Filipi 4:7 - Jaji ma Su-sungi

⁷ Ḏua dame ra Ma Jou'ongu Madutu, ga'a manusia 'aḏi sahe yoḏu'u, enanga ḏuanga i'a 'i kadiarata ninga 'akala re sinyingara sababu ngini reni marimoi ra Kristus Yesus.

Filipi 4:7 Iomraidhean Croise

Lukas 1:79

la Unanga 'o pula'a tarangi toma ngowa'a mo-moini ga'a 'aḏi 'ahu toma hafu-hafu re 'aḏi mojongo sengene. Unanga 'o sinyanyasele ngene toma ngo'omo, la ngene sanga dame ra Unanga masiretene ino.”

Lukas 2:14

“Puji re silamo'o Ma Jou'ongu Madutu toma soroga, re dame toma dungia toma manusia ga'a Ma Jou'ongu Madutu ya'u sanangi.”

Yohanes 14:27

Ḏuanga i'a Ngoi 'Ari dame Ta sisoi'i tala ra ngini. Dame gena-ge ga'a Ngoi to pula'a ra ngini 'i ma tero ua reo ngowa-ngowa'a ga'a toma dungia nena-ne 'aḏi pula'a ra ngini. Awa ni mojongo re awa ninga 'akala re sinyingara 'i kangela.

Yohanes 16:33

Mo-moini gena-ge Ngoi to siajele ra ngini, la ngini ni basono tala dame taninga 'akala re sinyingara ma dara, sababu ni marimoi ra Ngoi. Toma dungia nena-ne ngini sanga sangisara. Mada'a ni site'e ninga 'akala re sinyingara: Ngoi reta singiranga dungia nena-ne ma kuasa!”

Roma 1:7

Toma ioronongoḏu ngo-ngaku rimoi mo-moini toma limau Roma, ga'a Ma Jou'ongu Madutu 'o dadalara, re ro 'aro'o ngini di'a ni dadi Unanga 'ai 'umata; ngoi to golo'o ra Ma Jou'ongu Madutu ngene nanga Baba, re Yesus Kristus nanga Jou mangale Ananga 'aḏi pula'a manga mura re dadalara, re dame ra ngini.

Roma 14:17

Sababu ra Ma Jou'ongu Madutu 'ai parenta ma dara, 'oru ga'a matengo i'a 'a oromo bolo 'a ka'e, gena-ge 'i la-lamo'o ua. Mada'a enanga ga'a lebe la-lamo'o ma re'u i'a so'o ne: Ngene balasu wo 'ahu sa'olo ngowa'a loasa re banari, re ngene wo ma'u dame matengo re matengo, re ḏi'i ngene balasu wo maroanga sababu Ma Ngagara 'Ofi-'Ofi taninga 'akala re sinyingara.

Roma 15:13

Ngoi to golo'o ra Ma Jou'ongu Madutu ga'a ninga ngo-nganono ma cimi, di'a nu siromanga taninga 'akala re sinyingara ma dara reo roanga re dame ti-tiai, ngini ga'a reni ngaku Unanga, la sababu Ma Ngagara 'Ofi-'Ofi ma kuasa, ninga ngo-nganono 'i ganapu te'e.

Roma 5:1

Sababu gena-ge, nange-ne ngene wo 'ahu dame ra Ma Jou'ongu Madutu sababu 'oru ga'a nanga Jou Yesus Kristus ra 'a'a di'a ngene. Gena-ge 'i dadi sababu ngene nanga ngo-ngaku ra Yesus Kristus, dadi ngene rewo dadi ngowa'a kamanga sala ua Tai momina.

Roma 8:6

Na'o ninga fikirana 'i mete'e manusia ma tabeata baraḏosa, ma ḏo-ḏogumu tala 'i sigasa ngini toma sengene kasingado-ngadolo i'a. Mada'a na'o ninga fikirana 'i mete'e Ma Ngagara 'Ofi-'Ofi ma mau, ma ḏo-ḏogumu tala sigasa ngini toma 'ahu mode-mode'e re ngini ninga 'ahu rema dame ra Ma Jou'ongu Madutu.

