'Ibrani 1:9 - Jaji ma Su-sungi

⁹ Ngana no nyanyaḏi de'oso re ḏegoro ma loasa re banari re No emono de'oso re ḏegoro ma jira. Sababu gena-ge Ma Jou'ongu Madutu, 'Ani Jou'ongu Madutu, Ro cumutu Ngana re 'O pula'a ra Ngana ḏe-ḏegoro lebe kau'u reo 'Ani ḏagilomu ma lelegu, re ḏe-ḏegoro gena-ge 'i silamo'o Ngana re 'i sigasa monere Tani 'akala re sinyingara.”

'Ibrani 1:9 Iomraidhean Croise

Lukas 4:18

“Ma Jou'ongu Madutu 'ai Ngagara 'Ofi-'Ofi marimoi ra Ngoi. Sababu Ma Jou'ongu Madutu 'o cumutu ḏua Ngoi di'a ta singadolo Habari Roanga toma ngowa-ngowa'a ma dinga'unu ua. Ma Jou'ongu Madutu 'o 'utusu Ngoi di'a to singadolo habari mangale: Ngoi ḏuanga i'a to sisupu ngowa-ngowa'a toma 'Iblisi ma pareta re si-la ngowa-ngowa'a hafu re ta'u sibebasa ngowa-ngowa'a ga'a 'aḏi sanga sikisa

Yohanes 1:41

Andreas 'o sisoi'i tala Yesus re 'o tagi ca-capati re 'o disa 'a Simon, ananga gia nongoḏu. Re unanga 'o kanau, “Ngomi remi ma'u sanga 'O Mesias” (gena-ge ma ngale: 'O Kristus).

Yohanes 10:17

'Ari Ḇaḇa ro dadalara Ngoi, sababu Ngoi to sidoa'a 'Ari 'ahu, la Ngoi dadunu to sanga 'Ari 'ahu moju.

Yohanes 20:17

Yesus 'o kanau ra munanga, “No gu'u awa Ngoi, sababu Ngoi to pere sie nyangu Tari Ḇaḇa. Mada'a no tagi re no siajele Tari me-mete'e mangale Ngoi ngasamoi to maḏibo To pere sie Tari Ḇaḇa re ngini ninga Ḇaḇa, Tari Jou'ongu Madutu re ra Ma Jou'ongu Madutu ga'a ngini ni silamo'o re siḏubuso.”

Yohanes 3:34

Sababu ngowa'a matengo ga'a Ma Jou'ongu Madutu 'o 'utusu Unanga gena-ge 'a singadolo Ma Jou'ongu Madutu 'ai demo-demo. Re Ma Jou'ongu Madutu 'o siromanga Unanga reo Ma Ngagara 'Ofi-'Ofi.

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

Yesus 'ai so-soma'a 4:26

'Olana-'olana toma dungia 'aḏi madodahe di'a parangi re bangsa-bangsa toma dungia manga sae'e 'aḏi marimoi di'a 'aḏi lawana Ma Jou'ongu Madutu re 'Ai Mesias.’

Yesus 'ai so-soma'a 4:27

'Oru Daud siajele pasala ḏua 'i dadi, sababu Herodes re 'a Pontius Pilatus ya'u lomu ḏua ngowa-ngowa'a Yahudi ua re ngowa-ngowa'a Israel toma limau gena-ge. Ananga 'aḏi ma'u sanga re 'aḏi ma'u rimoi 'aḏi lawana Yesus, 'Ani Falalomu 'Ofi-'Ofi. Unanga gena-ge, Ma Jou'ongu Madutu nu sitantukanga Unanga 'O dadi Mesias.

Roma 12:9

Ngini balasu ni dadalara ngowa'a reninga 'akala re sinyingara mode-mode'e. Re ni emono 'oru ga'a 'i cira, ni macako'o namo-namoto toma 'oru ga'a 'i la-la.

Roma 15:13

Ngoi to golo'o ra Ma Jou'ongu Madutu ga'a ninga ngo-nganono ma cimi, di'a nu siromanga taninga 'akala re sinyingara ma dara reo roanga re dame ti-tiai, ngini ga'a reni ngaku Unanga, la sababu Ma Ngagara 'Ofi-'Ofi ma kuasa, ninga ngo-nganono 'i ganapu te'e.

