Filipi 4:9 - Jaji ma Su-sungi

⁹ 'Oru ḇato ngoi tunu doto'o re ga'a ngini reni sanga ra ngoi: bae ra ngoi 'ari demo re ganau, bolo 'ari de'oso re ḏegoro — mo-moini gena-ge na siḏagi! Ḏua Ma Jou'ongu Madutu ga'a 'o pula'a 'Ai dame ra ngini, ḏuanga i'a 'O sieanga i'a ngini ua.

Filipi 4:9 Iomraidhean Croise

Matias 1:23

“We-were'a matengo mo waro nau'u nyangu, ḏuanga i'a 'ami po'olo tegoro, re mo sibuoro ngowa nau'u matengo. Ngowa kiau gena-ge ḏuanga i'a silomanga Imanuel” — ga'a ma ngale: Ma Jou'ongu Madutu mamete'e ra ngene.

Matias 28:20

Re ni doto'o 'Ari me-mete'e gena-ge di'a 'aḏi 'ahu mete'e 'Ari parenta mo-moini ga'a Ngoi reta siajele pasala ḏua ra ngini. Re 'elingi nena-ne: Ngoi ḏuanga i'a tini sieanga i'a ua ngini, singadolo dungia nena-ne ma ḏo-ḏogumu.”

Matias 7:21

“Toma Kiamata ma Wangere, ngowa'a manga repe ḏuanga i'a 'aḏi 'aro'o Ngoi, ‘Ma Jou! Ma Jou!’ Mada'a ananga mo-moini ua 'aḏi osama nyo-nyoimi toma Soroga ma Pareta! Pa'i ngowa'a ga'a mete'e 'Ari Ḇaḇa 'ai mau, ananga gena-ge ḏuanga i'a 'aḏi sanga osama.

Lukas 6:46

I'a sa'olo ngini ni 'aro'o Ngoi, ‘Ma Jou! Ma Jou!’ Mada'a na si'a'a ua 'oru ga'a Ngoi to kanau ra ngini!

Lukas 8:21

Mada'a Yesus 'o sangoro ra ananga, “Ngowa-ngowa'a ga'a ya 'isene Ma Jou'ongu Madutu 'ai demo, re ya si'a'a, ananga gena-ge Ngoi 'ari ngina re 'Ari ioro re nongoḏu.”

Yohanes 13:17

Dadi nange-ne ngini rena waro 'Ari do-doto'o gena-ge. Sababu gena-ge na'o ngini na si'a'a, ngini ni sanga barakati ra Ma Jou'ongu Madutu tala.

Yohanes 15:14

Na'o ngini ni siḏagi 'Ari parenta taninga 'ahu, ngini ni dadi 'Ari ḏagilomu.

Yohanes 2:5

Mada'a Yesus 'ai ngina mo kanau i'a toma falalomu-falalomu, “ 'A'a ḇato 'oru ga'a Unanga 'o kanau ra ngini.”

Yesus 'ai so-soma'a 9:6

Mada'a nena-ne ḏua, no momi'i re no tagi osama toma limau. I'a da'a ngana na waro 'o 'oru ga'a ngana balasu na 'a'a.”

Roma 15:33

Ngoi to golo'o mangale Ma Jou'ongu Madutu ga'a pula'a dame, Unanga gena-ge 'o sieanga i'a ua ngini mo-moini. 'Amin.

Roma 16:20

Dadi Ma Jou'ongu Madutu ga'a pula'a dame Tai ngowa-ngowa'a, Unanga jau-jau 'o sita'aloko 'Iblisi singadolo Enanga 'i ta'aloko ra ngini. Ngoi to golo'o ra Ma Jou Yesus mangale 'Ai mura re dadalara sieanga i'a ngini ua.

1 Korintus 10:31

Dadi, 'oru ḇato ngini ni 'a'a - ni oromo bolo ni ka'e - ni si'a'a mo-moini, la ngowa'a 'aḏi silamo'o Ma Jou'ongu Madutu 'ai lomanga.

1 Korintus 14:33

Ma Jou'ongu Madutu 'o ḇusuru ninga lo-lomu 'i kaco, sababu Unanga 'O kaco ua. Mada'a Unanga 'o nyanyaḏi ninga lo-lomu 'i tagi toma la re rousu ma dara.

