'Ibrani 1:2 - Jaji ma Su-sungi

² Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.

'Ibrani 1:2 Iomraidhean Croise

Matias 13:39

Re lawana ga'a siare gisisi 'usumu gena-ge 'Iblisi. 'Orasa 'utu'u gena-ge Kiamata ma Wangere, re ngowa'a gu-gutu'u gena-ge mala'ekata-mala'ekata.

Matias 17:5

Wakutu 'a Petrus 'o ka-kanau moju, kakamo lai tarangi ya'u sao ananga re toma kakamo gena-ge ma dara 'aḏi 'isene iḏingi ma betongo so'o ne: “Unanga nena-ne 'Ari Ngowa'a Nau'u ga'a Tu dadalara, Ngoi 'ari 'akala re sinyingara ma sanangi Ta sipa'ala ra Unanga. Ni 'isene Unanga!”

Matias 21:38

Mada'a wakutu ngowa-ngowa'a munara toma guḏa 'aḏi oḏi'i guḏa ma dutu 'ai ngowa'a nau'u 'o sapolo, ananga 'aḏi ma'u kanau matengo re matengo, ‘Unanga nena-ne 'o warisi ma gu-gu'u. Ino ngene wu sisengene unanga, la ngene wa sanga 'ai warisi!’

Matias 26:63

Mada'a Yesus pa'i 'o masiogoro ḇato. Soi moi moju 'imam 'agung 'o sano ra Yesus, “Ra Ma Jou'ongu Madutu ga'a 'ahu-'ahu, sikanau ino ra ngomi mode-mode'e Ngana nena-ne 'O Kristus, Ma Jou'ongu Madutu 'ai Ngowa'a Nau'u, bolo ua?”

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Matias 3:17

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Unanga nena-ne, 'Ari Ngowa'a Nau'u Ta dadalara, Ngoi 'ari 'akala re sinyingara ma sanangi Ta sipa'ala ra Unanga.”

Markus 1:1

Nena-ne Habari Roanga ma mulaingi mangale Yesus Kristus, Ma Jou'ongu Madutu 'ai Ngowa'a Nau'u.

Markus 12:6

'A guna moju guḏa ma dutu 'o siḏingoto? Ḏuga-ḏuga soi'i tala 'ai ngowa'a nau'u masiretene, ga'a 'a dadalara. Dadi, unanga 'o siḏingoto 'ai ngowa'a nau'u gena-ge 'o tagi toma ngowa-ngowa'a munara toma guḏa gena-ge. Unanga 'o fikiri so'o ne: ‘Tantu ḏua ngowa-ngowa'a munara toma guḏa, ananga 'aḏi silamo'o 'ai ngowa'a nau'u.’

Markus 12:7

Mada'a ngowa-ngowa'a munara toma guḏa 'aḏi ma'u kanau matengo re matengo, ‘Unanga nena-ne 'o warisi ma gu-gu'u. Ino ngene wu sisengene unanga, la ngene wa sanga 'ai warisi!’

Yohanes 1:10

Unanga gena-ge ro sapolo re tegoro toma dungia nena-ne ga'a Unanga 'a sidadi. Mada'a ngowa'a 'aḏi tegoro toma dungia nena-ne 'aḏi oḏu'u dawongo Unanga.

Yohanes 1:14

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Yohanes 1:3

Ma Jou'ongu Madutu 'o pake Unanga gena-ge di'a 'O sidadi 'oru ḇato mo-moini. 'Ori i'a rimoi mai ua nga'unu 'i dadi, na'o Unanga ua.

Yohanes 13:3

Yesus ro waro mangale 'ai Ḇaḇa ro pula'a kuasa mo-moini ra Unanga. Unanga 'a waro ḏi'i mangale Unanga ro sapolo ra Ma Jou'ongu Madutu tala, re ḏuanga i'a 'o maḏibo ie ḏi'i ra Ma Jou'ongu Madutu.