1 Korintus 1:9

Ma Jou'ongu Madutu ḏuanga i'a 'o 'a'a so'o gena-ge sababu 'O cufala di'a sitotomo 'Ai jaji. Unanga gena-ge ga'a ro 'aro'o ngini di'a ni marimoi Tai Ngowa'a Nau'u, Yesus Kristus, nanga Jou.

2 Korintus 11:31

Ma Jou'ongu Madutu, Ma Jou Yesus 'ai Ḇaḇa, 'A waro mangale ngoi to sa-sakala ua. Unanga gena-ge ga'a ngene balasu wo silamo'o re siḏubuso 'Ai lomanga kasingado-ngadolo i'a.

Galatia 5:22

Siḏibo ḏi'i, ngowa-ngowa'a ga'a Ma Ngagara 'Ofi-'Ofi ya'u ḏegoro, ananga manga de'oso re ḏegoro so'o ne: Ananga gena-ge 'aḏi ma'u dadalara matengo re matengo, 'aḏi monere tamanga 'akala re sinyingara, 'akala ogoro, pake 'akala ḇanyo re ananga remanga sere 'i re go-gasa, ananga nyanyaḏi ma'u la-la reo ngowa-ngowa'a lelegu, jaji sa-sakala ua,

Efesus 1:3

Ngene wo puji re silamo'o Ma Jou'ongu Madutu, Unanga gena-ge nanga Jou Yesus Kristus 'ai Ḇaḇa. Unanga ro pula'a barakati mo-moini toma soroga ra ngene, sababu ngene rewo marimoi ra Kristus.

Filipi 2:9

Sababu gena-ge, Ma Jou'ongu Madutu 'o sitede Unanga kau-kau'u re 'O pula'a kuasa, lebe kau'u reo kuasa mo-moini,

'Ibrani 2:11

Yesus ga'a 'o sigofi manusia tamanga ḏosa-ḏosa re ananga ga'a sanga sigofi ḏua, ananga gena-ge Ḇaḇa moi. Sababu gena-ge Yesus 'o mara'a ua 'o kanau mangale ananga gena-ge 'Ai ioronongoḏu.

'Ibrani 2:9

Mada'a ngene wo oḏi'i Yesus: Ma Jou'ongu Madutu 'o sidadi mala'ekata pa'i lebe la-lamo'o ceka'a i'a ḇato reo Unanga wakutu 'O 'ahu toma dungia nena-ne. Mada'a 'orasa nange-ne, ngene wo oḏi'i Unanga ro sanga ḏe-ḏegoro lebe kau'u ga'a 'i mulia re Ma Jou'ongu Madutu 'U silamo'o sa'olo 'olana. Sababu Unanga 'a basono sangisara ḏua singadolo sengene di'a manusia mo-moini, gena-ge mete'e Ma Jou'ongu Madutu 'ai mura re dadalara.

'Ibrani 7:26

Dadi ngene wo paralu Yesus gena-ge sa'olo nanga 'Imam 'Agung. Unanga ngowa'a 'ofi-'ofi, kai sala re ḏosa ua. Ma Jou'ongu Madutu 'o siwola i'a Unanga toma ngowa-ngowa'a baraḏosa, re Unanga ro pere singadolo ma ngi'i ga'a lebe kau'u reo diwanga ma gau'u.

1 Petrus 1:3

Ino ngene wo puji re silamo'o Ma Jou'ongu Madutu, Yesus Kristus nanga Jou 'ai Ḇaḇa. Sababu Unanga 'o sijumu 'Ai 'akala re sinyingara ma la-la ra ngene, singadolo 'O pula'a 'ahu su-sungi ra ngene. Gena-ge 'i nyengara, sababu Yesus Kristus ro sengene, mada'a dadunu 'o 'ahu moju. Sababu gena-ge nanga ngo-nganono 'i dadi de-de'e rimoi.

1 Yohanes 1:3

Dadi 'oru ga'a ngomi ma oḏi'i re 'isene ḏua, nange-ne ngomi ma singadolo ra ngini, la ngini ni 'ahu marimoi ra ngomi. Sidogo ḏi'i, ngene wo 'ahu marimoi ḏua ra Ma Jou'ongu Madutu nanga Ḇaḇa re 'Ai Ngowa'a Nau'u, Yesus Kristus.

Tingoýi 2:15

So'o gena ḏi'i ra ngini taninga sigolona 'age rema ngowa'a 'aḏi mete'e Nikolaus 'ai me-mete'e ma do-doto'o.