'Ibrani 10:11 - Jaji ma Su-sungi

¹¹ Yahudi manga 'imam mo-moini 'aḏi te'oso di'a siḏagi manga munara sa'olo 'imam wange moi-wange moi ya sigasa da-dadunu manga jou-jou ma tero. Mada'a jou-jou gena-ge 'i singi-ngiranga 'o ḏosa yoḏu'u.

'Ibrani 10:11 Iomraidhean Croise

'Ibrani 10:1

Musa 'ai hukumu pa'i pula'a guḏumingi ḇato 'oru 'ori i'a la-la ga'a enanga ḏuanga i'a 'i dadi. Hukumu gena-ge nga'unu 'i sigasa ua 'ori i'a la-la ga'a Ma Jou'ongu Madutu ra sijaji pasala ḏua. Sababu gena-ge, sanga ua enanga gena-ge nga'unu ya sigofi ngowa'a manga ḏosa wakutu ananga 'aḏi sapolo di'a silamo'o re siḏubuso Ma Jou'ongu Madutu reo jou-jou ga'a ananga ya gasa. Sababu musungu rimoi-musungu rimoi ananga balasu ya si'a'a so'o gena-ge!

'Ibrani 10:4

Sababu sapi ma ngaunu re 'abingi ma nau'u ma ngaunu 'i singi-ngiranga ngowa'a manga ḏosa yoḏu'u.

'Ibrani 5:1

'Imam 'agung mo-moini Ma Jou'ongu Madutu ya'u cumutu toma manusia. 'Imam 'agung 'aḏi munara di'a Ma Jou'ongu Madutu sa'olo manusia manga nga-ngali. Ananga manga munara di'a sibere manusia manga bu-bula'a re jou-jou, la Ma Jou'ongu Madutu 'o si'ofi manusia tamanga ḏosa.

'Ibrani 7:27

Unanga 'ai munara 'i mata-rapu reo 'imam-'imam 'agung lelegu ga'a wange moi-wange moi balasu 'aḏi gasa jou-jou sisiḏa di'a manga ḏosa-ḏosa masiretene, kara di'a ngowa'a kawasa manga ḏosa. Mada'a Yesus 'o gasa jou-jou pa'i soi moi ḇato di'a kasingado-ngadolo i'a, wakutu Unanga sipula'a 'Ai diri sa'olo jou-jou di'a nanga ḏosa.

'Ibrani 8:2

Unanga 'o munara sa'olo 'Imam 'Agung ra Ma Jou'ongu Madutu 'ai suyu'u mode-mode'e toma soroga. Kamara Lai 'Ofi-'Ofi mode-mode'e gena-ge, manusia wa 'a'a ua mada'a Ma Jou'ongu Madutu ra 'a'a.

'Ibrani 8:4

Si'ade-'ade Yesus nange-ne 'o 'ahu toma dungia, Unanga 'o dadi 'imam yoḏu'u. Sababu 'age rema 'imam-'imam moju ga'a sigasa jou-jou mete'e Musa 'ai hukumu.