Filipi 3:14 - Jaji ma Su-sungi

¹⁴ Sababu gena-ge, ngoi to lalara turusu ta meta-meta i'a 'ari maksudu, la ta sanga ngogele. Gena-ge ma ngale: 'Ahu toma soroga, di'a gena-ge Ma Jou'ongu Madutu ri 'aro'o ngoi di'a to marimoi ra Kristus Yesus.

Filipi 3:14 Iomraidhean Croise

Lukas 16:16

Musa 'ai hukumu 'i singadolo re nabi-nabi manga do-doto'o 'i siḏagi tau-taunu singadolo toma 'orasa Yohanes tukanga baptis. Mada'a mulaingi toma 'orasa gena-ge, Habari Roanga mangale Ma Jou'ongu Madutu 'ai Pareta 'i singadolo tau-taunu re ngowa-ngowa'a 'aḏi makutale mode-mode'e di'a 'aḏi osama nyo-nyoimi ra Ma Jou'ongu Madutu 'ai Pareta.

Roma 11:29

Sababu na'o Ma Jou'ongu Madutu ro cumutu re ro sibarakati bangsa rimoi, sanga ua Unanga 'a sitotomo ua 'oru ga'a Unanga ro sijaji re Unanga ra si'a'a ma siḏa.

1 Korintus 9:24

Ngini ni waro bolo ua, mangale ngowa'a 'aḏi marerebe lalara, ngowa'a mo-moini 'aḏi lalara, mada'a pa'i matengo ḇato sanga nomoro?! Sababu gena-ge, ngini ninga de'oso re ḏegoro balasu ma tero sa'olo ngowa'a ga'a lalara makutale mode-mode'e di'a sanga nomoro.

2 Korintus 4:17

Nange-ne ngomi basono sangisara mada'a gena-ge 'i ti'ara ua re ḏubuso woḏi ua. Ḏuanga i'a ngomi mi sanga ngogele lai lamo'o. Re na'o site-tero ngogele gena-ge reo sangisara ga'a mi basono, ngogele gena-ge ma pari cua re kama ḏo-ḏogumu ua.

Filipi 3:3

Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

Kolose 2:18

Awa ngini ni isene toma ngowa'a ga'a sisala ngini. Ngowa'a gena-ge 'aḏi masa-sakala maholo manga diri re 'aḏi silamo'o re siḏubuso mala'ekata-mala'ekata. Na'o ngini ni mete'e ananga gena-ge, ḏuanga i'a ninga ngogele ra Ma Jou'ongu Madutu 'i iranga. Ananga gena-ge 'aḏi siajele da-dadunu mangale manga tingoḏi-tingoḏi'i. Dadi ananga 'aḏi basono momole! Mada'a ananga gena-ge guru-guru sa-sakala ḇato ga'a manga momole 'i mete'e manga fikirana toma dungia ḇato.

1 Tesalonika 2:12

Ngomi mi golo'o mode-mode'e re babata tau-taunu ngini di'a ni 'ahu mete'e Ma Jou Yesus 'ai do-doto'o, la ni sisanangi Ma Jou'ongu Madutu 'ai 'akala re sinyingara; sababu Unanga nu 'aro'o ngini ni dadi 'Ai ngowa-ngowa'a masiretene, ga'a Unanga ḏuanga i'a nu parenta rema kabasarana.

2 Timotius 1:9

Ma Jou'ongu Madutu na sisalamata ngene re 'O 'aro'o ngene, la wo dadi Unanga 'ai ngowa-ngowa'a masiretene ga'a Unanga 'o cumutu ḏua. I'a sa'olo Ma Jou'ongu Madutu 'a si'a'a so'o gena? Sababu ngene wo madaga'a 'ori i'a ma la-la; so'o gena-ge ua! Mada'a, sababu mete'e Unanga 'ai mau re Unanga 'ai mura re dadalara ḇato. Wakutu Unanga 'o sidadi nyangu dungia, Unanga ro sitantukanga ḏua 'O pula'a 'Ai mura re dadalara gena-ge ra ngene sababu Kristus Yesus.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.

'Ibrani 6:1

Sababu gena-ge ioronongoḏu ngo-ngaku rimoi, awa pa'i ino madoto'o do-doto'o ma mulaingi mangale Kristus ḇato. Siḏibo ḏi'i, ino madoto'o do-doto'o mangale site'e nanga ngo-ngaku. Awa pa'i ino madoto'o do-doto'o ma mulaingi ḇato bae sisoi'i tala ḏosa re maḏibo toma ngo'omo boloto, bae ngaku Ma Jou'ongu Madutu, la wo sanga ua sengene kasingado-ngadolo i'a,

1 Petrus 1:13

Sababu gena-ge, ngini balasu ninga 'akala re sinyingara 'i ḏu-ḏuanga ḏua di'a ni mete'e Ma Jou'ongu Madutu 'ai demo. Ni ma'istiari ninga 'ahu re ni masinganono pa'i ra Ma Jou'ongu Madutu 'ai barakati ḇato ga'a Unanga ḏuanga i'a 'o pula'a ra ngini wakutu Yesus Kristus dadunu 'o sapolo re masijumu 'ai diri.

1 Petrus 5:10

Ti'ara ua, ngini ni basono ma sangisara. Togumu i'a Ma Jou'ongu Madutu 'o sitiai ngini moju: Unanga gena-ge masiretene 'O site'e ninga ngo-ngaku, la ninga ngo-ngaku kama elala ua, mada'a ni nga'unu tahana toma 'oru ḇato. Unanga 'o 'a'a so'o gena-ge, sababu Unanga romanga mura re dadalara re Ro 'aro'o ngini di'a ni sanga balangu Tai kabasarana kama ḏo-ḏogumu ua, sababu ni marimoi ra Kristus.

2 Petrus 1:3

Ma Jou'ongu Madutu 'a siḏagi 'Ai kuasa 'O pula'a 'oru ḇato ga'a ngene paralu, la nanga 'ahu nyengara 'i cuḏuḏu'u Ma Jou Yesus. Nange-ne ngene nyengara wa si'a'a sababu ngene rewo nana'o Ma Jou'ongu Madutu. Re sababu 'Ai 'akala re sinyingara la-la masala re 'Ai kabasarana, Unanga gena-ge na 'aro'o ngene, la ngene dadi 'Ai ngowa-ngowa'a,

Tingoýi 3:21

'A guna ḇato 'ai ngo-ngaku ra Ngoi kama elala ua singadolo 'o sengene, Ngoi ta'u pula'a ma 'olana 'ai ḏe-ḏegoro Tari 'Olana 'ai ḏe-ḏegoro ma kaci moi i'a. So'o gena-ge ḏi'i, nange-ne Ngoi to tegoro toma 'Olana 'ai ḏe-ḏegoro Tari Ḇaḇa ma 'Olana 'ai ḏe-ḏegoro tai kuwiḏa, sababu Ngoi masiretene ḏi'i 'Ari ngo-ngaku ra Unanga kama elala ua singadolo To sengene.