Filipi 3:8 - Jaji ma Su-sungi

⁸ Pa'i gena-ge ḇato ua, mada'a mo-moini ma tero sa'olo enanga gena-ge ga'a ngoi ta 'a'a ma siḏa, nange-ne ngoi ta site-tero enanga gena-ge ma faeda 'i cua ra ngoi. 'Oru ga'a 'age ra ngoi toma 'orasa nange-ne enanga ma ijana lai hali madutu, gena-ge mangale nana'o Kristus Yesus 'ari Jou. Sababu Kristus, ngoi ta sieanga mo-moini ga'a ma siḏa ngoi to site-tero 'i sigasa Ma Jou'ongu Madutu 'ai barakati ra ngoi. Mo-moini gena-ge ma tero sa'olo jeremoto, la ngoi nga'unu to dawongo Kristus,

Filipi 3:8 Iomraidhean Croise

Lukas 1:43

Ngoi nena-ne 'a guna singadolo ngana, 'ari Jou 'Ai ngina, no sapolo ra ngoi?

Lukas 11:20

Mada'a Ngoi to dusu'u roh ma jira rea Ma Jou'ongu Madutu 'ai kuasa. Gena-ge 'i dadi didina'o rimoi mangale Ma Jou'ongu Madutu ro mulaingi 'o parenta taninga sigolona.

Yohanes 14:20

Wakutu ma wangere enanga 'i ngadolo ḏua ga'a Ngoi dadunu to 'ahu moju, ngini ḏuanga i'a ni waro mangale Ngoi re 'Ari Ḇaḇa, ngomi mi marimoi. Re ngini ni marimoi ra Ngoi, re Ngoi to marimoi ra ngini.

Yohanes 14:7

Na'o ngini ni nana'o Ngoi, ngini ḏi'i ni nana'o 'ari Ḇaḇa. Nange-ne ngini ni nana'o Unanga re ni oḏi'i ḏua Unanga.”

Yohanes 16:3

Mada'a ananga 'aḏi 'a'a so'o gena-ge, sababu ananga 'aḏi nana'o ua 'Ari Ḇaḇa bolo Ngoi.

Yohanes 17:3

'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

Yohanes 17:8

'Ani demo ga'a Baba reno pula'a ra Ngoi, Ngoi ta siajele ḏua ra ananga. Re ananga gena-ge ya dawongo ḏua re raḏi waro mangale Ngoi mode-mode'e to sapolo ra Baba ino re ananga raḏi ngaku Baba reno 'utusu Ngoi ḏua.

Yohanes 20:13

Mala'ekata-mala'ekata 'aḏi sano ra ngo Maria, “Meme, i'a sa'olo no rerese ma gaḏi?” Munanga mo sangoro, “Ngowa'a raḏi 'oro 'ari Jou, re ngoi ta waro ua, ananga 'U gare le'a”

Yohanes 20:28

Tomas 'o kanau i'a ra Yesus, “ 'Ari Jou re 'Ari Jou'ongu Madutu!”

Yesus 'ai so-soma'a 20:24

Mada'a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga'a Ma Jou Yesus 'a siwatasa ḏua ra ngoi di'a ta singadolo Habari Roanga mangale Ma Jou'ongu Madutu 'ai mura re dadalara singadolo 'ari 'ahu ma ḏo-ḏogumu.

Roma 8:18

Sababu ngoi to ngaku mode-mode'e mangale ma mulia ga'a Ma Jou'ongu Madutu ḏuanga i'a 'o sijumu ra ngene, mulia gena-ge lai lamo'o reo sangisara mo-moini ga'a ngene wa basono toma 'orasa nange-ne.

Roma 8:39

bae 'ori i'a toma diwanga bolo toma dungia ma dara, bolo 'oru ma lelegu ra Ma Jou'ongu Madutu 'ai do-dadi, mo-moini gena-ge ya dola'aku yoḏu'u Ma Jou'ongu Madutu 'ai dadalara ra ngene, sababu Kristus Yesus nanga Jou.

1 Korintus 2:2

Tari 'akala re sinyingara ma dara, ngoi reta sitatapu tala, ma di'ara sa'olo ngoi to tegoro taninga sigolona, ngoi to kanau 'ori i'a ma lelegu ua; pa'i mangale Yesus Kristus ga'a ngowa'a 'U sisalib.

1 Korintus 9:10

Tantu ḏua, 'Ai maksudu di'a ngene manusia! Demo-demo gena-ge 'i silefo di'a ngene sababu bae ngowa'a 'aḏi 'a'a guḏa re ngowa'a ga'a 'aḏi si'ofi gandum, ananga 'aḏi masinganono ḏuanga i'a ya sanga manga balangu toma guḏa ma hasili gena-ge.

2 Korintus 4:4

'Iblisi ga'a 'i kuasa dungia ya kuci ngowa'a manga fikirana singadolo ananga 'aḏi ngaku awa, re 'aḏi oḏi'i yoḏu'u Habari Roanga ma cahaya ga'a 'i waiti ra Kristus 'ai mulia. Unanga gena-ge ma tero Ma Jou'ongu Madutu 'ai gabara.

2 Korintus 4:6

Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.

Efesus 4:13

Ma duhu so'o gena-ge, ngene mo-moini wo dadi rimoi sababu nanga ngo-ngaku marimoi re nanga wo-waro 'i ma tero mangale Ma Jou'ongu Madutu 'ai Ngowa'a Nau'u. Dadi, ngene ḏuanga i'a wo dadi bi-biri'i, ga'a lebe ti'ara lebe dogo tiai, singadolo ngene wo dadi ma tero sa'olo Kristus.

