Filipi 3:6 - Jaji ma Su-sungi

⁶ Ngoi to mete'e mode-mode'e 'a Musa 'ai hukumu singadolo ngoi to sisikisa ngowa-ngowa'a ngaku Yesus. Re ngoi to cufala masala to mete'e Musa 'ai hukumu mo-moini, singadolo matengo i'a mai ua nyengara 'o kanau, ceka'a i'a mai ua, ngoi Paulus ta mete'e ua.

Filipi 3:6 Iomraidhean Croise

Matias 23:25

Bahala ra ngini guru-guru 'agama re ngowa-ngowa'a Farisi. Ngini ngowa'a munafiki! Ninga moku-moku re ninga suḏe-suḏe ma ḏuḏunu na soso'o nya-nyangele. Momongolo ua, enanga ma dara faja madutu moju ma tero sa'olo ninga 'akala re sinyingara 'i romanga reo danata re nyafusu ngowa'a manga 'ori i'a rana.

Matias 5:20

Dadi, Ngoi to siajele ra ngini nena-ne: Ngini balasu ni mete'e “Musa 'ai hukumu lebe cufala i'a reo guru-guru 'agama re ngowa'a Farisi. Na'o so'o gena-ge ua, ngini ni osama nyo-nyoimi yoḏu'u toma Soroga ma Pareta.”

Lukas 1:6

Ananga were'a nau'u manga 'ahu, re manga de'oso re ḏegoro 'i sisanangi Ma Jou'ongu Madutu 'ai 'akala re sinyingara sababu ananga nga muḏiḏi ngowa'a loasa re banari ga'a mode-mode'e 'aḏi mete'e Ma Jou'ongu Madutu 'Ai 'atoranga re 'Ai Hukumu.

Yesus 'ai so-soma'a 21:20

Ya 'isene Paulus 'ai jarita gena-ge palisi'i i'a, ananga mo-moini 'aḏi puji re silamo'o Ma Jou'ongu Madutu, kara 'aḏi kanau ra Paulus, “Dowara Paulus! Dowara balasu na waro ngowa'a Yahudi remanga rema cala-cala raḏi ngaku 'a Yesus. Ananga mo-moini 'aḏi cufala 'aḏi mete'e 'a Musa 'ai hukumu.

Yesus 'ai so-soma'a 22:5

'Imam 'agung masiretene re Mahkamah 'Agama mo-moini 'aḏi pula'a sakisi mangale ngoi to sakala ua sababu 'aḏi pula'a surata watasa di'a ngoi ta sijumu toma ngowa-ngowa'a Yahudi toma limau Damsyik. Ma surata gena-ge 'i pula'a kuasa ra ngoi di'a ta'u cako'o ngowa-ngowa'a ngaku Yesus re ta'u gasa toma limau Yerusalem, la ya'u sihukumu.

Yesus 'ai so-soma'a 26:5

Ma di'ara ḏua, ananga ya waro mangale ngoi. Na'o ananga 'aḏi nyengara ananga masiretene 'aḏi pula'a sakisi, 'au nga'ene ngoi ne to osama nyo-nyoimi toma ngowa'a Farisi re ma gu'u lai te'e minga 'agama ma 'atoranga.

Yesus 'ai so-soma'a 8:3

Mada'a Saulus mau 'o sisikisa ngowa-ngowa'a ngaku Yesus. Sababu gena-ge, unanga 'o supu-osama toma wala-wala, 'o cako'o re 'o iḏala ngowa-ngowa'a gena-ge re ya'u singosama bui.

Roma 7:9

Ma siḏa moju, ngoi masiretene to 'ahu to waro nyangu mangale Musa 'ai hukumu. Mada'a wakutu ngoi mulaingi to waro mangale hukumu gena-ge, ḏosa ḏi'i mulaingi 'i 'ahu tari 'akala re sinyingara ma dara.

1 Korintus 10:32

Awa ni 'a'a 'oru ḇato ga'a 'i si'a'a ngowa'a lelegu 'aḏi eta'a toma ḏosa; bae ngowa'a Yahudi, bae ngowa'a Yahudi ua, bolo ngowa-ngowa'a ra Ma Jou'ongu Madutu 'ai jama'ata.

1 Korintus 15:9

Ngoi, Yesus 'ai so-soma'a ma pake ua, patasa ua si'aro'o ngoi Yesus 'ai so-soma'a, sababu ngoi to sisikisa ngowa-ngowa'a ngaku Yesus.

Filipi 2:15

Dadi ngini ni sijumu mangale ngini mode-mode'e Ma Jou'ongu Madutu 'ai ngowa-ngowa'a 'ofi-'ofi re kaninga sala ua, ni 'ahu loasa re banari toma ngowa'a ma jira re ngowa'a baraḏosa manga sigolona. Wakutu ngini ni singadolo Habari Roanga ga'a sigasa 'ahu toma ngowa-ngowa'a, ngini ma tero sa'olo mumuḏungu ma cahaya ga'a 'i sitarangi dungia ma hafu-hafu. Na'o ngini ninga 'ahu so'o gena 'i dadi nana'o rimoi, la ngoi ḏuanga i'a to maroanga wakutu Kristus dadunu 'o sapolo moju. Sababu enanga 'i dadi bukiti mangale 'ari galasau'u ma duduala 'i parasaja ua.

Filipi 3:9

re ngoi mode-mode'e to marimoi ra Unanga gena-ge. Ngoi to makutale riwara to dadi ngowa'a loasa re banari sababu ngoi to mete'e Musa 'ai hukumu. Siḏibo ḏi'i, Ma Jou'ongu Madutu 'o site-tero ngoi sa'olo ngowa'a loasa re banari sababu ngoi reto ngaku Kristus. Dadi ngoi reto dadi ngowa'a loasa re banari ra Ma Jou'ongu Madutu 'ai momina, pa'i sababu ngo-ngaku ra Kristus ḇato.

1 Timotius 1:13

'Au wali, wakutu ngoi to ngaku Yesus nyangu, ngoi to je-jengere Unanga re to sisikisa kama sijumu ua 'akala re sinyingara ma la-la toma ngowa'a ngaku Yesus. Kalaha so'o gena, Ma Jou'ongu Madutu 'o sijumu 'Ai 'akala re sinyingara ma la-la, sababu ngoi ta waro ua 'oru ga'a ngoi ta 'a'a sababu ngoi to ngaku Yesus nyangu.