'Ibrani 1:14 - Jaji ma Su-sungi

¹⁴ Na'o so'o gena-ge, mala'ekata-mala'ekata gena-ge 'o 'oru?! Ananga gena-ge roh-roh ga'a 'i de-de'oso Ma Jou'ongu Madutu re 'i riono ngowa-ngowa'a ga'a ḏuanga i'a 'aḏi dawongo salamata.

'Ibrani 1:14 Iomraidhean Croise

Matias 1:20

Wakutu 'a Yusuf 'o matakasiri hali gena-ge, unanga 'o nanele. Tai nanele ma dara, unanga 'o oḏi'i Ma Jou'ongu Madutu 'ai mala'ekata matengo ga'a 'o kanau ra unanga ma betongo so'o ne: “Yusuf, 'Olana Daud 'ai ju'uda, mojongo awa molo'ara ngo Maria, sababu 'ami la'ekata tami po'olo gena-ge ma dara 'i dadi mete'e Ma Ngagara 'Ofi-'Ofi ma kuasa.

Matias 13:41

Ngoi, Manusia ma Ngowa'a Nau'u ḏuanga i'a To soma'a 'Ari mala'ekata-mala'ekata 'aḏi tagi re 'aḏi lomu Tari 'umata ma sigolona ngowa'a mo-moini ga'a sigasa ngowa'a 'aḏi eta'a toma ḏosa re ma lelegu ga'a 'aḏi 'a'a kajahatana.

Matias 18:10

“Awa si'u'ua ngowa'a ma pake ua ga'a raḏi ngaku Ngoi, ananga gena-ge ma tero sa'olo ngowa 'olo nena-ne. Sababu Ngoi to siajele ra ngini nena-ne: Mala'ekata-mala'ekata ga'a 'aḏi jaga ngowa 'olo gena-ge, 'age tau-taunu toma soroga ra Ma Jou'ongu Madutu 'ai momina. [

Matias 2:13

Wakutu ngowa'a Majus 'aḏi maḏibo pasala i'a, Ma Jou'ongu Madutu 'ai mala'ekata 'o waiti ra Yusuf tai nanele ma dara re 'o kanau so'o ne: “Yusuf! 'Olana Herodes 'o disa ngowa 'olo di'a 'o sisengene Unanga. Sababu gena-ge, momi'i re no tagi, gasa ngowa 'olo gena-ge re 'Ai ngina, re ni masilalo'o toma nagara Mesir. Tegoro 'age singadolo ḏuanga i'a Ngoi dadunu tini siajele ni maḏibo.”

Matias 24:31

Gena ḏua, ngowa-ngowa'a 'aḏi isene terompet ma iḏingi lai siḏi. Ḏua Ngoi, Manusia ma Ngowa'a Nau'u, To soma'a 'Ari mala'ekata-mala'ekata 'aḏi lomu 'Ari 'umata ga'a Ma Jou'ongu Madutu ya'u cumutu ḏua toma dungia ḇuḇuku rata, toma diwanga ma didiki singadolo toma diwanga ma didiki.”

Matias 25:34

Togumu i'a, Ngoi 'Olana gena-ge, to kanau toma ngowa-ngowa'a Tari giama ma kuwiḏa, ‘Ino, ngini mo-moini ga'a 'Ari Ḇaḇa renu sibarakati. Ni osama toma Soroga ma Pareta ga'a Ngoi ta sidodahe ḏua di'a ngini wakutu dungia 'i dadi nyangu.

Matias 4:11

Togumu i'a, 'Iblisi 'i sisoi'i tala 'a Yesus, re mala'ekata-mala'ekata 'aḏi sapolo di'a de-de'oso Unanga.

Markus 10:17

Wakutu Yesus 'a dowanga 'ai ḏo-ḏagi, 'age rema ngowa'a matengo 'o la-lalara ino re 'o maḏipolono ra Yesus re 'o sano, “Guru ga'a No la madutu, ngoi balasu to 'a'a sa'olo, la to sanga 'ahu kasingado-ngadolo i'a?”

Lukas 1:19

Mala'ekata gena-ge ya sangoro, “Ngoi ne Gabriel re to de-de'oso Ma Jou'ongu Madutu. Unanga gena-ge 'o soma'a ngoi di'a ta singadolo habari la-la gena-ge ra ngana.

