Filipi 3:16 - Jaji ma Su-sungi

¹⁶ Mada'a ngene nanga 'ahu balasu mete'e do-doto'o ga'a Ma Jou'ongu Madutu ra sijumu ḏua ra ngene.

Filipi 3:16 Iomraidhean Croise

Roma 12:16

Ngini ni 'ahu ma'u 'aro'o la matengo re matengo. Awa ni matoro, mada'a ni siholo tala ninga diri re ni 'ahu marimoi reo ngowa'a ga'a manga ḏe-ḏegoro toma 'aḏu. Awa ni sitede ninga diri sa'olo ngowa'a pahe masala, mada'a so'o gena ua.

Roma 15:5

Ngoi to golo'o ra Ma Jou'ongu Madutu ga'a nu sibabata ninga 'akala re sinyingara re siriono ngene wo tahana toma susa re sangisara ma dara, di'a nu siriono ngini ni 'ahu ma'u 'aro'o la ino matengo re matengo sa'olo ngini ni mete'e Kristus Yesus,

Galatia 5:7

'Au nga'ene, ngini ni sijumu ninga cufala di'a ni mete'e do-doto'o 'i banari. I'a sa'olo 'orasa nange-ne ngini ni mete'e riwara do-doto'o gena-ge?! 'Au nga'ene, ngini ni ma tero sa'olo ngowa'a 'aḏi lalara lai siḏi, kara ngowa'a ma lelegu 'aḏi dola'aku ngini, singadolo ngini ni matogumu ni lalara. 'A guna nu'u sihaga ngini?!

Galatia 6:16

Ngoi to golo'o ra Ma Jou'ongu Madutu mangale 'O pula'a dame re 'O sijumu dadalara toma ngowa'a mo-moini ga'a manga 'ahu 'i mete'e Ma Ngagara 'Ofi-'Ofi ma nyafusu, ananga ga'a raḏi osama nyo-nyoimi ra Ma Jou'ongu Madutu 'ai 'umata, Unanga 'ai bangsa Israel mode-mode'e.

Filipi 1:27

'Orasa nange-ne, lebe la-lamo'o i'a ngini ninga 'ahu ma duhu balasu 'i patasa di'a ngowa'a ga'a 'aḏi mete'e Habari Roanga mangale Kristus gena-ge. Dadi, bae ngoi to ma'u sanga moju bolo sanga riwara ra ngini, ngoi ḏuanga i'a ta 'isene mangale ngini ni marimoi. Re ḏi'i ngini ni marimoi taninga munara di'a ni sibukiti mangale Habari Roanga gena-ge 'i banari, dadi ngowa-ngowa'a ḏuanga i'a ya ngaku.

Filipi 2:2

Sababu mo-moini gena-ge, la ngini ni sitiai 'ari roanga, ngoi to golo'o ngini ni 'a'a so'o ne: Ngini ninga 'ahu ma'u 'aro'o la matengo re matengo, ni sirimoi ninga dadalara matengo re matengo, ni sirimoi ninga putusanga re ni sirimoi ninga maksudu.

Filipi 4:2

Ngoi to golo'o mode-mode'e ngo Euodia re ngoi to golo'o mode-mode'e ngo Sintike ḏi'i mangale ngini balasu ninga 'akala re sinyingara na sirimoi, sababu ngini reni marimoi ra Ma Jou.

Kolose 2:6

Ioronongoḏu ngo-ngaku rimoi, ngini reni dawongo Kristus Yesus, sa'olo ninga Jou. Sababu gena-ge, wange moi-wange moi ngini ninga de'oso re ḏegoro demo re ganau balasu 'i ma tero sa'olo ngowa'a ga'a manga 'ahu 'i marimoi ḏua ra Unanga:

Kolose 4:2

Ngini balasu ni manyiata tau-taunu. Sidogo ḏi'i, ngini balasu ni ma'istiari re ni sibere ie murasa ma la ra Ma Jou'ongu Madutu.

Tingoýi 3:3

Sababu gena-ge, 'elingi do-doto'o ga'a ngini rena 'isene 'au nga'ene re na mete'e mode-mode'e gena-ge re ni maḏibo toma ngo'omo boloto. Na'o so'o gena ua, Ngoi ḏuanga i'a to sapolo sa'olo ngowa'a to-tori'i, re ngini ni waro ua ma 'orasa ga'a Ngoi to sapolo.