Filipi 3:9 - Jaji ma Su-sungi

⁹ re ngoi mode-mode'e to marimoi ra Unanga gena-ge. Ngoi to makutale riwara to dadi ngowa'a loasa re banari sababu ngoi to mete'e Musa 'ai hukumu. Siḏibo ḏi'i, Ma Jou'ongu Madutu 'o site-tero ngoi sa'olo ngowa'a loasa re banari sababu ngoi reto ngaku Kristus. Dadi ngoi reto dadi ngowa'a loasa re banari ra Ma Jou'ongu Madutu 'ai momina, pa'i sababu ngo-ngaku ra Kristus ḇato.

Filipi 3:9 Iomraidhean Croise

Matias 9:13

So'o gena ḏi'i, Ngoi to sapolo ua di'a 'aro'o ngowa'a loasa re banari mada'a to sapolo di'a 'aro'o ngowa'a baraḏosa. Dadi ngini ni disa waro toma Boku 'Ofi-'Ofi ma dara bu-bula'a nena-ne ma ngale: ‘Ngoi to mau ngowa'a 'aḏi sijumu manga 'akala re sinyingara ma la-la toma ngowa'a lelegu, awa pa'i 'aḏi pula'a jou-jou haiwani ra Ngoi!’ ”

Roma 1:17

Sababu reo Habari Roanga gena-ge, Ma Jou'ongu Madutu 'o sijumu ma ngo'omo mangale ngowa'a nyengara 'aḏi dadi ngowa'a loasa re banari ra Ma Jou'ongu Madutu 'Ai momina. Pa'i gena-ge 'i dadi ḇato, sababu ngowa'a matengo 'o ngaku Ma Jou'ongu Madutu; ngo'omo lelegu 'i cua! Gena-ge ma tero sa'olo ri silefo toma Boku 'Ofi-'Ofi so'o ne: “Ngowa'a ga'a loasa re banari ra Ma Jou'ongu Madutu 'ai momina sababu manga ngo-ngaku ḇato, ananga gena-ge ḏuanga i'a 'aḏi 'ahu kasingado-ngadolo i'a.”

Roma 10:10

Sababu reninga 'akala re sinyingara ngini ni ngaku Yesus, dadi Ma Jou'ongu Madutu 'o dawongo ngini gena-ge sa'olo ngowa'a loasa re banari. Re ngini ni kanau reninga madanga, mangale Yesus Unanga gena-ge Ma Jou, dadi ngini sanga salamata.

Roma 16:7

Siḏingoto 'ari tabea ra Andronikus ra Yunias. Ananga re ngoi, ngomi bangsa rimoi re 'aḏi osama bui mamete'e ra ngoi. Wakutu ngoi to ngaku Kristus nyangu, ananga nga muḏiḏi raḏi ngaku Kristus siḏa. Ananga ḏi'i 'o sayanga ma jingi'i ra Yesus 'ai so-soma'a manga sigolona.

Roma 5:21

Dadi ma siḏa, ḏosa 'i kuasa ngowa'a mo-moini manga 'ahu singadolo ananga mo-moini balasu 'aḏi sanga hukumu sengene. Mada'a nange-ne Ma Jou'ongu Madutu 'ai mura re dadalara 'i kuasa nanga 'ahu, sababu ngene rewo dadi ngowa'a loasa re banari, re sanga 'ahu kasingado-ngadolo i'a sababu nanga Jou Yesus Kristus.

Roma 8:1

Sababu gena-ge, ngowa'a ga'a manga 'ahu ri marimoi ra Kristus Yesus, ananga sanga hukumu riwara.

Roma 8:3

Musa 'ai hukumu 'i sibebasa ngene yoḏu'u toma ḏosa ma kuasa; sababu manusia wo lamahana woḏi di'a mete'e ti-tiai hukumu gena-ge. Mada'a Ma Jou'ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa'a Nau'u di'a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa'olo manusia, mada'a Unanga 'o 'a'a ḏosa ua.

1 Korintus 1:30

Ma Jou'ongu Madutu masiretene 'O sirimoi ngini ra Kristus. Re Kristus gena-ge 'o dadi ma tero sa'olo Ma Jou'ongu Madutu 'ai 'akala ma soro'unu ra ngene. Re sababu ngene rewo marimoi ra Kristus, ngene wo dadi loasa re banari re wo dadi Ma Jou'ongu Madutu 'ai ngowa-ngowa'a 'ofi-'ofi re Unanga 'O tuusu ngene.

2 Korintus 5:17

Sababu gena-ge, na'o 'age rema ngowa'a ga'a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi.

2 Korintus 5:21

Kristus 'o 'a'a ḏosa ua, mada'a Ma Jou'ongu Madutu 'o 'a'a Unanga 'a doiti ngene nanga ḏosa. Ma Jou'ongu Madutu 'o 'a'a so'o gena, la ngene nyengara marimoi ra Unanga re kananga ḏosa ua ra Unanga 'ai momina.

