Filipi 3:7 - Jaji ma Su-sungi

⁷ Ma siḏa, ngoi to mafikiri enanga mo-moini gena-ge 'i sigasa Ma Jou'ongu Madutu 'ai barakati ma repe ra ngoi. Mada'a 'orasa nange-ne, ngoi reta waro enanga mo-moini gena-ge ma faeda 'i cua. Momongolo ua, enanga 'i sigasa rugi ra ngoi, sababu enanga 'i dola'aku ngoi to nana'o Kristus!

Filipi 3:7 Iomraidhean Croise

Matias 16:26

Sababu ma 'utungu 'i cua na'o ngowa'a matengo 'o sanga 'ori i'a rana mo-moini toma dungia nena-ne ma dara, mada'a 'o sanga ua 'ahu kasingado-ngadolo! Sababu 'ori i'a rana mo-moini toma dungia nena-ne ma dara 'i sipula'a ua 'ahu kasingado-ngadolo i'a!

Markus 10:50

Ngowa'a hafu gena-ge 'a upa'a 'ai juba re 'o jau-jau 'o made'oso kara 'o tagi i'a ra Yesus.

Lukas 14:26

“Na'o ngowa'a matengo i'a 'o mau mete'e Ngoi, mada'a lebe dadalara 'ai ngina, ḇaḇa, were'a, ngowa-ngowa'a, ioro re nongoḏu, re sidogo ḏi'i 'ai diri masiretene, unanga 'o dadi Ngoi 'ari me-mete'e yoḏu'u.

Lukas 14:33

Ma ḏo-ḏogumu tala Yesus 'o kanau, “So'o gena ḏi'i ra ngini. Na'o matengo i'a 'o oḏu'u sieanga 'ai 'ori i'a rana re 'o oḏu'u sieanga dungia ma nyafusu, unanga gena-ge 'o dadi Ngoi 'ari me-mete'e yoḏu'u.”

Lukas 16:8

Kalaha falalomu ma sae'e gena-ge 'ai 'akala re sinyingara 'i boloto ua, ngowa'a rema-enanga gena-ge 'u sitoro 'ai falalomu gena-ge sababu 'ai 'akala soro'unu masala. Sababu ngowa-ngowa'a 'aḏi 'ahu di'a dungia nena-ne, ananga 'aḏi lebe pahe mangale manga 'urusana toma ngowa-ngowa'a 'aḏi 'ahu di'a dungia nena-ne reo ngowa-ngowa'a 'aḏi 'ahu toma tarangi ma dara!”

Yesus 'ai so-soma'a 27:38

Ananga 'aḏi oromo singadolo wunusu. Togumu i'a, kapala ma gina gandum ananga ya upa'a toma ngoloto di'a sikare kapala.

'Ibrani 11:26

Kalaha ngowa'a 'u si'u'ua sababu 'ai ngo-ngaku ra Kristus, unanga 'o fikiri gena-ge ma ijana lebe lamo'o i'a reo unanga 'o sanga Mesir manga harata, sababu Musa pa'i tatamo 'ai ngogele toma biono i'a.