Yohanes 13:32

Na'o ngowa'a 'aḏi silamo'o Ma Jou'ongu Madutu sababu 'oru ga'a 'i dadi ra Ngoi, Ma Jou'ongu Madutu masiretene 'o sijumu toma manusia mangale 'Ai Ngowa'a Nau'u 'Ai kuasa ma pari cua. Re Unanga 'a si'a'a capati so'o gena-ge.

Yohanes 15:15

Ngoi to si'aro'o ngini 'Ari budaka riwara, sababu budaka ya waro ua manga tuanga 'ai munara. Siḏibo ḏi'i ngini, Ngoi tini si'aro'o ḏagilomu, sababu 'oru ḇato ga'a Ngoi reto 'isene tari Ḇaḇa, reta siajele ḏua ra ngini.

Yohanes 16:15

Ba-banari mo-moini ma 'asala Tari Ḇaḇa gena-ge, re Ngoi reta waro ḏi'i. Ma sababu gena-ge Ngoi to kanau, 'oru ga'a Ma Ngagara 'Ofi-'Ofi 'i siajele ra ngini, gena-ge ma 'asala ra Ngoi.”

Yohanes 17:2

Baba reno pula'a kuasa Tani Ngowa'a Nau'u di'a 'O parenta ngowa'a mo-moini toma dungia nena-ne, la Unanga 'o pula'a 'ahu kasingado-ngadolo i'a toma ngowa'a mo-moini ga'a Reno pula'a ḏua ra Ngoi.

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

Yohanes 3:25

'A Yohanes 'ai me-mete'e nga muḏuo i'a 'aḏi ma'u tolabe reo ngowa'a Yahudi mangale sigofi mete'e 'agama ma 'atoranga, la 'aḏi najis ua.

Yohanes 5:26

Ma tero sa'olo 'Ari Ḇaḇa masiretene 'o dadi 'ahu ma cimi, so'o gena ḏi'i, Ngoi, 'Ai Ngowa'a Nau'u masiretene, To dadi 'ahu ma cimi ḏi'i, sababu Unanga ro pula'a 'Ai kuasa ra Ngoi.

Yohanes 5:27

Re ḏi'i, Unanga ro pula'a ḏua 'Ai kuasa ra Ngoi, 'Ai Ngowa'a Nau'u, di'a sijuruhakimi manusia, sababu Ngoi Manusia Ma Ngowa'a Nau'u.

Yohanes 9:29

Ngomi ma waro mangale Ma Jou'ongu Madutu ro kanau ra Musa. Mada'a Unanga gena-ge ngomi mi waro ua 'Ai 'asala le'a ino.”

Yesus 'ai so-soma'a 10:36

Ioronongoḏu ngowa'a Yahudi, ngini ni waro ḏua mangale Ma Jou'ongu Madutu 'ai habari 'i singadolo toma bangsa Israel. Habari Roanga gena-ge mangale ma duhu sa'olo ngowa-ngowa'a nyengara sanga dame ra Ma Jou'ongu Madutu tala sababu Yesus Kristus ga'a 'Ai kuasa toma ngowa'a mo-moini: bae ngowa'a Yahudi bae ngowa'a Yahudi ua.

Yesus 'ai so-soma'a 2:17

Ma Jou'ongu Madutu 'o kanau, ‘Wakutu Kiamata ma Wangere 'i ngadolo nyangu, Ngoi ḏuanga i'a to siḏingoto Ma Ngagara 'Ofi-'Ofi di'a ngowa'a mo-moini, Ninga ngowa-ngowa'a, bae ngowa'a nau'u bae ngowa'a were'a ḏuanga i'a 'aḏi siajele 'Ari habari. Ngowa'a tubaie ḏuanga i'a 'aḏi sanga tingoḏi'i ra Ngoi, Ngowa'a bi-biri'i ḏuanga i'a 'aḏi sanga nanele ra Ngoi.

Roma 1:4

Mada'a mete'e Ma Ngagara 'Ofi-'Ofi, Unanga gena-ge Ma Jou'ongu Madutu 'ai Ngowa'a Nau'u. Ma Jou'ongu Madutu 'o sijumu rai kuasa rema pari cua mangale Yesus Unanga 'Ai Ngowa'a Nau'u wakutu Ma Jou'ongu Madutu dadunu 'o si'ahu nanga Jou Yesus Kristus toma ngowa'a senge-sengene manga sigolona.