1 Korintus 4:16

Sababu gena-ge, ngoi to babata ngini ni mete'e re ni cuḏuḏu'u 'ari de'oso re ḏegoro

2 Korintus 13:11

Ioronongoḏu ngo-ngaku rimoi, ma ḏo-ḏogumu, ngini balasu ni maroanga re makutale ni dadi ngowa'a 'aḏi 'a'a 'oru ḇato mete'e tau-taunu Ma Jou'ongu Madutu 'ai 'akala ma mau, re na dawongo 'ari ajele mangale mo-moini. Ngini balasu ninga 'akala re sinyingara 'i dadi rimoi re ninga 'ahu balasu toma dame ma dara. Ma Jou'ongu Madutu ga'a 'o dadalara re dame ma cimi, Unanga ḏuanga i'a 'o sieanga i'a ngini ua.

Filipi 3:17

Ioronongoḏu ngo-ngaku rimoi ngini mo-moini, ngoi reto sijumu de'oso re ḏegoro ga'a 'i banari ra ngini, ngini balasu na cuḏuḏu'u de'oso re ḏegoro gena-ge. Sababu gena-ge, tailako la-la ino ngowa'a ga'a 'aḏi mete'e minga de'oso re ḏegoro gena-ge, la na cuḏuḏu'u.

Filipi 4:7

Ḏua dame ra Ma Jou'ongu Madutu, ga'a manusia 'aḏi sahe yoḏu'u, enanga ḏuanga i'a 'i kadiarata ninga 'akala re sinyingara sababu ngini reni marimoi ra Kristus Yesus.

1 Tesalonika 1:6

Sidogo ḏi'i, ngomi waro Ma Jou'ongu Madutu ro cumutu ḏua ngini sababu ninga 'ahu ma duhu 'i dadi ma tero sa'olo ngomi minga 'ahu ma duhu re Ma Jou Yesus 'ai 'ahu ma duhu, wakutu 'au nga'ene ngomi mi sanga sikisa ḏua. Ngini ni sanga sikisa sababu ngini reni ngaku Habari Roanga ga'a ngomi ma singadolo ḏua ra ngini. Kalaha so'o gena, ngini ninga 'akala re sinyingara 'i maroanga sababu Ma Ngagara 'Ofi-'Ofi ma munara.

1 Tesalonika 2:14

Ioronongoḏu ngo-ngaku rimoi, ngomi mi waro ḏua ngini ni dawongo habari gena-ge taninga 'akala re sinyingara ma dara sababu 'oru 'i dadi toma Yudea manga jama'ata ga'a 'i mete'e Yesus Kristus ma tero sa'olo 'i dadi ra ngini: Ngowa-ngowa'a Tesalonika, ga'a 'aḏi ngaku Yesus ua, 'aḏi sisikisa ngini ma tero sa'olo ngowa'a Yahudi 'aḏi sisikisa jama'ata toma daeraha Yudea.

1 Tesalonika 5:23

Ngomi manyiata ra Ma Jou'ongu Madutu, ga'a 'O sipula'a dame ra ngene, mangale Unanga masiretene 'O sidadi ngini mode-mode'e sa'olo 'Ai ngowa'a 'ofi-'ofi: bae ninga nyawa, ninga 'akala re sinyingara re ninga de'oso re ḏegoro kama rapu ua singadolo nanga Jou Yesus Kristus dadunu 'o sapolo moju.

2 Tesalonika 3:4

Sababu Ma Jou 'o riono ngini, ngomi mi ngaku mode-mode'e mangale ngini ni si'a'a ḏua re ḏuanga i'a ni si'a'a tau-taunu 'oru ḇato ga'a ngomi bererongo ra ngini.

2 Timotius 4:22

Ngoi to golo'o ra Ma Jou mangale Unanga 'o sieanga i'a ua ngana re 'Ai mura re dadalara sieanga i'a ua ngana ḏi'i.

Yakobus 1:22

Ngini balasu na mete'e Ma Jou'ongu Madutu 'ai demo, awa pa'i ni 'isene ḇato! Sababu na'o so'o gena, ngini ni masihaga ninga diri masiretene.

2 Petrus 1:10

Sababu gena-ge 'ari ioronongoḏu ngo-ngaku rimoi, ngini balasu ni makutale lebe siḏi i'a, la ninga de'oso re ḏegoro la-la gena-ge 'i dadi lebe te'e taninga 'ahu. Na'o so'o gena-ge 'i dadi didina'o rimoi ga'a sijumu mode-mode'e Ma Jou'ongu Madutu nu'u 'aro'o re Nu'u cumutu di'a ngini ni mete'e re ni dadi 'Ai ngowa-ngowa'a. Na'o ngini na si'a'a so'o gena, ninga ngo-ngaku kama elala ua.

1 Yohanes 3:22

Dadi 'oru ḇato ga'a ngene wo golo'o ra Unanga, ngene wa sanga, sababu ngene wa mete'e 'Ai parenta re wa sisanangi Unanga 'ai 'akala re sinyingara.