Filipi 4:12 - Jaji ma Su-sungi

¹² Ngoi reta basono ḏua 'ari 'ahu ma paralu 'i ngadolo ua, re 'ahu pai-pai'i. 'Oru ḇato 'i dadi ra ngoi, ngoi 'ari 'akala re sinyingara 'i sanangi moju: bae ngoi to dadi ngowa'a rema-enanga bolo ngowa'a ma dinga'unu ua; bae ngoi to sawini bolo to wunusu, ngoi ta kalesanga ua.

Filipi 4:12 Iomraidhean Croise

Matias 11:29

Pa'i ni mete'e ḇato 'Ari parenta re ni madoto'o ra Ngoi ḇato, sababu Ngoi 'ari 'akala re sinyingara 'i mereoso re maholo, re ngini ḏuanga i'a ni sanga ngomasa mamete'e ra Ngoi.

Matias 13:52

Dadi Yesus 'o kanau, “Sababu gena-ge, guru 'agama mo-moini ga'a raḏi sahe do-doto'o mangale Soroga ma Pareta ma tero sa'olo wala ma dutu ga'a sisupu harata su-sungi re ma siḏa tai harata ma ngi'i.”

2 Korintus 10:1

'Age mamuni'a taninga sigolona ga'a 'aḏi kanau “ngoi to mereoso,” na'o to matalaḏi re to kanau ra ngini. Mada'a na'o ngoi ma'u kiḏanga re to lefo surata ra ngini, “ngoi lato te'e!” Mada'a ngoi Paulus to golo'o mode'e ra ngini to pake 'akala re sinyingara ma la-la re mereoso ma tero sa'olo Kristus 'ai 'akala re sinyingara.

2 Korintus 10:10

Ngoi to kanau so'o gena, sababu 'age rema ngowa'a 'aḏi kanau, “Surata-surata Paulus ma iḏingi lai te'e rema kuasa. Mada'a na'o unanga 'o made-de'oso tananga sigolona, unanga ngowa'a ma te'e ua re 'ai demo-demo ma ngale 'i cua.”

2 Korintus 11:27

Ngoi to munara sau'u madutu 'ari obongo rotu-rotu, to munara ma sisengene i'a: Soi rai o'o i'a kama otu mai ua, kama oromo mai ua, kama ka'e mai ua. Soi rai o'o i'a, ngoi to manahana sawini, re ngoi to basono 'alo sababu 'ari pakeanga repe ua.

2 Korintus 11:7

Toma 'orasa ngoi to singadolo Habari Roanga ra Ma Jou'ongu Madutu ino ra ngini, ngoi to golo'o bu-bula'a ua ra ngini. Siḏibo ḏi'i, ngoi to munara, la sanga oromo re ka'e. Dadi ngoi to dadi ma tero sa'olo ninga falalomu, la ngoi nyengara to sikau'u ngini. Wakutu ngoi to 'a'a so'o gena, ngoi to 'a'a ḏosa bolo ua?! Tantu ḏua, ua!

2 Korintus 11:9

Toma 'orasa gena-ge na'o ngoi 'ari paralu 'i ngadolo ua, to golo'o bu-bula'a ra matengo i'a mai ua taninga sigolona toma limau Korintus. 'Oru ga'a ngoi 'ari paralu, ioronongoḏu ngo-ngaku rimoi toma Makedonia, ananga 'aḏi sapolo di'a ya sidodahe mo-moini. Ngoi ta jaga mode-mode'e, la awa to golo'o bu-bula'a, re ta jaga tau-taunu, la awa 'i dadi so'o gena-ge.