'Ibrani 1:1 - Jaji ma Su-sungi

¹ 'Ua re 'au wali moju Ma Jou'ongu Madutu 'o pake nabi-nabi di'a 'O kanau ra ngene nanga ete re dotumu. Soi rai o'o i'a, Unanga 'o kanau toma nabi-nabi 'O pake ma duhu ma fara muḏuo i'a.

'Ibrani 1:1 Iomraidhean Croise

Lukas 1:55

Ma Jou'ongu Madutu 'a sidaioranga ua 'Ai jaji. Unanga 'a sijumu 'Ai dadalara ra Abraham re 'ai ju'uda nena re si'a singado-ngadolo i'a.”

Lukas 1:72

di'a 'a sijumu 'Ai dadalara tananga ete re dotumu 'ua re 'au wali re 'a sitotomo 'Ai jaji 'ofi-'ofi ga'a Unanga 'o sipula'a ra ananga gena-ge.

Lukas 24:27

Gena ḏua, Yesus 'a sitarangi ra ananga 'oru ga'a silefo ḏua toma Boku 'Ofi-'Ofi ma dara mangale Unanga masiretene; mulaingi ra Musa 'ai boku-boku re nabi-nabi mo-moini manga boku.

Lukas 24:44

Togumu i'a, Unanga 'o kanau ra ananga, “Wakutu Ngoi to marimoi ra ngini moju, Ngoi ta siajele ḏua ra ngini: Mo-moini mangale Ngoi ga'a 'i silefo ḏua ra Musa re toma nabi-nabi manga boku re toma Mazmur ma dara; gena-ge balasu 'i dadi.”

Yohanes 16:13

Mada'a wakutu Ma Ngagara 'Ofi-'Ofi 'i sapolo, Enanga 'i sigasa wo-waro mangale do-doto'o banari mo-moini ra Ma Jou'ongu Madutu tala. Enanga gena-ge 'I kanau ua mete'e Enanga masiretene ma mau. Mada'a Enanga pa'i 'I kanau ḇato 'oru ga'a Ri 'isene ra Ma Jou'ongu Madutu ino, re Ri siajele ra ngini 'oru ga'a 'i dadi toma biono i'a.

Yohanes 7:22

Mada'a ngini masiretene ni munara toma Sabata ma Wangere wakutu ni suna ninga ngowa'a. Musa 'o pula'a 'atoranga mangale ngini balasu ni suna ninga ngowa-ngowa'a. (Ma nyonyata 'atoranga gena-ge ma 'asala ra Musa ua, mada'a ma 'asala tamanga ete re dotumu wakutu 'a Musa 'o cua moju.) Dadi sababu 'atoranga gena-ge na'o ngini balasu ni suna ninga ngowa'a toma Sabata ma wangere, ngini ni siḏagi suna ma 'atoranga toma wangere gena-ge!

Yohanes 9:29

Ngomi ma waro mangale Ma Jou'ongu Madutu ro kanau ra Musa. Mada'a Unanga gena-ge ngomi mi waro ua 'Ai 'asala le'a ino.”

Yesus 'ai so-soma'a 13:32

Sababu gena-ge, ngomi mi siajele Habari Roanga ra ngini ga'a Ma Jou'ongu Madutu 'a sijaji pasala ḏua tananga ete re dotumu: Ma Jou'ongu Madutu 'o 'utusu Salamata ma Cimi di'a 'O sisalamata ngowa-ngowa'a.

Yesus 'ai so-soma'a 2:30

Daud 'o dadi nabi re unanga waro ḏua mangale Ma Jou'ongu Madutu 'ai jaji pasala ḏua. Ma Jou'ongu Madutu 'o jaji re 'o masisasi pasala ḏua ra unanga gena-ge so'o ne: Ḏuanga i'a ra 'Olana Daud 'ai ju'uda ino, 'age rema ngowa'a matengo Ma Jou'ongu Madutu 'o sitede unanga 'o dadi 'olana.