Roma 8:17

Re sababu ngene Unanga 'ai ngowa-ngowa'a, tantu ḏua ḏuanga i'a ngene wo sanga warisi ga'a Unanga 'o sidodahe di'a 'Ai ngowa-ngowa'a. Re ngene ḏuanga i'a sanga warisi gena-ge mamete'e ra Kristus. Sababu toma dungia nena-ne ngene wo sanga sikisa ma tero sa'olo Kristus, dadi ḏuanga i'a ngene wo sanga 'Ai mulia ma balangu ḏi'i.

1 Korintus 2:7

Ngomi mi kanau mangale 'akala soro'unu da'u ra Ma Jou'ongu Madutu tala, ga'a 'ua re 'au wali manusia ya waro ua. Mada'a dungia 'i dadi nyangu, Ma Jou'ongu Madutu ra sidodahe pasala ḏua, la ngene sanga barakati kasingado-ngadolo i'a.

1 Korintus 8:6

Mada'a ra ngene, Ma Jou'ongu Madutu pa'i matengo ḇato, Unanga ngene nanga Ḇaḇa, ga'a 'O sidadi ḏua 'ori i'a mo-moini re ngene wo 'ahu di'a Unanga. 'Age Ma Jou pa'i matengo ḇato, Unanga gena-ge Yesus Kristus. Ma Jou'ongu Madutu 'o pula'a kuasa ra Unanga gena-ge, la 'O sidadi 'ori i'a mo-moini re ngene ḏi'i wo 'ahu sababu Unanga gena-ge.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.

Efesus 1:10

Ma Jou'ongu Madutu, Unanga 'ai maksudu so'o ne: Ma 'orasa 'i ngadolo ḏua mete'e Unanga 'ai mau, 'ori i'a mo-moini, bae toma dungia bae toma soroga, ḏuanga i'a mo-moini gena-ge 'i marimoi ra Kristus re Unanga 'a parenta.

Efesus 3:9

Re Unanga ḏi'i 'o siwatasa munara ra ngoi di'a to sitarangi rahasia gena-ge. Dadi ngowa'a mo-moini ya waro ma duhu sa'olo Ma Jou'ongu Madutu 'a siḏagi 'Ai maksudu ma rahasia gena-ge ga'a 'ua re 'au wali moju matengo i'a mai ua 'a waro. Unanga gena-ge 'O sidadi diwanga re dungia re ma dara mo-moini.

'Ibrani 1:5

Soi moi nyangu Ma Jou'ongu Madutu 'o kanau Tai mala'ekata matengo so'o ne: “Ngana nena-ne Ngoi 'ari Ngowa'a Nau'u; toma wangere nange-ne, Ngoi to dadi Ngana 'ani Ḇaḇa.” Re soi moi nyangu ḏi'i Ma Jou'ongu Madutu 'o kanau Tai mala'ekata ma lelegu so'o ne: “Ngoi ḏuanga i'a to dadi Unanga 'ai Ḇaḇa, re Unanga ḏuanga i'a 'o dadi Ngoi 'ari Ngowa'a Nau'u.”

'Ibrani 1:8

Mada'a tai Ngowa'a Nau'u, Ma Jou'ongu Madutu 'o kanau so'o ne: “Ngana ga'a ma tero Ma Jou'ongu Madutu, 'Ani Pareta kasingado-ngadolo i'a, Ngana 'ani pamarenta 'i 'adili.

'Ibrani 11:3

Sababu nanga ngo-ngaku, ngene wa waro mangale dungia nena-ne Ma Jou'ongu Madutu 'o sidadi 'o pake 'Ai 'Idini ḇato. Dadi 'oru ga'a ngene wa oḏi'i, 'i dadi toma 'oru ga'a ngene wa oḏi'i ua.