2 Korintus 10:5

Ngomi ma siruba ananga manga 'akala re sinyingara ma de-de'e re momole ga'a 'i sihaga ngowa'a re dola'aku ngowa'a 'aḏi nana'o Ma Jou'ongu Madutu. Gena-ge ma tero sa'olo sordado-sordado 'aḏi siwejere 'o hisa ga'a lai kapiringi. Re ngomi mi ngali ananga manga fikirana, ga'a 'au nga'ene 'aḏi dawongo Yesus ua, la ananga 'aḏi ta'aloko ra Kristus.

2 Korintus 13:11

Ioronongoḏu ngo-ngaku rimoi, ma ḏo-ḏogumu, ngini balasu ni maroanga re makutale ni dadi ngowa'a 'aḏi 'a'a 'oru ḇato mete'e tau-taunu Ma Jou'ongu Madutu 'ai 'akala ma mau, re na dawongo 'ari ajele mangale mo-moini. Ngini balasu ninga 'akala re sinyingara 'i dadi rimoi re ninga 'ahu balasu toma dame ma dara. Ma Jou'ongu Madutu ga'a 'o dadalara re dame ma cimi, Unanga ḏuanga i'a 'o sieanga i'a ngini ua.

Galatia 5:22

Siḏibo ḏi'i, ngowa-ngowa'a ga'a Ma Ngagara 'Ofi-'Ofi ya'u ḏegoro, ananga manga de'oso re ḏegoro so'o ne: Ananga gena-ge 'aḏi ma'u dadalara matengo re matengo, 'aḏi monere tamanga 'akala re sinyingara, 'akala ogoro, pake 'akala ḇanyo re ananga remanga sere 'i re go-gasa, ananga nyanyaḏi ma'u la-la reo ngowa-ngowa'a lelegu, jaji sa-sakala ua,

Efesus 3:19

'Ai dadalara gena-ge ngene wa du-dumunu yoḏu'u renanga 'akala. Kalaha so'o gena, ngoi to golo'o ra Ma Jou'ongu Madutu mangale ngini ni basono Kristus 'ai dadalara. Dadi ngini ninga 'akala re sinyingara 'i romanga reo Kristus 'ai dadalara di'a ngini, ma tero sa'olo Ma Jou'ongu Madutu 'o romanga reo dadalara.

Filipi 1:1

Surata ne ra ngoi Paulus, re Timotius ḏi'i, ngomi ga'a ta Kristus Yesus ma tero sa'olo 'Ai budaka. Ngomi mi siḏingoto surata nena-ne ra ngini ioronongoḏu ngo-ngaku rimoi mo-moini ga'a ni tegoro toma limau Filipi re reni marimoi ra Kristus Yesus, sidogo ḏi'i ioronongoḏu ngo-ngaku rimoi ga'a jama'ata ma bi-biri'i re jama'ata ma ri-riono:

Filipi 1:2

Ngomi mi golo'o ra Ma Jou'ongu Madutu nanga Ḇaḇa re Ma Jou Yesus Kristus di'a 'aḏi pula'a mura re dadalara re 'aḏi pula'a dame ḏi'i ra ngini mo-moini.

Filipi 4:19

Re 'ari Jou'ongu Madutu, Unanga ga'a kai kuranga 'oru ua. Unanga gena-ge ḏuanga i'a 'o pula'a 'oru ḇato ga'a ngini ni paralu sababu ni marimoi ra Kristus Yesus.

Filipi 4:21

Ngoi to singadolo 'ari tabea ra ngini, Ma Jou'ongu Madutu 'ai 'umata mo-moini ga'a marimoi ra Kristus Yesus. Re ioronongoḏu ngo-ngaku rimoi ga'a raḏi mamete'e ra ngoi 'ane-ne, ananga gena-ge 'aḏi singadolo manga tabea ḏi'i.