Yesus 'ai so-soma'a 28:23

Ḏua Paulus re ananga ya sitantukanga toma wangere rimoi ananga ma'u sanga. Toma wangere gena-ge, ngowa'a repe matai sapolo ra Paulus 'ai ngi'i. Da-daini i'a moju singadolo wangere so'o ne'o, Paulus 'a singadolo re 'a sitarangi ra ananga mangale Ma Jou'ongu Madutu 'ai Pareta. Unanga 'o pake 'a Musa re nabi-nabi manga boku ma bu-bula'a, la ananga 'aḏi ngaku Yesus sa'olo 'O Mesias.

Yesus 'ai so-soma'a 3:21

Unanga balasu 'o tegoro da'u toma soroga moju singadolo Ma Jou'ongu Madutu 'o sidadi 'ori i'a mo-moini 'i dadi su-sungi 'i ma tero sa'olo 'au wali nabi-nabi ya siajele pasala ḏua.

'Ibrani 11:2

'Ua re 'au wali Ma Jou'ongu Madutu ro sisanangi renanga ete re dotumu sababu manga ngo-ngaku,

'Ibrani 12:25

Sababu gena-ge, ngini balasu ni ma'istiari ino, awa ni dawongo ua Ma Jou'ongu Madutu 'ai demo. 'Ua re 'au wali, toma dungia ananga ga'a 'aḏi dawongo ua Musa 'ai demo ra Ma Jou'ongu Madutu tala, raḏi sanga hukumu. Tantu ḏua hukumu lebe ḏubuso na'o ngene ḏi'i wo dawongo ua Unanga 'ai demo, Unanga gena-ge ga'a 'o kanau toma soroga!

'Ibrani 2:2

'Ua re 'au wali mala'ekata-mala'ekata ro singadolo 'a Musa 'ai hukumu ga'a banari ra ngene nanga ete re dotumu. Re ngowa-ngowa'a ga'a ya mete'e ua re siḏagi ua, ananga sanga hukumu ma'u pasi reo ananga manga ga'a.

'Ibrani 2:3

Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 3:5

Musa 'o cufala de-de'oso Ma Jou'ongu Madutu 'ai ngitu re ngale ma tero sa'olo falalomu 'o cufala de-de'oso tai tuanga 'ai wala. Re Musa 'o singadolo 'oru ḇato ga'a Ma Jou'ongu Madutu 'a siajele toma bio-biono i'a.

'Ibrani 4:8

'Ua re 'au wali, 'a Yosua 'o sigasa ngowa-ngowa'a Israel re singosama toma daeraha Kana'an. Na'o daeraha Kana'an ma tero sa'olo ngo-ngomasa ma ngi'i, Ma Jou'ongu Madutu 'o kanau riwara mangale wangere ma lelegu.

'Ibrani 5:5

So'o gena ḏi'i Kristus, wakutu Unanga 'o dadi 'Imam 'Agung, Unanga 'a sitede 'ai diri masiretene ua, mada'a Ma Jou'ongu Madutu 'U tede Unanga. Re Ma Jou'ongu Madutu 'o kanau ra Unanga, “Ngana nena-ne 'Ari Ngowa'a Nau'u, toma wangere nange-ne Ngoi to dadi Ngana 'Ani Ḇaḇa.”

'Ibrani 9:19

Dadi wakutu 'a Musa 'o singadolo Ma Jou'ongu Madutu 'ai parenta mo-moini toma bangsa Israel togumu i'a unanga 'o 'oro sapi ma ngowa ma ngaunu re 'abingi ma nau'u ma ngaunu, kara 'a sicapuru reo ḇanyo. Togumu gena-ge, unanga 'o 'oro rurubu-rurubu hisop ga'a 'i piri'u reo doba ma gogo ko-kolili, kara 'a tono toma ngaunu gena-ge ga'a ra capuru reo ḇanyo, kara 'a siji-jiri toma ngowa'a Israel re ḏi'i kartasi lo-lolo ga'a ri silefo hukumu ra Ma Jou'ongu Madutu tala.