'Ibrani 2:3

Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 3:6

Mada'a Yesus sa'olo Ma Jou'ongu Madutu 'ai Ngowa'a Nau'u 'o cufala parenta ra Ma Jou'ongu Madutu 'ai Wala — gena-ge ma ngale: Ma Jou'ongu Madutu 'ai ngitu re ngale. Re ngene nena-ne wo osama nyo-nyoimi ra Unanga 'ai ngitu re ngale. Mada'a pa'i na'o ngene wo macako'o namo-namoto tananga ngo-ngaku re wo masinganono tau-taunu mangale 'oru ga'a ḏuanga i'a Ma Jou'ongu Madutu 'o pula'a ra ngene.

'Ibrani 4:14

Ngene nanga 'Imam 'Agung La-lamo'o ga'a ro pere sie toma soroga singadolo osama talaḏi ra Ma Jou'ongu Madutu 'ai biono, Unanga gena-ge Yesus, Ma Jou'ongu Madutu 'ai Ngowa'a Nau'u. Sababu gena-ge, ngene balasu macako'o namo-namoto tananga ngo-ngaku re matogumu awa kanau 'oru ga'a wo ngaku.

'Ibrani 5:8

Kalaha Yesus Ma Jou'ongu Madutu 'ai Ngowa'a Nau'u, Unanga 'o madoto'o ta'aloko sababu Unanga sanga sikisa.

'Ibrani 7:28

Ngowa'a ga'a 'aḏi dadi 'imam 'agung mete'e Musa 'ai hukumu, ananga gena-ge ngowa'a lamahana ga'a 'aḏi matogumu yoḏu'u 'a'a ḏosa. Mada'a wakutu Musa 'ai hukumu togumu i'a, Ma Jou'ongu Madutu si'a'a jaji ma su-sungi reo sasi mangale ḏuanga i'a Unanga 'o tede 'Ai Ngowa'a Nau'u dadi 'Imam 'Agung. Yesus gena-ge 'Imam 'Agung ti-tiai kasingado-ngadolo i'a ga'a si'a'a ngowa'a dadi 'ofi-'ofi ra Ma Jou'ongu Madutu 'ai momina.

'Ibrani 7:3

Matengo i'a mai ua ya waro 'a Melkisedek 'ai ḇaḇa re ngina, bolo 'ai ete re dotumu, bolo 'ai buoro re sengene ma 'orasa. Unanga ma tero sa'olo Ma Jou'ongu Madutu 'ai Ngowa'a Nau'u sababu Melkisedek 'o dadi 'imam kasingado-ngadolo i'a.

'Ibrani 9:26

Na'o Kristus ro mete'e 'imam 'agung gena-ge manga munara, ma musungu ma jelele i'a Unanga 'o basono sangisara, ma mulaingi toma 'orasa dungia 'i dadi singadolo nange-ne! Mada'a nange-ne, 'orasa nena-ne ga'a 'i co-cori toma kiamata ma 'orasa, Unanga 'o sapolo pa'i soi moi ḇato di'a 'a singi-ngiranga ngene nanga ḏosa Rai lese masiretene ga'a 'i dadi jou-jou.

1 Petrus 1:20

Wakutu dungia ne 'i dadi nyangu, Ma Jou'ongu Madutu 'o cumutu Kristus di'a 'O sibebasa ngini. Mada'a Unanga ro sapolo toma 'orasa nena-ne wakutu Kiamata ma Wangere sa'i ri ngadolo.

2 Petrus 3:3

Ma siḏa-siḏa, ngini balasu na sahe mangale Kiamata ma Wangere. Wakutu wangere gena-ge ri co-cori, ngowa'a ga'a manga 'ahu romanga reo dungia ma nyafusu 'aḏi sapolo. Ananga ḏuanga i'a 'aḏi je-jengere ngini.

Yudas 1:18

Ananga reya siajele ra ngini, “Na'o co-cori 'orasa ma ḏo-ḏogumu, ngowa-ngowa'a 'aḏi sapolo sije-jengere ninga ngo-ngaku. Ngowa'a gena-ge manga 'ahu pa'i mete'e manga nyafusu ma jira masiretene.”