Filipi 3:18 - Jaji ma Su-sungi

¹⁸ Ma jelele ḏua, ngoi to siajele ra ngini — re nange-ne dadunu ta siajele rari 'ongoro ra ngini — mangale ngowa'a repe manga 'ahu 'i ma'u sabi ḏuḏunu ra Kristus 'ai se-sengene toma salib ma maksudu.

Filipi 3:18 Iomraidhean Croise

Lukas 19:41

Wakutu Yesus 'o co-cori limau Yerusalem re oḏi'i limau gena-ge, Unanga 'a gaḏi

Yesus 'ai so-soma'a 20:19

Kalaha ngoi to kangela masala sababu ngowa'a Yahudi ya sidodai manga 'akala ma jira ra ngoi, ngoi to munara ra Ma Jou'ongu Madutu rari 'akala re sinyingara to maholo tala re rari 'ongoro.

Roma 9:2

'Ari 'akala re sinyingara 'i basono kangela masala re 'i sangisara tau-taunu,

1 Korintus 1:18

Ngowa-ngowa'a ḏuanga i'a ga'a 'aḏi sanga sengene kasingado-ngadolo i'a, manga goro ino habari mangale Kristus 'O sengene toma salib 'i ma tero sa'olo 'ori i'a ga'a osama 'akala ua. Mada'a ra ngene ga'a Ma Jou'ongu Madutu 'o sisalamata ḏua, habari gena-ge 'i sijumu Ma Jou'ongu Madutu 'ai kuasa di'a 'O sisalamata ngowa'a.

1 Korintus 6:9

Ngini ni waro bolo ua mangale ngowa-ngowa'a ga'a mete'e ua Ma Jou'ongu Madutu 'ai 'akala ma mau, ananga gena-ge 'aḏi sanga nyo-nyoimi ua ra Ma Jou'ongu Madutu 'ai ngowa-ngowa'a?! Awa ngowa'a nu'u sihaga ngini: Ngowa-ngowa'a ga'a 'aḏi sudala, 'aḏi silamo'o re siḏubuso jou'ongu ma somoara, 'aḏi tinikai, na-nau'u su-sudala, ma'u nakala na-nau'u re na-nau'u, ga'a gena-ge pa'i sipula'a mara'a na-nau'u ḇato,

2 Korintus 11:13

Ngowa-ngowa'a so'o gena-ge rasul-rasul sa-sakala. Ananga ngowa-ngowa'a munara ga'a pa'i 'aḏi taḏusu ngowa'a manga la'o ḇato re 'aḏi matuhu ḇato sa'olo Yesus 'ai so-soma'a.

2 Korintus 11:29

Na'o 'age rema ngowa'a matengo i'a 'o basono lamahana, ngoi ḏi'i to basono ma tero sa'olo unanga. Na'o 'age rema ngowa'a matengo i'a 'o eta'a toma ḏosa, ngoi 'ari 'akala re sinyingara 'i kangela.

2 Korintus 2:4

Ngoi 'ari 'akala re sinyingara 'i tola'a re kangela lai siḏi, singadolo 'ari 'ongoro mai turono wakutu to lefo surata gena-ge ra ngini. 'Ari maksudu, awa ngini ninga 'akala re sinyingara 'i dadi kangela, mada'a balasu ni waro ngoi mode-mode'e tini dadalara ngini.

Galatia 1:7

Habari Roanga gena-ge ga'a ngomi mi singadolo ra ngini, enanga pa'i habari mangale salamata ḇato ra Ma Jou'ongu Madutu. Habari mangale salamata ma lelegu 'i cua ra Ma Jou'ongu Madutu. Mada'a 'age rema ngowa'a ga'a raḏi sihaga ngini, ananga mau ya singali do-doto'o toma Habari Roanga mangale Kristus.

Galatia 2:14

Wakutu ngoi to oḏi'i ananga manga de'oso re ḏegoro 'i mete'e ua do-doto'o banari toma Habari Roanga; ngoi to kanau ra Petrus toma jama'ata manga biono, “Na'o ngana sa'olo ngowa'a Yahudi no mete'e Yahudi manga 'atoranga ua, ngana no 'ahu ma tero sa'olo ngowa'a Yahudi ua! Dadi, i'a sa'olo nange-ne ngana mau no simau-mau ioronongoḏu ngo-ngaku rimoi ga'a ngowa'a Yahudi ua 'aḏi sanga suna, dadi 'aḏi 'ahu ma tero sa'olo ngowa'a Yahudi?!”

Galatia 2:21

Ngoi ta itomo ua Ma Jou'ongu Madutu 'ai mura re dadalara toma manusia. Na'o matengo nyengara 'o dadi ngowa'a kai sala ua sababu 'o mete'e 'a Musa 'ai hukumu, Kristus 'ai se-sengene toma salib ma faeda 'i cua.