Lukas 1:23

Zakaria 'o maḏibo tai wala wakutu unanga 'a siḏo-ḏogumu 'ai munara sa'olo 'imam 'o de-de'oso ra Ma Jou'ongu Madutu 'ai Wala ma dara.

Lukas 16:22

Pasala i'a, ngowa'a ma dinga'unu ua gena-ge 'o sengene, kara mala'ekata 'aḏi gasa toma sayanga ma ngi'i ra Abraham 'ai gagoro toma soroga. Ngowa'a rema-enanga gena-ge 'o sengene ḏi'i re 'u palihara.

Lukas 2:13

Kage-kage mala'ekata matengo 'o mamete'e reo mala'ekata lelegu ma repe, ananga 'aḏi puji re silamo'o Ma Jou'ongu Madutu, 'aḏi kanau,

Lukas 2:9

Kage-kage, Ma Jou'ongu Madutu 'ai mala'ekata matengo 'i masibaiti ra ananga re cahaya ra Ma Jou'ongu Madutu ino 'i 'erese ananga singadolo ananga matai mojongo.

Yesus 'ai so-soma'a 11:22

Jarita mangale 'ori i'a 'i dadi toma limau Antiokhia 'i ngadolo toma jama'ata Yerusalem. Dadi, ananga 'aḏi cumutu 'a Barnabas 'o tagi toma limau Antiokhia.

Yesus 'ai so-soma'a 12:23

Toma 'orasa gena-ge ḏua, Herodes sanga hukumu ra Ma Jou'ongu Madutu 'ai mala'ekata, sababu Herodes 'o sisanangi ananga 'aḏi silamo'o unanga ma tero sa'olo unanga 'o jou'ongu, mada'a 'o silamo'o Ma Jou'ongu Madutu 'ai lomanga ua. 'Ai hukumana gena-ge: Herodes 'ai po'olo ma dara 'i dadi romanga reo kolotidi singadolo 'o sengene.

Yesus 'ai so-soma'a 12:7

Kage-kage, Ma Jou'ongu Madutu 'ai mala'ekata matengo 'o made'oso ie sebanga i'a ra Petrus singadolo kamara gena-ge 'i romanga reo cahaya. Mala'ekata gena-ge 'u yowana singadolo 'a Petrus 'o kage re 'o kanau, “Hei, caiti no momi'i!” Toma 'orasa gena-ge ḏua, rate tai giama 'i palasara masiretene.

Yesus 'ai so-soma'a 13:2

Wakutu ananga 'aḏi silamo'o re siḏubuso Ma Jou'ongu Madutu re 'aḏi puasa, Ma Ngagara 'Ofi-'Ofi ya'u sigaraki manga 'akala re sinyingara, “Cumutu re siwola i'a 'a Barnabas re 'a Saulus di'a Ngoi, la ananga 'aḏi 'a'a munara ma'u mete'e sa'olo Ngoi ta sifato pasala ḏua.”

Yesus 'ai so-soma'a 16:26

Kage-kage wusu 'i dadi siḏi masala singadolo bui ma bangini mai elala. Dadi bui ma ngalana mo-moini 'i matai welanga re 'o lara ma rate matai palasara.

Yesus 'ai so-soma'a 27:23

'Au utu, Ma Jou'ongu Madutu ga'a ngoi to silamo'o re siḏubuso 'O soma'a 'Ai mala'ekata 'o sapolo ra ngoi.

Yesus 'ai so-soma'a 5:19

Mada'a ma lobi'i tala, Ma Jou'ongu Madutu 'ai mala'ekata matengo 'o welanga bui ma ngalana, re ya'u gasa sisupu ananga. Mala'ekata matengo gena-ge 'o kanau ra ananga,

Roma 11:14

Dadi na'o nyengara gari'a ngoi to sigo-goḏi 'ari ioronongoḏu ngowa'a Yahudi manga 'akala re sinyingara, la mamuni'a tamanga sigolona ḏuanga i'a sanga salamata ḏi'i.

