

'Ibrani 10:22

Sababu gena-ge ino ngene wo maco-cori ra Ma Jou'ongu Madutu renanga 'akala re sinyingara ma dara bo-boloto re nanga ngo-ngaku mode-mode'e. Gena-ge 'i nyengara sababu nanga 'akala re sinyingara ri si'ofi Rai ngaunu dadi ngene wo basono nanga sala riwara re nanga lese mai ri sigofi reo ḇanyo na'o wo sanga baptis.

'Ibrani 10:39

Mada'a ngene nena-ne 'Ai 'umata ga'a ḏuanga i'a wo sanga 'Ai hukumu ua sababu ngene wo madorusu ua tananga ngo-ngaku. Ngene ngowa'a ga'a raḏi ngaku Ma Jou'ongu Madutu; dadi Unanga ḏuanga na sisalamata ngene.

'Ibrani 11:13

Ananga gena-ge mo-moini 'aḏi ngaku tau-taunu singadolo 'aḏi sengene. Ananga 'aḏi dawongo nyangu 'oru ga'a Ma Jou'ongu Madutu ro sijaji di'a ananga; mada'a enanga 'i ma tero sa'olo ya oḏi'i toma giḏanga re 'aḏi maroanga. Dadi ananga 'aḏi makanau ananga masiretene ma tero sa'olo ngowa'a tagi-tagi ino re ananga 'aḏi tegoro nena re si'a ua toma dungia nena-ne.

'Ibrani 11:27

Sababu Musa 'ai ngo-ngaku, kalaha 'olana Mesir 'o ruta, Musa kai mojongo ua 'a sisoi'i tala Mesir. Unanga tagi mete'e tau-taunu Ma Jou'ongu Madutu sababu ma tero sa'olo unanga ro oḏi'i Ma Jou'ongu Madutu ga'a oḏi'i yoḏu'u.

'Ibrani 11:7

Sababu Nuh 'ai ngo-ngaku, unanga gena-ge 'o mete'e Ma Jou'ongu Madutu 'ai parenta. Ma Jou'ongu Madutu 'u siajele ra Nuh mangale Unanga 'o siromanga dungia sitabi donga reo ḇanyo. Kalaha Nuh 'a oḏi'i nyangu enanga gena-ge 'i dadi, unanga 'o silamo'o re mojongo Ma Jou'ongu Madutu re dadi 'o mete'e 'Ai parenta. Dadi unanga 'o madiga'a kapala rimoi di'a sisalamata unanga re 'ai ngitu re ngale. Nuh 'ai ngo-ngaku gena-ge 'i dadi nana'o rimoi mangale ngowa'a mo-moini ga'a 'aḏi ngaku Ma Jou'ongu Madutu ua, ananga gena-ge ngowa'a ma jira. Sababu gena-ge Ma Jou'ongu Madutu 'o 'adili di'a sihukumu ngowa'a ma jira gena-ge wakutu 'O siromanga dungia sitabi donga reo ḇanyo. Sababu Nuh 'ai ngo-ngaku gena-ge, Ma Jou'ongu Madutu 'o si'aro'o unanga, ngowa'a loasa re banari.

'Ibrani 2:3

Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 3:14

Sababu ngene mo-moini wo dadi ḏagilomu munara marimoi ra Kristus, na'o ngene wa cako'o namo-namoto nanga ngo-ngaku ra Unanga gena-ge, toma mulaingi i'a moju singadolo ma ḏo-ḏogumu.

'Ibrani 3:6

Mada'a Yesus sa'olo Ma Jou'ongu Madutu 'ai Ngowa'a Nau'u 'o cufala parenta ra Ma Jou'ongu Madutu 'ai Wala — gena-ge ma ngale: Ma Jou'ongu Madutu 'ai ngitu re ngale. Re ngene nena-ne wo osama nyo-nyoimi ra Unanga 'ai ngitu re ngale. Mada'a pa'i na'o ngene wo macako'o namo-namoto tananga ngo-ngaku re wo masinganono tau-taunu mangale 'oru ga'a ḏuanga i'a Ma Jou'ongu Madutu 'o pula'a ra ngene.

'Ibrani 6:12

Awa ngini ni dadi sa'olo ngowa'a pamalasa. Siḏibo ḏi'i ngomi mau ngini ni mete'e re ni cuḏuḏu'u ngowa'a ga'a raḏi ngaku Ma Jou'ongu Madutu re raḏi totoma remanga 'akala ḇanyo. Sababu gena-ge, ananga gena-ge raḏi sanga warisi ga'a Unanga ro sijaji.

2 Petrus 1:1

Ngoi, Simon Petrus, Yesus Kristus 'ai so-soma'a re ngoi ta Unanga ma tero sa'olo 'Ai budaka. Ngoi to lefo surata nena-ne ra ngini ga'a ninga ngo-ngaku ra Yesus Kristus ma tero sa'olo ngomi minga ngo-ngaku. Yesus Kristus, Unanga Ma Jou'ongu Madutu re ḏi'i nanga Salamata ma Cimi. Unanga gena-ge 'O si'a'a ngene mo-moini wo ngaku Unanga re gena-ge 'i dadi sababu Unanga 'o 'adili.