Galatia 5:21

'akala go-goḏi, ma'eto-'etolo, 'a'a laya 'i pai-pai'i re ma repe moju. Mo-moini gena-ge, ngoi dadunu to sipo-poma moju ra ngini ma tero sa'olo 'au nga'ene ngoi to sipo-poma ḏua ra ngini: Na'o 'a guna ḇato manga ga'a so'o gena-ge, ananga ḏuanga i'a 'aḏi osama nyo-nyoimi ua ra Ma Jou'ongu Madutu 'ai ngowa-ngowa'a.

Galatia 6:12

Ngowa'a gena-ge 'aḏi makutale simau-mau ngini di'a ni masuna sababu ananga gena-ge 'aḏi mau matoro toma ngowa'a Yahudi mangale ma duhu sa'olo 'aḏi mete'e 'atoranga pa'i ngowa'a nyengara 'aḏi oḏi'i ḇato. Ananga pa'i 'aḏi 'a'a so'o gena ḇato, la awa ngowa'a Yahudi ya'u sisikisa ananga. Sababu na'o ananga 'aḏi singadolo mangale Ma Jou'ongu Madutu 'o sisalamata pa'i ngowa'a ga'a 'aḏi ngaku ra Kristus 'ai se-sengene toma salib ḇato, ngowa'a Yahudi ya'u sisikisa.

Galatia 6:14

Mada'a ngoi masiretene to oḏu'u madutu to matoro mangale 'oru ḇato, ḏuga-ḏuga ngoi mau to sitoro mangale nanga Jou Yesus Kristus ga'a ro sengene toma salib di'a ngene. Sababu Unanga 'ai se-sengene gena-ge, ngoi to 'ahu ma tero ua sa'olo manusia toma dungia nena-ne ga'a 'aḏi mete'e manga nyafusu ma jira. Re ḏi'i, manusia toma dungia nena-ne ya sahe ua mangale 'ari 'ahu marimoi ra Ma Jou Yesus.

Efesus 4:17

Sababu gena-ge, ngoi to kanau re to mate'e reo Ma Jou'ongu Madutu 'ai kuasa: Awa ni 'ahu ma tero sa'olo ngowa'a 'aḏi nana'o Ma Jou'ongu Madutu ua, re ga'a ninga fikirana ma faeda 'i cua.

Filipi 1:4

Re toma 'orasa 'oru ḇato ngoi to manyiata di'a 'ari ioronongoḏu ngo-ngaku rimoi ngini mo-moini, ngoi to manyiata tau-taunu rari 'akala re sinyingara ma roanga.

1 Tesalonika 4:6

Toma dara ma tero so'o gena-ge, awa ngini ni 'a'a sala bolo ni sihaga taninga ioronongoḏu ngo-ngaku rimoi. 'Au wali, ngomi mi sipo-poma ḏua ra ngini sababu na'o ni 'a'a so'o gena, Ma Jou'ongu Madutu nu sihukumu.

2 Tesalonika 3:11

Ngomi mi bererongo so'o nena-ne, sababu mi 'isene taninga sigolona 'age rema ngowa'a ga'a 'aḏi munara ḇusuru. Ananga 'aḏi munara ceka'a i'a mai ua, pa'i 'aḏi nyanyaḏi capuru ngowa'a lelegu manga 'urusana.

2 Petrus 2:10

Unanga 'ai hukumu ḏuanga i'a 'i lebe ḏubuso di'a ananga ga'a 'aḏi mete'e manga 'akala re sinyingara ma jira: 'aḏi su-sudala re 'aḏi je-jengere Ma Jou'ongu Madutu 'ai kuasa. Ngowa'a gena-ge, guru-guru sa-sakala, 'aḏi mojongo ua re 'aḏi momole singadolo ananga kamanga mojongo ua di'a 'aḏi je-jengere 'ori i'a rema kuasa ga'a manusia wa oḏi'i yoḏu'u.

Yudas 1:13

Ananga gena-ge manga de'oso re ḏegoro pa'i sipula'a mara'a ḇato ma tero sa'olo momoku toma ngoloto 'o rato ya wusu-wusu ga'a sibaolo jeremoto. Ananga ma tero sa'olo mumuḏungu-mumuḏungu ga'a 'i tagi le'a ḇato sababu sigasa ngowa'a toma ngo'omo 'i pale-pale. Dadi di'a ananga Ma Jou'ongu Madutu ya'u sidodahe ḏua manga ngi'i toma hafu-hafu masala ga'a kasingado-ngadolo i'a.