Filipi 3:19 - Jaji ma Su-sungi

¹⁹ Ma ḏo-ḏogumu tala, ngowa-ngowa'a ga'a 'aḏi 'ahu so'o gena, manga 'ahu 'i iranga sababu ananga 'aḏi silamo'o re siḏubuso manga nyafusu masiretene. Ananga 'aḏi matoro mangale manga de'oso re ḏegoro. Momongolo ua, sipula'a mara'a ananga masiretene. Ananga 'aḏi fikiri pa'i manga 'ahu toma dungia ḇato.

Filipi 3:19 Iomraidhean Croise

Matias 16:23

Yesus 'o magelelo i'a ra Petrus re 'o kanau, “Tagi i'a da'a, 'Iblisi! Ngana no dola'aku Ngoi. 'Ani fikirana, gena-ge manusia manga fikirana, Ma Jou'ongu Madutu 'ai fikirana ua.”

Matias 25:41

Gena ḏua, Ngoi 'Olana gena-ge to kanau toma ngowa-ngowa'a Tari kuḇali, ‘Ngini ngowa'a ma jira, ni tagi. Ni osama toma u'u ma lejanga ga'a kama sora-sora ua ga'a sidodahe ḏua di'a 'Iblisi re enanga ma mala'ekata-mala'ekata!

Lukas 12:19

Gena ḏua, ngoi to kanau tari 'akala re sinyingara ma dara, ‘Ngana no bara'utungu! 'Ori i'a ma la-la ngana na sanga ḏua mo-moini. Re kalaha ma di'ara rema musu-musungu, kama moini ua nena-ne si'a. Nange-ne no mangomasa! No oromo re ka'e re no masa-sanangi 'ani 'ahu.’

Lukas 16:19

“ 'Age rema ngowa'a matengo, unanga gena-ge ngowa'a rema-enanga. 'Ai pakeanga ma ijana hali-hali re 'ai 'ahu wange moi-wange moi 'o maro-rousu ḇato.

Lukas 18:4

Ma di'ara ino, juruhakimi gena-ge 'o riono ua balo gena-ge. Mada'a ma ḏo-ḏogumu tala juruhakimi gena-ge 'o mafikiri, ‘Kalaha ngoi to mojongo ua Ma Jou'ongu Madutu re to faduli ua 'a guna ḇato,

Roma 16:18

Sababu ngowa'a ga'a 'aḏi 'a'a so'o gena-ge ananga 'aḏi munara ua di'a nanga Jou Kristus, mada'a di'a sisanangi ḇato ananga manga 'akala re sinyingara ma mau masiretene. Ananga gena-ge 'aḏi baja re 'aḏi kanau rema demo-demo lai rousu madutu di'a sihaga ngowa'a ga'a waro 'oru rimoi ua.

Roma 6:21

Toma 'orasa gena-ge, ngini ni sanga ma 'utungu 'oru?! Ma 'utungu rimoi i'a mai ua! Siḏibo ḏi'i, nange-ne ngini reni mara'a mangale nanga 'ahu ma siḏa ga'a sigasa ngowa'a 'aḏi basono sengene kasingado-ngadolo i'a!

1 Korintus 3:3

Ngini ninga 'akala 'i go-goḏi matengo re matengo, ma'u rubutu matengo re matengo sababu mete'e ninga 'akala re sinyingara ma mau. Gena-ge 'i dadi didina'o rimoi mangale ngini dungia ma nyafusu nu'u piri'u re ngini ninga de'oso re ḏegoro ma tero sa'olo ngowa-ngowa'a 'aḏi nana'o Ma Jou'ongu Madutu nyangu.

1 Korintus 5:2

Kalaha so'o gena ngini ni momole moju! Momongolo ua ninga 'akala re sinyingara balasu 'i kangela re nu sisupu unanga gena-ge taninga sigolona sababu 'ai ga'a so'o gena-ge.

1 Korintus 5:6

Rousu ua, ngini ni momole. Ngini ni waro bolo ua 'ade-'ade ma betongo so'o ne: “Ragi pa'i ceka'a ua sikaluba toma tarigu, mada'a tarigu mo-moini 'i ramasa?!”

2 Korintus 11:12

'Oru ga'a ngoi ta si'a'a 'orasa nange-ne, ḏuanga i'a ta si'a'a tau-taunu, la “rasul-rasul” ma lelegu ananga 'aḏi mahie manga diri yoḏu'u re 'aḏi kanau yoḏu'u mangale ananga 'aḏi munara ma tero sa'olo ngomi, sababu ananga gena-ge 'aḏi golo'o bu-bula'a.

