'Ibrani 10:5 - Jaji ma Su-sungi

⁵ Sababu gena-ge, wakutu Kristus 'o osama toma dungia, Unanga 'o kanau ra Ma Jou'ongu Madutu so'o ne: “Baba 'o mau ua jou-jou bolo bu-bula'a. Siḏibo ḏi'i, Baba ro sidodahe Ngoi 'ari lese 'i dadi jou-jou ga'a Ngoi ḏuanga i'a to sidoa'a ra Baba.

'Ibrani 10:5 Iomraidhean Croise

Matias 11:3

“Mete'e Ma Jou'ongu Madutu 'ai jaji, Jou masiretene 'O Kristus, bolo ngomi mi totoma ngowa'a lelegu?”

Lukas 1:35

Mala'ekata gena-ge 'o sangoro, “Ma Jou'ongu Madutu 'ai Ngagara 'Ofi-'Ofi ḏuanga i'a 'i sapolo ra ngana, re Ma Jou'ongu Madutu toma Gau'u rai kuasa ḏuanga i'a 'o saolo ngana. Sababu gena-ge Unanga, ga'a ḏuanga i'a ngana nu sibuoro, si'aro'o Ma Jou'ongu Madutu 'Ai Ngowa'a ga'a 'Ofi-'Ofi.

Lukas 7:19

kara unanga 'o soma'a ananga 'aḏi tagi ra Ma Jou Yesus re 'aḏi sano ra Unanga ma betongo so'o ne: “Jou nena-ne ḏua ga'a no sapolo mete'e Ma Jou'ongu Madutu 'ai jaji bolo ngomi balasu mi totoma ngowa'a lelegu?”

Yohanes 1:14

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 1:6

Re wakutu Ma Jou'ongu Madutu 'o 'utusu 'Ai Ngowa'a Nau'u ma jomolo toma dungia nena-ne, Ma Jou'ongu Madutu 'o kanau so'o ne: “Mala'ekata mo-moini balasu 'o silamo'o re siḏubuso 'Ari Ngowa'a Nau'u.”

'Ibrani 10:10

Yesus Kristus ra siḏagi Ma Jou'ongu Madutu 'ai 'akala ma mau. Dadi pa'i soi moi ḇato Unanga 'a sidoa'a 'Ai lese masiretene sa'olo jou-jou di'a ngene. Sababu gena-ge, Ma Jou'ongu Madutu 'o siwola i'a ngene sa'olo dadi 'Ai ngowa'a 'ofi-'ofi kasingado-ngadolo i'a.

'Ibrani 10:7

Dadi ngoi to kanau so'o ne: ‘Ngoi nena-ne Ma Jou'ongu Madutu. Ngoi reto sapolo di'a to siḏagi 'Ani mau, ma tero sa'olo 'i silefo toma kartasi lo-lolo mangale Ngoi.’ ”

'Ibrani 10:8

Siḏa-siḏa kalaha manga jou-jou mo-moini ga'a 'aḏi pula'a mete'e Musa 'ai hukumu, Kristus 'o kanau ra Ma Jou'ongu Madutu, “Baba 'o nyafusu ua re 'o nyanyaḏi ua manga jou-jou, manga bu-bula'a, manga haiwani tau'u bolo manga bu-bula'a di'a singi-ngiranga manga ḏosa.”

'Ibrani 2:14

Ngowa-ngowa'a ga'a Ma Jou'ongu Madutu 'o si'aro'o 'Ai ngowa-ngowa'a, ananga gena-ge manusia remanga lese. Sababu gena-ge, Yesus 'o dadi ngowa'a manusia matengo ma tero sa'olo ngene, la 'ai se-sengene 'i singi-ngiranga 'Iblisi ma kuasa. 'Iblisi gena-ge 'i sigasa manusia toma sengene.

'Ibrani 5:7

Wakutu Yesus 'o 'ahu-'ahu moju toma dungia nena-ne, Unanga 'o manyiata re 'o golo'o reo poa'a rai 'ongoro ra Ma Jou'ongu Madutu ga'a nga'unu sisalamata Unanga toma sengene. Sababu Unanga 'o ta'aloko rai 'akala re sinyingara sa-sanangi ra Ma Jou'ongu Madutu, Unanga 'ai go-golo'o Ma Jou'ongu Madutu 'a dawongo.

'Ibrani 8:3

Ma Jou'ongu Madutu 'o tede 'imam 'agung mo-moini di'a gasa bu-bula'a—bu-bula'a re jou-jou haiwani ra Unanga. Dadi so'o gena ḏi'i 'a Yesus, ngene nanga 'Imam 'Agung, Unanga ḏi'i balasu gasa 'ori i'a di'a 'i dadi jou-jou.

1 Petrus 2:24

'A Kristus masiretene 'a doiti nanga ḏosa wakutu ngowa'a 'U sisalib Unanga, la Ma Jou'ongu Madutu 'o sibebasa ngene tananga ḏosa. Re ḏi'i, la ngene nyengara wo 'ahu mete'e Ma Jou'ongu Madutu 'ai 'akala ma mau. Re Ma Jou'ongu Madutu 'o si-la ngini sababu 'a Kristus 'ai nyaboto toma salib.

2 Yohanes 1:7

Sababu ngowa'a ga'a sihaga ngowa'a, ananga manga repe 'aḏi tagi matai are toma dungia sitabi donga. Ananga gena-ge 'aḏi mangaku ua mangale Yesus Kristus 'o sapolo toma dungia nena-ne sa'olo manusia. Ananga gena-ge ma tero sa'olo ngowa'a matengo ga'a sihaga ngowa-ngowa'a re unanga gena-ge 'o Kristus Sa-sakala.