'Ibrani 10:36 - Jaji ma Su-sungi

³⁶ Dadi, ngini balasu ni pake 'akala ma ḇanyo re ni ngaku tau-taunu, la ngini nga'unu ni 'a'a 'oru ḇato mete'e Ma Jou'ongu Madutu 'ai 'akala ma mau. Na'o so'o gena ngini ḏuanga i'a ni dawongo 'oru ga'a Unanga 'o sijaji.

'Ibrani 10:36 Iomraidhean Croise

Matias 10:22

Ngowa'a mo-moini ḏuanga i'a 'aḏi emono ngini, sababu ngini Ngoi 'ari me-mete'e. Mada'a ngowa'a ga'a 'aḏi cako'o namo-namoto tamanga ngo-ngaku ra Ngoi singadolo ma ḏo-ḏogumu, ḏuanga i'a 'aḏi sanga salamata.

Matias 12:50

Ngowa-ngowa'a ga'a 'aḏi si'a'a 'Ari Ḇaḇa toma soroga, Unanga 'Ai mau, ananga gena-ge 'Ari ioro re nongoḏu re 'Ari biḏanga re 'Ari ngina.”

Matias 21:31

Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?” Ananga gena-ge ya sangoro, “Ngowa'a nau'u ma ioro.” Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta; mada'a ngini ua!

Matias 24:13

Mada'a ngowa'a ga'a 'aḏi ngaku Ngoi tau-taunu singadolo ma ḏo-ḏogumu, ananga gena-ge 'aḏi sanga salamata.

Matias 7:21

“Toma Kiamata ma Wangere, ngowa'a manga repe ḏuanga i'a 'aḏi 'aro'o Ngoi, ‘Ma Jou! Ma Jou!’ Mada'a ananga mo-moini ua 'aḏi osama nyo-nyoimi toma Soroga ma Pareta! Pa'i ngowa'a ga'a mete'e 'Ari Ḇaḇa 'ai mau, ananga gena-ge ḏuanga i'a 'aḏi sanga osama.

Markus 3:35

'A guna ḇato 'o 'a'a re 'o mete'e Ma Jou'ongu Madutu 'ai 'akala ma mau, ananga gena-ge Ngoi 'ari ngina re 'Ari ioro re nongoḏu re 'Ari biḏanga.”

Lukas 21:19

Na'o ngini ninga ngo-ngaku kama elala ua, ngini ḏuanga i'a ni sanga 'ahu kasingado-ngadolo i'a.

Lukas 8:15

Gisisi 'i eta'a toma tana'a ma la-la'eme, gena-ge ma tero sa'olo ngowa'a 'aḏi 'isene habari gena-ge ya dawongo re ya gogono tamanga 'akala re sinyingara lai rousu re 'i banari. Ananga 'aḏi matahana singadolo sisupu ma sowo'o.

Yohanes 7:17

'A guna ḇato ga'a mau mete'e Ma Jou'ongu Madutu 'ai 'akala ma mau, ananga gena-ge ḏuanga i'a ya disa waro 'oru ga'a Ngoi to doto'o ma 'asala ra Ma Jou'ongu Madutu bolo ra Ngoi masiretene.

Yesus 'ai so-soma'a 13:22

Pasala i'a Ma Jou'ongu Madutu 'o siguci 'a Saul, Unanga 'o sitede 'a Daud 'o dadi Israel manga 'olana. Ma Jou'ongu Madutu 'a siajele pasala ḏua mangale unanga gena-ge, ‘Ngoi to oḏi'i masiretene ḏua 'a Daud, Isai 'ai ngowa'a nau'u, unanga gena-ge 'a sisanangi 'Ari 'akala re sinyingara, re ḏuanga i'a 'a siḏagi 'Ari 'akala ma mau.’

Yesus 'ai so-soma'a 13:36

Wakutu Daud 'a si'a'a pasala ḏua mete'e Ma Jou'ongu Madutu 'ai 'akala ma mau, unanga ro sengene re 'u otomo sisebanga tai ete re dotumu re 'ai mayeti ri wejere ḏua.

Roma 12:12

Ni maroanga tau-taunu sababu ninga ngo-nganono. Ni pake 'akala ma ḇanyo toma susa re sangisara, re ni manyiata tau-taunu.