Filipi 1:1

Surata ne ra ngoi Paulus, re Timotius ḏi'i, ngomi ga'a ta Kristus Yesus ma tero sa'olo 'Ai budaka. Ngomi mi siḏingoto surata nena-ne ra ngini ioronongoḏu ngo-ngaku rimoi mo-moini ga'a ni tegoro toma limau Filipi re reni marimoi ra Kristus Yesus, sidogo ḏi'i ioronongoḏu ngo-ngaku rimoi ga'a jama'ata ma bi-biri'i re jama'ata ma ri-riono:

Filipi 3:10

Pa'i rimoi ḇato ga'a ngoi to mau, gena-ge mangale ngoi lebe to nana'o Kristus: Ngoi ta basono 'Ai kuasa tari 'ahu ma dara. Kuasa gena-ge ma tero Ma Jou'ongu Madutu 'ai kuasa ga'a dadunu 'U si'ahu moju Unanga toma ngowa'a senge-sengene manga sigolona. Re ḏi'i ngoi ta basono sangisara ma tero sa'olo Unanga ra basono singadolo ngoi nyengara to sengene ma duhu ma tero sa'olo Unanga 'o sengene.

Filipi 3:12

Ngoi to kanau ua mangale ngoi 'ari duhu 'i ti-tiai bolo 'i ḏu-ḏuanga ḏua, mada'a ngoi to makutale tau-taunu di'a to dadi ma tero sa'olo Kristus Yesus. Ma sababu gena-ge, Unanga ri 'aro'o ngoi di'a to marimoi ra Unanga.

Filipi 3:7

Ma siḏa, ngoi to mafikiri enanga mo-moini gena-ge 'i sigasa Ma Jou'ongu Madutu 'ai barakati ma repe ra ngoi. Mada'a 'orasa nange-ne, ngoi reta waro enanga mo-moini gena-ge ma faeda 'i cua. Momongolo ua, enanga 'i sigasa rugi ra ngoi, sababu enanga 'i dola'aku ngoi to nana'o Kristus!

2 Timotius 4:6

Mangale ngoi, ti'ara riwara ta sisoi'i tala dungia nena-ne. Ngoi ḏuanga i'a ta sidoa'a 'ari 'ahu sa'olo jou-jou rimoi ra Ma Jou'ongu Madutu.

'Ibrani 3:14

Sababu ngene mo-moini wo dadi ḏagilomu munara marimoi ra Kristus, na'o ngene wa cako'o namo-namoto nanga ngo-ngaku ra Unanga gena-ge, toma mulaingi i'a moju singadolo ma ḏo-ḏogumu.

1 Petrus 2:7

Ma Jou Yesus ma tero sa'olo maḏi ma la-lamo'o ma re'u i'a di'a wala ma bangini ga'a lai hali di'a ngini ga'a reni ngaku ra Unanga. Mada'a mangale ngowa'a ga'a 'aḏi ngaku Yesus ua 'age bu-bula'a toma Boku 'Ofi-'Ofi 'i silefo so'o ne: “Maḏi ga'a wala ma tukanga-tukanga ya upa'a, ma nyonyata maḏi gena-ge ri dadi maḏi ma la-lamo'o ma re'u i'a di'a wala ma bangini,”

2 Petrus 1:2

Ngoi to golo'o ra Ma Jou'ongu Madutu, la 'O pula'a 'Ai mura re dadalara re 'Ai dame pai-pai'i ra ngini sababu ngini reni nana'o Ma Jou'ongu Madutu re nana'o Yesus, nanga Jou.

2 Petrus 1:3

Ma Jou'ongu Madutu 'a siḏagi 'Ai kuasa 'O pula'a 'oru ḇato ga'a ngene paralu, la nanga 'ahu nyengara 'i cuḏuḏu'u Ma Jou Yesus. Nange-ne ngene nyengara wa si'a'a sababu ngene rewo nana'o Ma Jou'ongu Madutu. Re sababu 'Ai 'akala re sinyingara la-la masala re 'Ai kabasarana, Unanga gena-ge na 'aro'o ngene, la ngene dadi 'Ai ngowa-ngowa'a,

2 Petrus 1:8

Na'o ngini ninga tabeata ma tero so'o gena-ge 'i sidogo de-de'e tau-taunu taninga de'oso re ḏegoro; gena-ge ma tero sa'olo sowo'o re barakati. Enanga gena-ge nana'o rimoi mangale ngini ni nana'o mode-mode'e Yesus Kristus, nanga Jou.

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.

1 Yohanes 1:3

Dadi 'oru ga'a ngomi ma oḏi'i re 'isene ḏua, nange-ne ngomi ma singadolo ra ngini, la ngini ni 'ahu marimoi ra ngomi. Sidogo ḏi'i, ngene wo 'ahu marimoi ḏua ra Ma Jou'ongu Madutu nanga Ḇaḇa re 'Ai Ngowa'a Nau'u, Yesus Kristus.

1 Yohanes 2:19

Ngowa-ngowa'a ga'a 'aḏi lawana Kristus, 'au nga'ene ananga gena-ge 'aḏi marimoi ra ngene mada'a nange-ne ananga gena-ge 'aḏi marimoi ra ngene riwara, sababu ananga raḏi sisoi'i tala ngene. Sababu na'o mode-mode'e ananga gena-ge raḏi ngaku Yesus, ananga 'aḏi sisoi'i tala ngene ua. Mada'a enanga 'i dadi so'o gena, la ngene wa oḏi'i re wa waro mangale ananga gena-ge raḏi marimoi riwara.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.