Roma 13:6

Gena-ge ḏi'i 'alasana ngini balasu ni fangu balastengi, la pamarenta ma bi-biri'i nyengara 'aḏi siḏagi tau-taunu manga munara sa'olo Ma Jou'ongu Madutu 'ai falalomu.

Roma 15:16

to dadi Kristus Yesus 'ai falalomu di'a ngowa'a Yahudi ua. Re ngoi 'ari munara gena-ge ma tero sa'olo 'imam di'a to singadolo Habari Roanga ra Ma Jou'ongu Madutu tala, la ngowa'a Yahudi ua 'aḏi dadi ma tero sa'olo jou-jou rimoi ga'a Ma Jou'ongu Madutu nyengara 'o dawongo sababu Ma Ngagara 'Ofi-'Ofi 'i siwola i'a ananga gena-ge di'a Unanga.

Roma 15:27

Ngowa'a Yahudi ua toma daeraha gena-ge, ananga raḏi mafakati remanga 'akala re sinyingara sa-sanangi, di'a 'aḏi riono so'o gena-ge. Ma nyonyata ananga 'aḏi mabanyatoro 'ori i'a toma ngowa'a Yahudi, sababu ananga ngowa'a Yahudi ua 'aḏi sanga barakati ra Ma Jou'ongu Madutu tala mete'e 'Ai jaji toma ngowa'a Yahudi. Dadi gena-ge 'i patasa di'a ananga riono remanga 'ori i'a rana toma ngowa'a Yahudi ga'a ma dinga'unu ua.

Roma 8:17

Re sababu ngene Unanga 'ai ngowa-ngowa'a, tantu ḏua ḏuanga i'a ngene wo sanga warisi ga'a Unanga 'o sidodahe di'a 'Ai ngowa-ngowa'a. Re ngene ḏuanga i'a sanga warisi gena-ge mamete'e ra Kristus. Sababu toma dungia nena-ne ngene wo sanga sikisa ma tero sa'olo Kristus, dadi ḏuanga i'a ngene wo sanga 'Ai mulia ma balangu ḏi'i.

1 Korintus 1:21

Sababu manusia manga 'akala ma soro'unu, enanga sanga ua nana'o Ma Jou'ongu Madutu. Mada'a sababu Ma Jou'ongu Madutu 'ai 'akala ma soro'unu ma pari cua, Unanga gena-ge ro sitantukanga di'a 'O sisalamata ngowa'a ga'a raḏi ngaku 'Ai Habari Roanga. Habari Roanga gena-ge ngowa'a dungia 'aḏi ta'ajiri habari ma faeda 'i cua.

2 Korintus 9:12

Sababu ga'a ma la-la gena-ge, ngini na si'a'a pa'i sitotomo ananga manga paralu ḇato ua, mada'a 'i si'a'a ngowa'a repe 'aḏi sibere ie murasa ma la ra Ma Jou'ongu Madutu ḏi'i.

Galatia 3:29

Re sababu ngini ni marimoi ra Kristus, ngini reni dadi Abraham 'ai ju'uda. Dadi ngini ḏi'i ni dawongo 'oru ḇato ga'a Ma Jou'ongu Madutu 'a sijaji ra Abraham pasala ḏua.

Galatia 3:7

Sababu gena-ge, ngini ni sahe mode-mode'e mangale ngowa-ngowa'a 'aḏi sigare manga ngo-ngaku ra Ma Jou'ongu Madutu, ananga gena-ge 'aḏi dadi 'a Abraham 'ai ju'uda.

Galatia 3:9

'A Abraham 'o sigare 'ai ngo-ngaku ra Ma Jou'ongu Madutu, dadi unanga 'o sanga barakati. So'o gena ḏi'i, ngowa-ngowa'a 'aḏi sigare manga ngo-ngaku ra Ma Jou'ongu Madutu, ananga mo-moini sanga barakati mamete'e ra Abraham.