Roma 12:2

Ni mete'e ngowa'a manga tabeata rawara ga'a nana'o ua Ma Jou'ongu Madutu. Siḏibo ḏi'i, sieanga i'a Ma Jou'ongu Madutu 'o si'a'a ngini ninga fikirana su-sungi singadolo ninga tabeata 'i dadi su-sungi. Ḏua ngini nga'unu ni waro Ma Jou'ongu Madutu 'ai 'akala ma mau: 'oru 'i la-la, 'i ti-tiai re ḏi'i 'i sisanangi 'Ai 'akala re sinyingara.

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

Roma 8:25

Mada'a 'oru ga'a ngene wo masinganono moju, ngene wa totoma renanga 'akala ḇanyo.

1 Korintus 13:7

Unanga 'o tahana talaḏi 'oru ḇato toma ngowa'a lelegu ino, 'o ngaku 'oru ḇato ga'a la-la mangale ngowa'a lelegu. Unanga 'o masinganono tau-taunu ngowa'a lelegu manga de'oso re ḏegoro 'i dadi la-la. Re 'o pake 'akala ḇanyo tau-taunu toma ngowa'a lelegu.

Galatia 6:9

Sababu gena-ge, kalaha wo basono momoro, awa ngene wo matogumu 'a'a 'ori i'a ma la-la. Sababu na'o ngene wo madaga'a 'ori i'a ma la-la tau-taunu, ḏuanga i'a enanga ma 'orasa 'i ngadolo ngene wa sanga enanga ma sowo'o.

Efesus 6:6

Awa pa'i ni sidodai, wakutu tai biono ḇato, la ni sanga sitoro. Siḏibo ḏi'i, ni sidodai sa'olo 'a Kristus 'ai budaka ga'a mete'e Ma Jou'ongu Madutu 'ai 'akala ma mau reninga 'akala re sinyingara mode-mode'e.

Kolose 1:11

Ngomi mi golo'o ra Ma Jou'ongu Madutu ga'a 'Ai kuasa ma pari cua, mangale Unanga 'a sinamoto ninga 'akala re sinyingara Rai kuasa mo-moini, la ngini nga'unu ni tahana sikisa tau-taunu reninga 'akala ḇanyo reninga 'akala re sinyingara sa-sanangi.

Kolose 3:24

'Eli-'elingi! Na'o ni 'a'a so'o gena-ge, sababu ngini ni munara di'a Ma Jou masiretene sa'olo ninga Tuanga, ngini ḏuanga i'a ni sanga ma ngogele ga'a Ma Jou Yesus ra sidodahe di'a 'Ai 'umata.

Kolose 4:12

'Age rema ngowa'a matengo ḏi'i 'ai lomanga 'a Epafras, unanga ga'a ta Kristus Yesus ma tero sa'olo 'Ai budaka. Unanga ngowa'a Kolose re 'o siḏingoto 'ai tabea ra ngini. Unanga 'o manyiata tau-taunu rai 'akala re sinyingara mode-mode'e. Unanga 'o golo'o ra Ma Jou'ongu Madutu mangale ninga ngo-ngaku 'i te'oso ogo-ogoro kama elala ua, ma tero sa'olo ngowa'a raḏi ngimono tamanga ngo-ngaku. Re ḏi'i unanga 'o golo'o mangale ngini ni waro mode-mode'e 'oru ga'a Ma Jou'ongu Madutu 'ai 'akala ma mau.

'Ibrani 11:39

Ma Jou'ongu Madutu ro sisanangi ananga gena-ge sababu manga ngo-ngaku. Mada'a ananga 'aḏi dawongo nyangu 'oru ga'a Ma Jou'ongu Madutu 'a sijaji di'a ananga gena-ge.

'Ibrani 12:1

Sababu gena-ge, ngene nena-ne nyengara wo kanau mangale sakisi ma siḏa gena-ge ma repe, ma tero sa'olo kakamo ga'a 'i sigoloḏi ngene. Dadi ngene balasu wo dadi ma tero sa'olo ngowa'a lalara ga'a upa'a 'ori i'a ga'a 'i siḏubuso bolo 'i raiti ra unanga. So'o gena ḏi'i, ngene balasu wo upa'a 'ori i'a ga'a 'i siḏubuso re ḏosa ga'a 'i masiraiti i'a ra ngene. Re ino ngene wo lalara re wo matahana sangisara reo tahana tau-taunu, la nga'unu wa siḏuanga talaḏi tandingi toma biono i'a.

