Filipi 3:21 - Jaji ma Su-sungi

²¹ Wakutu Unanga gena-ge dadunu 'o sapolo moju, 'O ngali nanga lese ga'a nange-ne mereoso 'i sidadi ma tero sa'olo Unanga 'ai lese masiretene ga'a 'i mulia. Unanga nyengara 'a si'a'a so'o gena sababu Unanga rai kuasa di'a 'O 'a'a 'oru ḇato.

Filipi 3:21 Iomraidhean Croise

Matias 17:2

Yesus 'ai rupa 'i ngali ra ananga nga ḏu'ange manga biono: 'Ai biono ma tarangi ma tero wangere ma la'o, re 'Ai pakeanga 'i dadi buḏo jama-jamanga.

Matias 22:29

Yesus 'a sangoro, “Ngini ni rapu masala, sababu ni sahe ua do-doto'o toma Boku 'Ofi-'Ofi ma dara. Re so'o gena-ge ḏi'i, ni sahe ua Ma Jou'ongu Madutu 'ai kuasa.

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Roma 8:29

Sababu 'ua re 'au wali ananga ga'a Ma Jou'ongu Madutu ro cumutu di'a dadi 'Ai ngowa-ngowa'a, Unanga ya'u sitantukanga ḏua mangale ananga gena-ge manga tabeata 'i ma tero sa'olo 'Ai Ngowa'a Nau'u 'Ai tabeata. Dadi Yesus gena-ge 'o dadi ngowa'a nau'u ma jomolo, re ngene wo dadi 'Ai no-nongoḏu ma repe.

Kolose 3:4

sababu ninga 'ahu su-sungi ma cimi gena-ge Kristus. Wakutu Unanga dadunu 'o sapolo Rai kabasarana, ngini ni mamete'e ra Unanga, re Unanga 'O sibalangu 'Ai mulia ra ngini ḏi'i.

1 Yohanes 3:2

Ioronongoḏu ngo-ngaku rimoi ngoi tunu dadalara! Kalaha ngene nange-ne Ma Jou'ongu Madutu 'ai ngowa-ngowa'a, ngene wo waro nyangu mangale ḏuanga i'a nanga ḏe-ḏegoro ma duhu sa'olo. Sababu Ma Jou'ongu Madutu na siajele nyangu. Mada'a ngene rewo waro wakutu Kristus dadunu 'o sapolo moju, ngene wo dadi sa'olo Unanga, sababu wo oḏi'i Unanga 'ai ḏe-ḏegoro 'i ti-tiai.

Tingoýi 1:8

Ma Jou ga'a Ma Jou'ongu Madutu 'o kanau, “Ngoi nena-ne 'Alfa re 'Omega. Ngoi nena-ne ga'a 'age ḏua toma 'ua re 'au wali moju, nange-ne re kasingado-ngadolo i'a, Ngoi nena-ne Unanga ga'a 'Ari kuasa ma pari cua.”