Efesus 3:6

Rahasia gena-ge so'o ne: Na'o ngowa'a Yahudi ua 'aḏi ngaku Habari Roanga, ananga gena-ge ḏi'i mamete'e reo ngowa'a Yahudi, ḏuanga i'a ya basono Ma Jou'ongu Madutu 'ai barakati ga'a 'ua re 'au wali moju 'O sidodahe ḏua di'a 'Ai 'umata. Re ngowa'a Yahudi ua gena-ge ḏi'i raḏi marimoi reo ngowa'a Yahudi re ananga mo-moini 'aḏi osama nyo-nyoimi ra Kristus Yesus 'ai lese. Sidogo ḏi'i, ngowa'a Yahudi ua gena-ge 'aḏi dawongo 'oru ḇato ga'a Ma Jou'ongu Madutu ro sijaji pasala ḏua di'a 'Ai 'umata sababu raḏi marimoi ra Kristus Yesus.

Filipi 2:17

Ngowa'a ḏa 'aḏi sisengene ngoi re 'ari ngaunu 'i dadi ma tero sa'olo 'anggur di'a jou-jou ra Ma Jou'ongu Madutu. 'Anggur di'a jou-jou gena-ge ga'a enanga ya siajala toma jou-jou haiwani ma re'u. Haiwani di'a jou-jou gena-ge ma tero sa'olo ninga munara di'a Ma Jou'ongu Madutu sababu ngini ninga ngo-ngaku. Na'o 'i dadi so'o gena, ngoi to sibere ie 'ari 'akala re sinyingara re to maroanga mamete'e ra ngini.

Filipi 2:25

Ngoi reto sitantukanga soma'a Epafroditus 'o maḏibo i'a ra ngini. Unanga gena-ge nanga ioronongoḏu ngo-ngaku rimoi ga'a ngini siḏingoto, la 'o riono ngoi. Unanga 'o mamete'e ra ngoi re 'o riono ngoi tari munara ma dara ma tero sa'olo sordado matengo 'o ḏagilomu ngoi di'a mi parangi

2 Tesalonika 1:7

'A guna ḇato reni sanga sangisara sababu reni mete'e Unanga, ngini gena-ge ni ma'u mete'e ra ngomi, ni sanga sangisara riwara. Gena-ge 'i dadi wakutu Ma Jou Yesus ḏuanga i'a 'o 'uci da'u soroga tala re 'O masijumu mamete'e Rai mala'ekata-mala'ekata ma kabasarana.

Titus 3:7

Ma Jou'ongu Madutu 'o 'a'a so'o gena-ge, la ngene nga'unu wo dadi ngowa'a kamanga sala ua Tai momina, sababu Yesus 'ai mura re dadalara. Re ḏi'i ngene nga'unu wo sanga 'ahu kasingado-ngadolo i'a ga'a ngene wo ngano-nganono.

'Ibrani 10:11

Yahudi manga 'imam mo-moini 'aḏi te'oso di'a siḏagi manga munara sa'olo 'imam wange moi-wange moi ya sigasa da-dadunu manga jou-jou ma tero. Mada'a jou-jou gena-ge 'i singi-ngiranga 'o ḏosa yoḏu'u.

'Ibrani 2:3

Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.

'Ibrani 6:12

Awa ngini ni dadi sa'olo ngowa'a pamalasa. Siḏibo ḏi'i ngomi mau ngini ni mete'e re ni cuḏuḏu'u ngowa'a ga'a raḏi ngaku Ma Jou'ongu Madutu re raḏi totoma remanga 'akala ḇanyo. Sababu gena-ge, ananga gena-ge raḏi sanga warisi ga'a Unanga ro sijaji.

'Ibrani 6:17

Ma Jou'ongu Madutu mau 'A site'e 'Ai jaji toma ngowa'a ga'a ḏuanga i'a 'aḏi sanga 'Ai jaji, la ananga gena-ge 'aḏi waro mode-mode'e Unanga 'a singali 'ai jaji ua. Sababu gena-ge Unanga 'o jaji re 'O tede sasi.

'Ibrani 8:6

Mada'a nange-ne Yesus 'ai munara lebe mulia reo 'imam-'imam gena-ge manga munara. Sababu Yesus 'o dadi lese to golona di'a jaji ma su-sungi ga'a lebe mulia reo jaji ma siḏa. Re Sababu wakutu Ma Jou'ongu Madutu 'o pula'a jaji ma su-sungi gena-ge, Unanga 'o sijaji 'ori i'a lebe mulia di'a ngene reo 'ori i'a toma jaji ma siḏa.