Galatia 2:16

Kalaha so'o gena, ngomi remi waro mangale na'o ngowa'a 'aḏi mete'e Musa 'ai hukumu ḇato, sanga ua 'aḏi dadi ngowa'a kamanga sala ua ra Ma Jou'ongu Madutu 'ai momina. Siḏibo ḏi'i ngowa'a 'aḏi dadi ngowa'a kamanga sala ua ra Ma Jou'ongu Madutu 'ai momina sababu pa'i 'aḏi ngaku Yesus Kristus ḇato. Ngomi masiretene remi ngaku Yesus Kristus, la ngomi mi dadi ngowa'a kamanga sala ua ra Ma Jou'ongu Madutu 'ai momina. Ngomi mi mete'e ua Musa 'ai hukumu, sababu matengo i'a mai ua nyengara 'o dadi ngowa'a kamanga sala ua ra Ma Jou'ongu Madutu 'ai momina, na'o 'aḏi mete'e Musa 'ai hukumu.

Filipi 3:6

Ngoi to mete'e mode-mode'e 'a Musa 'ai hukumu singadolo ngoi to sisikisa ngowa-ngowa'a ngaku Yesus. Re ngoi to cufala masala to mete'e Musa 'ai hukumu mo-moini, singadolo matengo i'a mai ua nyengara 'o kanau, ceka'a i'a mai ua, ngoi Paulus ta mete'e ua.

2 Timotius 1:9

Ma Jou'ongu Madutu na sisalamata ngene re 'O 'aro'o ngene, la wo dadi Unanga 'ai ngowa-ngowa'a masiretene ga'a Unanga 'o cumutu ḏua. I'a sa'olo Ma Jou'ongu Madutu 'a si'a'a so'o gena? Sababu ngene wo madaga'a 'ori i'a ma la-la; so'o gena-ge ua! Mada'a, sababu mete'e Unanga 'ai mau re Unanga 'ai mura re dadalara ḇato. Wakutu Unanga 'o sidadi nyangu dungia, Unanga ro sitantukanga ḏua 'O pula'a 'Ai mura re dadalara gena-ge ra ngene sababu Kristus Yesus.

Titus 3:5

Unanga na sisalamata ngene. I'a sa'olo? Sababu ngene wo madaga'a 'ori i'a ma la-la?! So'o gena-ge ua! Mada'a pa'i sababu Unanga masiretene 'o sijumu 'Ai 'akala re sinyingara ma la-la ḇato ra ngene. Sababu Yesus Kristus 'ai se-sengene, Unanga gena-ge ga'a nanga Salamata ma Cimi, Ma Jou'ongu Madutu 'O sisalamata ngene re 'O pula'a pai-pai'i Ma Ngagara 'Ofi-'Ofi ra ngene. Dadi ngene sibuoro su-sungi, re Ma Ngagara 'Ofi-'Ofi ri si'ofi ngene tananga ḏosa re ri pula'a 'ahu su-sungi ra ngene.

'Ibrani 6:18

Dadi 'age parkara fara ḏiḏi nena-ne ga'a 'i singali yoḏu'u: Sanga ua Ma Jou'ongu Madutu 'a singali yoḏu'u 'Ai jaji, bolo 'Ai sasi. Sababu gena-ge, ngene wo sanga babata di'a wo macako'o namo-namoto tananga ngo-nganono sababu Ma Jou'ongu Madutu 'Ai jaji ra ngene. Ngene ga'a rewo sapolo ra Ma Jou'ongu Madutu, la Unanga 'o saolo ngene, dadi ngene wo sanga hukumu ua.

Yakobus 3:2

Ngene mo-moini soi rai o'o i'a repe wo 'a'a ḏosa. Mada'a ngowa'a ga'a 'a'a ḏosa ua remanga demo re ganau, ananga gena-ge ngowa'a tiai, nga'unu 'aḏi kawasa lese rimoi mo-moini.

2 Petrus 1:1

Ngoi, Simon Petrus, Yesus Kristus 'ai so-soma'a re ngoi ta Unanga ma tero sa'olo 'Ai budaka. Ngoi to lefo surata nena-ne ra ngini ga'a ninga ngo-ngaku ra Yesus Kristus ma tero sa'olo ngomi minga ngo-ngaku. Yesus Kristus, Unanga Ma Jou'ongu Madutu re ḏi'i nanga Salamata ma Cimi. Unanga gena-ge 'O si'a'a ngene mo-moini wo ngaku Unanga re gena-ge 'i dadi sababu Unanga 'o 'adili.

1 Yohanes 3:4

Ngowa'a mo-moini ga'a 'aḏi 'a'a ḏosa, 'aḏi mete'e ua Ma Jou'ongu Madutu 'ai hukumu ḏi'i. Sababu nena-ne ḏosa: Mete'e ua Ma Jou'ongu Madutu 'ai hukumu.