'Ibrani 10:27 - Jaji ma Su-sungi

²⁷ mada'a pa'i rimoi ḇato: Ngene wa totoma renanga mojongo di'a talaḏi Unanga ga'a 'o sijuruhakimi ngene. Re Unanga 'ai hukumu ma tero sa'olo u'u ma lejanga ḏuḏurana tau'u la-lamo'o ga'a ḏuanga i'a singi-ngiranga 'Ai lawana.

'Ibrani 10:27 Iomraidhean Croise

Matias 13:42

Ananga mo-moini ḏuanga i'a sanga upa'a toma ḏiḏiana u'u ga'a leja-lejanga. Toma ngi'i gena-ge ananga ḏuanga i'a ya rerese ma gaḏi re ya doiti ma sangisara.

Matias 13:50

Ngowa'a ma jira gena-ge, ananga ḏuanga i'a sanga upa'a toma ḏiḏiana u'u ga'a leja-lejanga. Toma ngi'i gena-ge, ananga ḏuanga i'a ya rerese ma gaḏi re ya doiti ma sangisara.”

Matias 25:41

Gena ḏua, Ngoi 'Olana gena-ge to kanau toma ngowa-ngowa'a Tari kuḇali, ‘Ngini ngowa'a ma jira, ni tagi. Ni osama toma u'u ma lejanga ga'a kama sora-sora ua ga'a sidodahe ḏua di'a 'Iblisi re enanga ma mala'ekata-mala'ekata!

Matias 3:10

Ma Jou'ongu Madutu ro ḏu-ḏuanga ḏua 'O sihukumu ngowa'a ga'a 'aḏi maḏibo ua toma ngo'omo boloto ma tero sa'olo tama'ono 'i ḏu-ḏuanga ḏua di'a sitawele ate re sitola'a ngadolo toma utu'u. Sababu gena-ge, na'o ate gena-ge ma sowo'o 'i rousu ua, ḏuanga i'a 'a tawele re 'a upa'a toma u'u ma dara.

Matias 3:12

Gena-ge ma tero sa'olo Tai giama 'age rema garpu lamo'o, re Unanga ḏuanga i'a 'o sitaro'o gandum mo-moini singadolo 'i 'ofi. Gandum rema la'eme ḏuanga i'a sigare toma titila ma dara, mada'a ma 'omanga 'i siupa'a toma u'u kama sengene ua.”

Matias 8:29

Ananga 'aḏi maboa-boa'a, “Ma Jou'ongu Madutu 'ai Ngowa'a Nau'u, 'Ani maksudu 'oru ra ngomi? Kalaha ma 'orasa ngadolo nyangu, Ngana no mau sisikisa ngomi?”

Lukas 16:24

Ngowa'a rema-enanga 'o maḏigaro'o, ‘Baba Abraham, no sijumu 'Ani 'akala re sinyingara ma la-la ra ngoi, soma'a 'a Lazarus 'a tono 'ai rarag̱a toma ḇanyo kara 'o sapolo 'a sioḇoso 'ari yai'i, sababu ngoi to sangisara masala toma u'u ma dara!’

Lukas 19:27

Gasa ino so'o nena-ne ḏua ngoi 'ari lawana ga'a 'aḏi oḏu'u Ngoi to dadi ananga manga 'olana. Sisengene ananga mo-moini ra Ngoi 'ari biono.’ ”

Lukas 21:26

Manusia ḏuanga i'a 'aḏi mojongo lai siḏi singadolo 'aḏi basono beberete sababu 'aḏi 'isene 'oru ga'a ḏuanga i'a 'i dadi toma dungia sitabi donga nena-ne. Sababu kuasa-kuasa toma ngawa-ngawa ri dadi kaco madutu.

Lukas 23:30

Toma 'orasa gena-ge, Ngowa'a ḏuanga i'a 'aḏi kanau toma kie-kie, ‘Pe-pe'ara ngomi!’ Re toma sau-sau, ‘Jujumu ngomi!’ ”

Yohanes 5:29

Ananga 'aḏi supu toma kubu ma dara ie. Ngowa'a ga'a manga de'oso re ḏegoro ri la-la, ananga 'aḏi dadunu 'ahu moju di'a sanga 'ahu kasingado-ngadolo i'a. Mada'a ngowa'a ga'a manga de'oso re ḏegoro ri cira, ananga 'aḏi dadunu 'ahu moju di'a sanga hukumu kasingado-ngadolo i'a.”

'Ibrani 12:25

Sababu gena-ge, ngini balasu ni ma'istiari ino, awa ni dawongo ua Ma Jou'ongu Madutu 'ai demo. 'Ua re 'au wali, toma dungia ananga ga'a 'aḏi dawongo ua Musa 'ai demo ra Ma Jou'ongu Madutu tala, raḏi sanga hukumu. Tantu ḏua hukumu lebe ḏubuso na'o ngene ḏi'i wo dawongo ua Unanga 'ai demo, Unanga gena-ge ga'a 'o kanau toma soroga!

'Ibrani 12:29

sababu nanga Jou'ongu Madutu ma tero sa'olo u'u ga'a nyengara siro'u 'oru ḇato.

'Ibrani 2:3

Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 9:27

Re mete'e Ma Jou'ongu Madutu 'ai 'akala ma mau, manusia 'aḏi sengene pa'i soi moi ḇato. Togumu i'a kara Unanga na sijuruhakimi.

Yakobus 5:3

Nange-ne, ngini ni lomu ninga 'ori i'a rana mada'a ninga guraci re salaka ma faeda 'i cua, sababu enanga ri keho. Guraci re salaka ga'a ri keho gena-ge, ḏuanga i'a 'i dadi sakisi ga'a lawana ngini wakutu Ma Jou'ongu Madutu ḏuanga i'a sijuruhakimi manusia mo-moini mangale ngini ni pula'a ninga ngo-nganono taninga 'ori i'a rana. Ḏua Ma Jou'ongu Madutu 'o sihukumu ngini re ninga 'ori i'a rana gena-ge 'i ro'u toma u'u.

Tingoýi 20:15

Ngowa'a mo-moini ga'a manga lomanga 'i silefo ua toma ngowa'a 'ahu-'ahu manga boku, ananga gena-ge 'aḏi siupa'a toma ngoloto u'u ma dara.