'Ibrani 9:28

So'o gena ḏi'i, Kristus ro sidoa'a 'Ai lese masiretene soi moi ḇato sa'olo jou-jou ra Ma Jou'ongu Madutu, la 'O singi-ngiranga ngowa'a repe manga ḏosa. Re ḏuanga i'a Unanga dadunu 'o sapolo moju ma soi ḏiḏi, Unanga 'o singi-ngiranga ḏosa riwara, mada'a 'O gasa salamata di'a ngowa'a ga'a 'aḏi totoma Unanga.

Yakobus 2:5

'Ari ioronongoḏu ngo-ngaku rimoi ga'a ngoi tini dadalara. 'Elingi, ngowa'a ma dinga'unu ua toma dungia, Ma Jou'ongu Madutu ya'u cumutu dadi ngowa'a rema-enanga toma ngo-ngaku ma dara. Ngowa'a gena-ge, ḏuanga i'a 'aḏi sanga bara'utungu ra Ma Jou'ongu Madutu 'ai Pareta ma tero sa'olo 'O sijaji pasala ḏua ra guna ḇato 'aḏi dadalara Unanga.

1 Petrus 1:12

Ma Jou'ongu Madutu ro sijumu toma nabi-nabi mangale salamata ra Kristus gena-ge di'a ananga toma 'orasa gena-ge ua, mada'a di'a ngini 'orasa nange-ne. Sababu gena-ge Ma Jou'ongu Madutu 'o siḏingoto Ma Ngagara 'Ofi-'Ofi da'u soroga tala di'a sinyanyasele ngowa-ngowa'a ga'a singadolo Habari Roanga ra ngini mangale salamata ra Kristus, la ngini ni sanga salamata. Mala'ekata-mala'ekata mai ya nyafusu ḏi'i mau ya sahe mangale salamata ra Kristus gena-ge.

1 Petrus 1:4

Sababu ngene renanga ngo-nganono mode-mode'e, ngene wa waro mangale ngene ḏuanga i'a wo sanga warisi ga'a Ma Jou'ongu Madutu ra sidodahe di'a 'Ai 'umata toma soroga. Warisi gena-ge kama iranga ua, enanga 'i 'ofi-'ofi kama sorumu ua sababu warisi gena-ge ma ngi'i da'u toma soroga.

1 Petrus 3:7

So'o gena ḏi'i ngini nau'u-nau'u: Ngini balasu ni 'ahu marimoi taninga were'a mete'e wo-waro so'o ne: Ananga manga de-de'e ma tero ua ra ngini ninga de-de'e re ḏi'i Ma Jou'ongu Madutu 'o pula'a 'ahu kasingado-ngadolo i'a ra ananga ma tero ngini. Sababu gena-ge, nau'u-nau'u ngini balasu ni silamo'o ninga were'a. Ngini balasu ni si'a'a so'o gena, la wakutu ngini ni manyiata ra Ma Jou'ongu Madutu ninga nyiata 'i sanga dola'aku ua.

Yudas 1:14

'Ua re 'au wali, Henokh, a Adam 'ai ju'uda nani tumudingi tala, unanga ra sinubuata mangale ngowa-ngowa'a gena-ge. Unanga 'o kanau, “Oḏi'i, Ma Jou ḏuanga i'a 'o sapolo Rai mala'ekata 'ofi-'ofi rema cala-cala,

Tingoýi 5:6

Gena ḏua, ngoi to oḏi'i Doba ma Ngowa rimoi 'i te'oso co-cori ra ma 'Olana 'ai ḏe-ḏegoro ma gagoro, makhluk rata re bi-biri'i—bi-biri'i mo-moini ananga gena-ge ya sigoloḏi Enanga. Doba ma Ngowa gena-ge 'age ma ḇokeke ga'a 'i sijumu ngowa'a ya tola'a ḏua. Enanga ma tadu'u ngai tumudingi re ma la'o ngai tumudingi ḏi'i. Ma la'o ngai tumudingi gena-ge ma ngale Ma Jou'ongu Madutu 'ai Roh tumudingi, ga'a Unanga 'a 'utusu ḏua toma dungia sitabi donga.