Filipi 4:17 - Jaji ma Su-sungi

¹⁷ Ngoi 'ari maksudu ua, ngoi to nyafusu to dawongo ninga bu-bula'a! Mada'a ngoi to nyafusu Ma Jou'ongu Madutu 'o pula'a barakati 'i madogo-dogo ra ngini sababu ngini ni riono ngoi pasala ḏua.

Filipi 4:17 Iomraidhean Croise

Yohanes 15:16

Ngini nena-ne ni cumutu Ngoi ua. Siḏibo ḏi'i, Ngoi nena-ne reto cumutu ngini ḏua, re Tini 'utusu ni tagi, la ninga sowo'o lai repe, re enanga gena-ge sowo'o kasingado-ngadolo i'a. Dadi 'oru ḇato ga'a ngini golo'o Tari Ḇaḇa ni pake 'Ari lomanga, ngini ḏuanga i'a ni sanga.

Yohanes 15:8

Na'o ngini ninga sowo'o lai repe, 'Ari Ḇaḇa ngowa'a 'U silamo'o re ngini mode-mode'e ni dadi 'Ari me-mete'e.

Roma 15:28

Sababu gena-ge, si-siḏa ngoi balasu to siḏuanga 'ari munara gena-ge di'a to pula'a bu-bula'a ra ananga toma Yerusalem. Togumu i'a, ngoi to tagi toma Spanyol to tola'a i'a ngini ninga limau Roma.

2 Korintus 11:16

Ngoi dadunu to kanau soi moi moju: Awa matengo i'a 'o ta'ajiri ngoi sa'olo ngowa'a haga sababu ngoi to mahie 'ari diri so'o gena-ge. Mada'a na'o 'age mamuni'a 'aḏi aje ngoi ngowa'a haga, 'oru ua. Na'o nyengara gari'a ni pula'a donga ra ngoi, ngowa'a haga nena-ne, di'a to mahie 'ari diri ceka'a ua.

2 Korintus 9:5

Ma sababu gena-ge, ngoi ta basono tala paralu madutu ta'u siḏingoto ananga siḏa di'a 'aḏi 'urusu lomu ninga bu-bula'a ga'a ngini reni sijaji ḏua. Ngoi to 'a'a so'o gena, la wakutu ḏuanga i'a ngoi to sapolo ninga bu-bula'a lamo'o 'i ḏu-ḏuanga ḏua. Gena-ge 'i dadi didina'o rimoi mangale ngini ni pula'a ninga 'akala re sinyingara sa-sanangi, kama simau-mau ua.

Filipi 1:11

Re ḏi'i mangale ninga 'ahu ma duhu enanga 'i romanga reo de'oso re ḏegoro ma la-la ga'a pa'i sababu Yesus Kristus masiretene 'ai kuasa ḇato. Dadi ngowa'a ḏuanga i'a 'aḏi simulia re 'aḏi puji re silamo'o Ma Jou'ongu Madutu.

Filipi 4:11

Ngoi to kanau so'o gena, mada'a ngoi ta basono 'ari 'ahu ma paralu 'i kuranga ua. Sababu ngoi reto madoto'o to basono sanangi masala 'oru ga'a 'age ra ngoi:

1 Tesalonika 2:5

Ngini masiretene na waro, ngomi mi pake ua demo-demo ma mami. Re ngomi mi sapolo magogono ua 'akala re sinyingara ga'a da-danata, Ma Jou'ongu Madutu 'a waro gena-ge 'i banari.

1 Timotius 3:3

Unanga 'o ka'e 'anggur 'i pai'i yoḏu'u re 'o nyanyaḏi ua ma'u tutu'u. Siḏibo ḏi'i, pake 'akala re sinyingara mereoso ra guna ḇato, re nyanyaḏi 'ahu toma dame, re pipisi ma budaka ua.

1 Timotius 6:10

Sababu na'o ngene wo nyafusu pa'i pipisi ḇato, tananga 'akala re sinyingara ma dara 'i baolo 'ori i'a ma jira mo-moini. 'Age ngowa'a mamuni'a 'aḏi dedele pa'i mau sanga pipisi ḇato singadolo 'aḏi mete'e riwara do-doto'o banari, dadi 'aḏi eta'a toma jira ma dara.

Titus 1:7

Jama'ata ma bi-biri'i ananga gena-ge ga'a 'aḏi 'urusu Ma Jou'ongu Madutu 'ai munara. Dadi ananga balasu manga de'oso re ḏegoro kamanga rapu ua, 'aḏi momole ua, 'aḏi ruta caiti yoḏu'u, 'aḏi ka'e 'anggur 'i pai'i yoḏu'u, re 'aḏi nyanyaḏi ua ma'u tutu'u bolo manga 'akala re sinyingara ma dara mafikiri pa'i pipisi.

Titus 3:14

Ngowa-ngowa'a ngaku Yesus, ngene balasu madoto'o 'a'a 'ori i'a ma la-la tau-taunu di'a siriono ngowa'a mete'e manga 'ahu ma paralu, la nanga 'ahu 'i parasaja awa.

'Ibrani 6:10

Dadi sababu Ma Jou'ongu Madutu 'o 'adili tau-taunu, Unanga gena-ge 'a sidaioranga ua ngini ninga munara ra Unanga. Re Unanga 'o 'elingi ḏi'i ninga dadalara na sijumu ra Unanga ḏua sababu ni riono ioronongoḏu ngo-ngaku rimoi, 'au nga'ene singadolo nange-ne.

1 Petrus 5:2

Ngoi to golo'o mode-mode'e ra ngini, ni jaga la-la jama'ata ga'a Ma Jou'ongu Madutu 'o siwatasa ra ngini, ma tero sa'olo sowohi 'aḏi jaga la-la manga doba-doba. Munara gena-ge awa ni 'a'a rema pakisa, mada'a reninga 'akala re sinyingara sa-sanangi. Sababu Ma Jou'ongu Madutu 'o mau ngini ni 'a'a so'o gena. Awa ngini ni 'a'a sababu 'age rema karana. Siḏibo ḏi'i, sababu ngini nyafusu masala ni riono ananga.

2 Petrus 2:15

Ananga 'aḏi mete'e ngo'omo boloto ua, mada'a ananga 'aḏi mete'e ngo'omo ma tero sa'olo 'ua re 'au wali moju nabi Bileam 'ai ngo'omo, unanga gena-ge 'a Beor 'ai ngowa'a. Bileam 'o nyafusu masala sanga bo-bangu tai ga'a ma jira.

2 Petrus 2:3

Guru-guru sa-sakala gena-ge 'aḏi nyafusu pipisi lai repe. Dadi ananga 'aḏi disa 'utungu madiga'a carita masiretene ra ngini. Ma di'ara ḏua Ma Jou'ongu Madutu ro sidodahe hukumu di'a ananga re ma 'orasa ri co-cori ḏua, wakutu Unanga ya'u singeta'a sengene kasingado-ngadolo i'a ra ananga.

Yudas 1:11

Bahala ra ananga. Sababu ananga ya mete'e 'a Kain 'ai ngo'omo. Ananga gena-ge ma tero sa'olo Bileam ga'a sigasa ngowa'a 'aḏi iranga manga ngo'omo, la unanga 'o sanga pipisi. Re Ma Jou'ongu Madutu ḏuanga i'a 'o sihukumu ananga gena-ge sababu 'U lawana Unanga ma tero sa'olo 'ua re 'au wali Korah ga'a 'o lawana 'ai ngowa'a bi-biri'i.