2 Korintus 11:15

Sababu gena-ge, heranga awa ḇato na'o 'Iblisi ma falalomu-falalomu 'i matuhu sa'olo Ma Jou'ongu Madutu 'ai falalomu. Ma ḏo-ḏogumu tala, ananga 'aḏi dawongo enanga ma bo-bangu mete'e ananga manga de'oso re ḏegoro.

Galatia 6:13

Momongolo ua, ngowa-ngowa'a ga'a ya mete'e suna ma 'atoranga mai, ananga gena-ge ya mete'e Musa 'ai hukumu mo-moini ua. Mada'a ananga pa'i 'aḏi mau ngini ni sanga suna, la ananga nga'unu 'aḏi matoro sababu ngini reni mete'e manga suna ma 'atoranga.

Filipi 2:21

Ngowa'a lelegu mo-moini pa'i ya fikiri mangale manga 'ahu masiretene ḇato, ya fikiri ua mangale Yesus Kristus 'ai mau.

Kolose 3:2

Ngini balasu ni siboloto ninga fikirana di'a ni disa tau-taunu 'ori i'a i'a toma soroga. Awa pa'i ni disa 'ori i'a i'a toma dungia nena-ne ma dara.

2 Tesalonika 1:9

Ananga gena-ge 'aḏi sanga hukumu kasingado-ngadolo i'a: ananga sanga upa'a toma giḏanga ra Ma Jou, dadi 'aḏi oḏi'i yoḏu'u 'Ai mulia re 'Ai kuasa lai lamo'o.

2 Tesalonika 2:12

Ngowa'a mo-moini ga'a 'aḏi ngaku ua habari banari mada'a 'aḏi nyanyaḏi 'a'a 'ori i'a ma jira; ma ḏo-ḏogumu tala, ananga gena-ge Ma Jou'ongu Madutu ya'u sihukumu.

2 Tesalonika 2:8

ngowa'a matengo 'ai 'akala re sinyingara lai cira madutu 'o waiti re Ma Jou Yesus 'o sisengene ngowa'a matengo gena-ge pa'i Rai demo ḇato re 'O singi-ngiranga unanga gena-ge 'ai kuasa Rai kabasarana wakutu Unanga dadunu 'o sapolo moju.

1 Timotius 6:5

re ma'u sangoro kama ḏo-ḏogumu ua. Ngowa-ngowa'a gena-ge manga fikirana ri tupunu di'a do-doto'o banari dadi mafikiri 'i banari riwara. Ananga gena-ge 'aḏi ta'ajiri na'o mete'e 'agama 'aḏi dadi ngowa'a rema-enanga.

2 Timotius 3:4

Ananga nyanyaḏi ma'u sijira, 'aḏi momole, re 'aḏi madibanga kiḏanga ua, ananga lebe nyanyaḏi dungia ma nyafusu, 'aḏi ḇusuru mete'e Ma Jou'ongu Madutu 'ai 'akala ma mau.

Yakobus 4:16

Mada'a nange-ne ngini ni matoro re momole; 'ahu ma duhu so'o gena-ge 'i rapu.

2 Petrus 2:1

Mada'a 'ua re 'au wali moju, nabi-nabi sa-sakala ri waiti toma ngowa-ngowa'a Israel manga sigolona. So'o gena ḏi'i, guru-guru sa-sakala ḏuanga i'a 'aḏi waiti masigogoro taninga sigolona. Ananga 'aḏi singosama manga do-doto'o ma banari ua, singadolo ngowa'a 'aḏi ngaku 'a Kristus riwara. Guru-guru sa-sakala gena-ge raḏi mangaku riwara Ma Jou, ga'a 'Ai kuasa ma pari cua re 'O tuusu ananga. Manga ga'a so'o gena, dadi ananga manga diri masiretene lai caiti sigasa toma sengene kasingado-ngadolo i'a.

2 Petrus 2:13

Ananga ḏuanga i'a 'aḏi sanga hukumu ga'a 'i mete'e ananga manga ga'a masiretene. Toma 'orasa wa-wangere, ananga manga 'akala re sinyingara 'i sanangi na'o 'aḏi 'a'a 'oru ḇato di'a sisanangi ananga manga nyafusu ma cafarune. Na'o ananga gena-ge 'aḏi tegoro mamete'e ra ngini toma laya, ni basono mara'a, sababu 'aḏi 'etolo re 'aḏi mete'e ananga manga nyafusu ma cafarune.

2 Petrus 2:3

Guru-guru sa-sakala gena-ge 'aḏi nyafusu pipisi lai repe. Dadi ananga 'aḏi disa 'utungu madiga'a carita masiretene ra ngini. Ma di'ara ḏua Ma Jou'ongu Madutu ro sidodahe hukumu di'a ananga re ma 'orasa ri co-cori ḏua, wakutu Unanga ya'u singeta'a sengene kasingado-ngadolo i'a ra ananga.