Filipi 4:9

'Oru ḇato ngoi tunu doto'o re ga'a ngini reni sanga ra ngoi: bae ra ngoi 'ari demo re ganau, bolo 'ari de'oso re ḏegoro — mo-moini gena-ge na siḏagi! Ḏua Ma Jou'ongu Madutu ga'a 'o pula'a 'Ai dame ra ngini, ḏuanga i'a 'O sieanga i'a ngini ua.

Kolose 3:15

Ma Jou'ongu Madutu 'o sirimoi ngini ma tero sa'olo lese rimoi ḇato re 'o 'aro'o ngini ni tegoro toma lese gena-ge matengo re matengo reninga dame tau-taunu. Sababu gena-ge, Kristus 'ai dame balasu 'i parenta taninga 'akala re sinyingara ma dara. Re ḏi'i ngini balasu ni sibere ie murasa ma la tau-taunu ra Ma Jou'ongu Madutu.

2 Tesalonika 3:16

Ma Jou Yesus Unanga ga'a dame ma cimi, ngoi to golo'o Unanga masiretene 'o pula'a dame ra ngini toma 'orasa re ngi'i le'a ḇato. Ngoi to golo'o Unanga 'o sieanga i'a awa ngini mo-moini.

'Ibrani 13:20

Ngoi to manyiata ra Ma Jou'ongu Madutu, Unanga 'o dame ma cimi ga'a dadunu 'o si'ahu moju Ma Jou Yesus. Unanga gena-ge ro dadi ngene nanga Sowohi La-lamo'o re ngene wo dadi 'Ai doba-doba sababu Tai se-sengene. Re ḏi'i Tai se-sengene gena-ge si'aku sah Ma Jou'ongu Madutu 'ai jaji ga'a kasingado-ngadolo i'a di'a ngene.

Yudas 1:1

Ioronongoḏu ngo-ngaku rimoi ngini ga'a sanga 'aro'o ḏua di'a ni dadi Ma Jou'ongu Madutu 'ai ngowa-ngowa'a. Ngini ga'a Ma Jou'ongu Madutu nu dadalara re nu kadiarata singadolo Yesus Kristus dadunu 'o sapolo moju. Ngoi, 'a Yudas ga'a ta Yesus Kristus ma tero sa'olo 'Ai budaka, re gia nongoḏu ra Yakobus,

Tingoýi 1:4

Ioronongoḏu ngo-ngaku rimoi toma jama'ata tumudingi toma daeraha Asia ma ngowa! Ngoi, Yohanes to golo'o ra Ma Jou'ongu Madutu mangale Unanga 'o pula'a 'Ai mura re dadalara re ḏi'i 'Ai dame ra ngini. Unanga ga'a 'age ḏua toma 'ua re 'au wali moju, nange-ne re kasingado-ngadolo i'a. Sidogo ḏi'i ngoi to golo'o toma Roh tumudingi re Yesus Kristus mangale, Ananga gena-ge 'aḏi pula'a mura re dadalara re dame ra ngini. Roh gena-ge da'u ra Ma Jou'ongu Madutu tala 'ai ḏe-ḏegoro ma biono.

Tingoýi 2:17

'A guna ḇato nga'unu 'o 'isene, balasu 'a totoho la-la ino 'oru ga'a Ma Ngagara 'Ofi-'Ofi 'i kanau toma jama'ata-jama'ata. 'A guna ḇato 'ai ngo-ngaku ra Ngoi kama elala ua singadolo 'o sengene, Ngoi to pula'a watasa oromo manna ga'a 'i gogono. Re Ngoi ḏi'i to pula'a maḏi bu-buḏo matengo ngai moi. Toma maḏi gena-ge 'i silefo lomanga su-sungi, matengo i'a mai ua ya waro, pa'i ngowa'a ga'a ya dawongo maḏi gena-ge, ananga gena-ge ya waro.”