'Ibrani 13:21

Dadi ngoi to golo'o ra Ma Jou'ongu Madutu ga'a 'O dame ma cimi ga'a 'O siti-tiai ngini reo 'ori i'a mo-moini ma la-la ga'a ngini paralu di'a na si'a'a Unanga 'ai 'akala ma mau. Ngoi ḏi'i to golo'o mangale sababu Yesus Kristus nanga lese to golona, Ma Jou'ongu Madutu 'o munara tananga 'akala re sinyingara 'oru ḇato 'i sisanangi Tai momina. Ino ngene wo puji re silamo'o Yesus Kristus kasingado-ngadolo i'a. 'Amin.

'Ibrani 6:12

Awa ngini ni dadi sa'olo ngowa'a pamalasa. Siḏibo ḏi'i ngomi mau ngini ni mete'e re ni cuḏuḏu'u ngowa'a ga'a raḏi ngaku Ma Jou'ongu Madutu re raḏi totoma remanga 'akala ḇanyo. Sababu gena-ge, ananga gena-ge raḏi sanga warisi ga'a Unanga ro sijaji.

'Ibrani 6:15

Abraham 'a totoma rai 'akala ḇanyo di'a jaji gena-ge, singadolo unanga 'a sanga.”

'Ibrani 6:17

Ma Jou'ongu Madutu mau 'A site'e 'Ai jaji toma ngowa'a ga'a ḏuanga i'a 'aḏi sanga 'Ai jaji, la ananga gena-ge 'aḏi waro mode-mode'e Unanga 'a singali 'ai jaji ua. Sababu gena-ge Unanga 'o jaji re 'O tede sasi.

'Ibrani 9:15

Ma sababu gena-ge Kristus 'o dadi lese to golona di'a Ma Jou'ongu Madutu 'ai jaji ma su-sungi, la ngowa'a ga'a Ma Jou'ongu Madutu ro 'aro'o, ananga gena-ge nyengara 'aḏi dawongo barakati-barakati kasingado-ngadolo i'a ga'a Unanga 'o sijaji pasala ḏua di'a 'Ai 'umata. Mo-moini gena-ge ri dadi sababu Kristus 'ai se-sengene ri dadi du-duusu di'a sibebasa ngowa'a tamanga ḏosa sababu ananga 'aḏi mete'e 'atoranga ti-tiai ua ra Ma Jou'ongu Madutu 'ai jaji ma siḏa.

1 Petrus 1:9

sababu Ma Jou'ongu Madutu 'o sisalamata ngini. Gena-ge 'i dadi, sababu ngini ni ngaku mode-mode'e ra Kristus.

1 Yohanes 2:17

Re sababu ḏi'i dungia re ma dara mo-moini ga'a manusia ya nyafusu, soi moi enanga 'i iranga. Mada'a ngowa'a ga'a 'aḏi mete'e Ma Jou'ongu Madutu 'ai 'akala ma mau, ananga 'aḏi sanga 'ahu kasingado-ngadolo i'a.

Tingoýi 13:10

Ngowa'a ga'a balasu sanga dawana, tantu ḏua ananga ḏuanga i'a 'aḏi sanga dawana. Ngowa'a ga'a balasu 'aḏi sisengene reo samaranga, tantu ḏua ananga ḏuanga i'a 'aḏi sisengene reo samaranga. Sababu gena-ge Ma Jou'ongu Madutu 'ai ngowa-ngowa'a balasu 'aḏi tahana susa re sangisara reo 'akala ḇanyo re 'aḏi macako'o namo-namoto ra Yesus.

Tingoýi 14:12

Sababu gena-ge, Ma Jou'ongu Madutu 'ai ngowa-ngowa'a ga'a 'aḏi cufala mete'e Unanga 'ai parenta re 'aḏi macako'o namo-namoto ra Yesus, balasu 'aḏi tahana susa re sangisara reo 'akala ḇanyo.