Yudas 1:10

Mada'a ngowa-ngowa'a gena-ge 'aḏi sipula'a mara'a 'oru ḇato ga'a 'aḏi sahe ua. Ananga site-tero sa'olo haiwani ga'a mafikiri ua, mada'a pa'i 'a'a ḇato. Dadi de'oso re ḏegoro so'o gena-ge pa'i 'aḏi sahe ḇato. Re sababu ananga manga de'oso re ḏegoro gena-ge, ananga 'aḏi sanga hukumu lai ḏubuso ra Ma Jou'ongu Madutu tala.

Yudas 1:16

Ngowa-ngowa'a gena-ge pa'i tegoro magu-guḏubungu re sisala ngowa'a lelegu. Ananga gena-ge pa'i 'aḏi mete'e manga nyafusu ma jira masiretene ḇato, 'aḏi mahie manga diri re 'aḏi pake demo-demo ma mami di'a 'aḏi sanga ma 'utungu.

Yudas 1:4

Sababu ngene masiwaro ua, 'age rema ngowa'a ga'a 'aḏi sapolo ma'u capuru tananga sigolona. Ananga gena-ge ngowa-ngowa'a ga'a sito-to'u Ma Jou'ongu Madutu re 'aḏi doto'o ngowa'a mangale ananga nyengara 'aḏi mete'e 'akala re sinyingara manga nyafusu ma jira sababu Ma Jou'ongu Madutu ya'u dadalara. Dadi ananga gena-ge 'aḏi sicelolo habari mangale nanga Jou'ongu Madutu 'ai mura re dadalara, la 'aḏi sanga donga di'a mete'e ti-tiai manga 'akala re sinyingara ma jira. Ananga 'aḏi sito-to'u Yesus Kristus, pa'i nanga 'Olana re nanga Jou ḇato. 'Ua re 'au wali moju ananga manga hukumu ya sinubuata re 'i silefo ḏua toma Boku 'Ofi-'Ofi ma dara.

Tingoýi 18:7

Nange-ne ni pula'a sangisara re 'akala re sinyingara kangela ma tero ra ananga, sa'olo ma siḏa ananga manga 'ahu pai-pai'i re sanangi ḏua, sababu ananga ma tero sa'olo we-were'a ga'a mo momole re mo kanau, ‘Ngoi nena-ne 'olana we-were'a ga'a to pareta; ngoi nena-ne, we-were'a balo ua, re ngoi ḏuanga i'a kama basono 'akala kangela ua!’

Tingoýi 19:20

Mada'a haiwani gena-ge re nabi sa-sakala ga'a 'aḏi 'a'a didina'o heranga toma haiwani gena-ge ma biono, ananga gena-ge 'aḏi sanga cako'o. (Nabi sa-sakala 'o 'a'a didina'o heranga gena-ge, la 'o sihaga ngowa-ngowa'a ga'a remanga nana'o haiwani gena-ge re ngowa-ngowa'a ga'a 'aḏi silamo'o re siḏubuso dulada haiwani gena-ge.) Ḏua haiwani re nabi-nabi sa-sakala gena-ge 'aḏi siupa'a koro-koro toma ngoloto u'u ga'a rema walira leja-lejanga.

Tingoýi 21:8

Mada'a ngowa'a ga'a manga ngo-ngaku taḇe i'a, ngowa'a 'aḏi ngaku ua, ngowa-ngowa'a ga'a madiga'a jira, ngowa-ngowa'a ga'a sisengene ngowa'a, ngowa'a su-sudala, ngowa'a ga'a 'a'a sarati, ngowa'a ga'a 'aḏi silamo'o re siḏubuso jou'ongu ma somoara, ngowa'a sa-sakala, ananga mo-moini gena-ge ḏuanga i'a 'aḏi siupa'a toma ngoloto u'u ga'a walira leja-lejanga. Gena-ge ma ngale: Ananga 'aḏi basono sengene ma soi ḏiḏi.”

Tingoýi 22:15

Mada'a ngowa-ngowa'a ga'a madiga'a 'ori i'a ma jira: Ananga ga'a 'aḏi 'a'a sarati, 'aḏi su-sudala, 'aḏi sisengene ngowa'a, 'aḏi silamo'o re siḏubuso jou'ongu ma somoara, ngowa'a sa-sakala, bae tamanga demo re ganau bolo tamanga de'oso re ḏegoro; ananga mo-moini gena-ge manga ngi'i toma limau ma ḏuḏunu.