Filipi 3:3 - Jaji ma Su-sungi

³ Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

Filipi 3:3 Iomraidhean Croise

Roma 1:9

Ngoi to de-de'oso Ma Jou'ongu Madutu rari 'akala re sinyingara mode-mode'e di'a to singadolo Habari Roanga mangale 'Ai Ngowa'a Nau'u. Ma Jou'ongu Madutu, Unanga 'ari sakisi mangale ngoi to 'elingi ngini tau-taunu, wakutu to manyiata.

Roma 15:17

Sababu ngoi reto marimoi ra Kristus Yesus, ngoi nyengara to sitoro mangale 'ari munara gena-ge di'a Ma Jou'ongu Madutu.

Roma 7:6

Mada'a nange-ne ngene rewo 'ahu marimoi riwara ra Musa 'ai hukumu sababu ngene rewo sengene marimoi ra Kristus. Dadi ngene rewo bebasa toma hukumu gena-ge ga'a ma siḏa moju enanga 'i kuasa ngene. Ngene wo de-de'oso Ma Jou'ongu Madutu mete'e ngo'omo ma siḏa riwara: Ngene wo mete'e riwara hukumu gena-ge ga'a 'i silefo ḏua. Siḏibo ḏi'i, nange-ne ngene wo de-de'oso mete'e ngo'omo su-sungi: Ngene wo mete'e Ma Ngagara 'Ofi-'Ofi.

Roma 8:15

Sababu Ma Ngagara 'Ofi-'Ofi ga'a Ma Jou'ongu Madutu 'a pula'a ra ngini, si'a'a ua ngini ni dadi ngowa'a budaka, singadolo ngini ni 'ahu mojongo ma hukumu ra Ma Jou'ongu Madutu. Siḏibo ḏi'i, Ma Ngagara 'Ofi-'Ofi 'i si'a'a ngini dadi Unanga 'ai ngowa-ngowa'a nau'u. Re sababu Ma Ngagara 'Ofi-'Ofi ma kuasa, ngene nga'unu wo 'aro'o Ma Jou'ongu Madutu, “Baba, ngene nanga Ḇaḇa.”

Roma 8:39

bae 'ori i'a toma diwanga bolo toma dungia ma dara, bolo 'oru ma lelegu ra Ma Jou'ongu Madutu 'ai do-dadi, mo-moini gena-ge ya dola'aku yoḏu'u Ma Jou'ongu Madutu 'ai dadalara ra ngene, sababu Kristus Yesus nanga Jou.

Roma 9:6

Ngoi 'ari maksudu ua so'o ne: Ma Jou'ongu Madutu 'o sitotomo 'ai jaji ua toma ngowa'a Yahudi! Mada'a Ma Jou'ongu Madutu 'o cumutu ua ngowa'a Israel mo-moini di'a dadi 'Ai 'umata mode-mode'e, ananga gena-ge ga'a dawongo 'oru ga'a Unanga ro sijaji.

2 Korintus 11:18

'Age ḏi'i rema ngowa'a manga repe 'aḏi mahie manga diri sababu manga munara ga'a 'aḏi si'a'a reo manga de-de'e masiretene. Dadi ngoi mai to mahie 'ari diri ḏi'i.

Galatia 5:25

Ma Ngagara 'Ofi-'Ofi ri sipula'a 'ahu su-sungi ra ngene. Sababu gena-ge, ngene balasu wo mete'e Ma Ngagara 'Ofi-'Ofi ma nyafusu

Galatia 6:16

Ngoi to golo'o ra Ma Jou'ongu Madutu mangale 'O pula'a dame re 'O sijumu dadalara toma ngowa'a mo-moini ga'a manga 'ahu 'i mete'e Ma Ngagara 'Ofi-'Ofi ma nyafusu, ananga ga'a raḏi osama nyo-nyoimi ra Ma Jou'ongu Madutu 'ai 'umata, Unanga 'ai bangsa Israel mode-mode'e.

Efesus 6:18

Toma ngi'i le'a ḇato re toma donga mo-moini, ngini balasu ni manyiata re ni golo'o tau-taunu reo ri-riono toma Ngagara 'Ofi-'Ofi. Wakutu ngini ni manyiata balasu ni ma'istiari, re ni manyiata tau-taunu di'a Ma Jou'ongu Madutu 'ai 'umata mo-moini.

Filipi 1:1

Surata ne ra ngoi Paulus, re Timotius ḏi'i, ngomi ga'a ta Kristus Yesus ma tero sa'olo 'Ai budaka. Ngomi mi siḏingoto surata nena-ne ra ngini ioronongoḏu ngo-ngaku rimoi mo-moini ga'a ni tegoro toma limau Filipi re reni marimoi ra Kristus Yesus, sidogo ḏi'i ioronongoḏu ngo-ngaku rimoi ga'a jama'ata ma bi-biri'i re jama'ata ma ri-riono:

Filipi 3:12

Ngoi to kanau ua mangale ngoi 'ari duhu 'i ti-tiai bolo 'i ḏu-ḏuanga ḏua, mada'a ngoi to makutale tau-taunu di'a to dadi ma tero sa'olo Kristus Yesus. Ma sababu gena-ge, Unanga ri 'aro'o ngoi di'a to marimoi ra Unanga.

Filipi 3:14

Sababu gena-ge, ngoi to lalara turusu ta meta-meta i'a 'ari maksudu, la ta sanga ngogele. Gena-ge ma ngale: 'Ahu toma soroga, di'a gena-ge Ma Jou'ongu Madutu ri 'aro'o ngoi di'a to marimoi ra Kristus Yesus.

Kolose 2:11

Sababu ngini ni marimoi ra Kristus, enanga 'i ma tero sa'olo ngini ni sanga suna. Suna gena-ge manusia ya 'a'a ua, mada'a Kristus 'a 'a'a taninga 'akala re sinyingara, wakutu Unanga 'o sibebasa ngini toma ḏosa ga'a 'i parenta ninga 'ahu.

Yudas 1:20

Mada'a ngini nena-ne ioronongoḏu ngo-ngaku rimoi ga'a ngoi tini dadalara, balasu ni riono matengo re matengo, la ma do-doto'o 'ofi-'ofi ma pari cua ga'a da'u ra Ma Jou'ongu Madutu tala 'i ḏegoro ninga 'ahu madogo-dogo. Re ngini balasu ni manyiata tau-taunu mete'e Ma Ngagara 'Ofi-'Ofi ma mau.