Filipi 3:5 - Jaji ma Su-sungi

⁵ Ngoi to sanga suna wakutu 'ari 'umuru wangere tu'angere mete'e Musa 'ai hukumu. Ngoi 'ari ngaunu pa'ala re 'ari 'asala toma suku Benyamin, 'ari ete re dotumu mo-moini ngowa'a 'Ibrani. Wakutu ngoi to ngaku Yesus nyangu, ngoi to osama nyo-nyoimi toma ngowa'a Farisi, to mete'e Yahudi manga 'agama ma 'atoranga mo-moini,

Filipi 3:5 Iomraidhean Croise

Lukas 1:59

Wakutu ngowa kiau gena-ge 'ai 'umuru wange tu'angere, wala-wala sebanga re 'ami ioro re nongoḏu 'aḏi sapolo di'a 'aḏi suna Unanga. Ananga 'aḏi mau silomanga ngowa kiau gena-ge 'ai lomanga Zakaria sitolumu ma ḇaḇa 'ai lomanga.

Lukas 2:21

Wakutu ngowa kiau gena-ge 'Ai 'umuru wangere tu'angere, ananga 'U suna re 'U silomanga Yesus. Lomanga gena-ge ga'a mala'ekata ro siajele siḏa wakutu ma ngina ngo Maria 'ami po'olo tegoro nyangu.

Lukas 5:38

'Anggur ma su-sungi balasu sidai'i toma 'anggur ma ngi'i ma su-sungi ḏi'i.

Yesus 'ai so-soma'a 22:3

“Ngoi ngowa'a Yahudi 'ari ngaunu pa'ala toma limau Tarsus toma daeraha Kilikia, mada'a ngoi to ramasa 'ane toma limau Yerusalem. Ngoi ḏi'i to sanga do-doto'o ra Gamaliel, unanga 'o guru la-lamo'o. Unanga 'o doto'o ngoi mo-moini mangale 'o hukumu ga'a 'a Musa 'o pula'a tananga ete re dotumu. 'Au nga'ene, ngoi ma tero ḏi'i sa'olo ngini mo-moini toma wangere nange-ne, ngoi to cufala masala ra Ma Jou'ongu Madutu.

Yesus 'ai so-soma'a 23:6

Paulus 'a oḏi'i toma Mahkamah 'Agama manga sigolona 'age rema ngowa'a Saduki, 'age ḏi'i ngowa'a Farisi. Sababu gena-ge, Paulus 'o kanau i'a ra ananga, “Ioronongoḏu ngowa'a Yahudi, ngoi ngowa'a Farisi re 'ari ḇaḇa ngowa'a Farisi ḏi'i. Ngini ni sijuruhakimi ngoi sababu ngoi to ngaku ngowa'a senge-sengene dadunu 'aḏi 'ahu moju.”

Yesus 'ai so-soma'a 6:1

Ngowa'a ngaku Yesus lebe ti'ara ganapu repe. Toma 'orasa gena-ge Ngowa'a Yahudi ga'a 'aḏi pake demo Yunani, 'aḏi kuḏubungu toma ngowa'a Yahudi ga'a 'aḏi pake demo 'Ibrani. Ngowa'a Yahudi ga'a ya pake Yunani manga demo 'aḏi kanau, “Ngomi minga balo-balo sanga balangu ua di'a manga 'ahu lobi'i re wangere.”

Roma 11:1

Dadi ngoi to sano: 'Oru Ma Jou'ongu Madutu 'o upa'a 'Ai 'umata masiretene bolo ua?! Ua! Sababu ngoi masiretene ngowa'a Israel, 'a Abraham 'ai ju'uda re 'ari 'asala toma suku Benyamin.

2 Korintus 11:22

Ananga gena-ge, ngowa'a 'Ibrani?! Ngoi ḏi'i, ngowa'a 'Ibrani. Ananga gena-ge, ngowa'a Israel? Ngoi ḏi'i, ngowa'a Israel. Ananga gena-ge 'a Abraham 'ai ju'uda?! Ngoi mai so'o ananga ḏi'i.