Filipi 3:12 - Jaji ma Su-sungi

¹² Ngoi to kanau ua mangale ngoi 'ari duhu 'i ti-tiai bolo 'i ḏu-ḏuanga ḏua, mada'a ngoi to makutale tau-taunu di'a to dadi ma tero sa'olo Kristus Yesus. Ma sababu gena-ge, Unanga ri 'aro'o ngoi di'a to marimoi ra Unanga.

Filipi 3:12 Iomraidhean Croise

Matias 5:48

Sababu gena-ge, ngini nena-ne balasu ni dadalara ti-tiai ngowa'a mo-moini ma tero sa'olo nanga Ḇaḇa toma soroga ga'a 'o dadalara ti-tiai ngowa'a mo-moini.”

Yesus 'ai so-soma'a 9:15

Mada'a Ma Jou 'o kanau ra Ananias, “Tagi ḇato! Sababu Ngoi to cumutu unanga 'o de-de'oso Ngoi. Unanga 'o sihabari mangale Ngoi toma ngowa-ngowa'a Yahudi ua re manga 'olana re ngowa-ngowa'a Israel ḏi'i.

Roma 8:39

bae 'ori i'a toma diwanga bolo toma dungia ma dara, bolo 'oru ma lelegu ra Ma Jou'ongu Madutu 'ai do-dadi, mo-moini gena-ge ya dola'aku yoḏu'u Ma Jou'ongu Madutu 'ai dadalara ra ngene, sababu Kristus Yesus nanga Jou.

1 Korintus 13:10

Mada'a ḏuanga i'a wakutu Ma Jou'ongu Madutu 'a sitiai mo-moini, cocatu gena-ge 'i iranga sababu ngene wa paralu riwara.

1 Korintus 13:12

'Oru ga'a ngene wa oḏi'i nange-ne, ma tero sa'olo wa oḏi'i nanga guḏumingi toma kasina, enanga 'i sairamu moju. Mada'a ḏuanga i'a ngene wo oḏi'i Unanga tarangi madutu sababu ma'u talaḏi biono. Nange-ne, ngoi ta nana'o mo-moini nyangu mangale Ma Jou'ongu Madutu. Mada'a ḏuanga i'a ngoi tu nana'o Unanga mode-mode'e, ma tero sa'olo Unanga ro nana'o ngoi mode-mode'e.

1 Korintus 9:24

Ngini ni waro bolo ua, mangale ngowa'a 'aḏi marerebe lalara, ngowa'a mo-moini 'aḏi lalara, mada'a pa'i matengo ḇato sanga nomoro?! Sababu gena-ge, ngini ninga de'oso re ḏegoro balasu ma tero sa'olo ngowa'a ga'a lalara makutale mode-mode'e di'a sanga nomoro.

2 Korintus 13:9

Ngomi sanangi, na'o ngowa'a 'aḏi fikiri ngini ninga ngo-ngaku 'i te'e mada'a ananga 'aḏi ta'ajiri ngomi mi lamahana sababu mi sijumu ua minga kuasa di'a sihukumu ngini. Re ngomi ḏi'i mi manyiata mangale ngini dadunu ni dadi ngowa'a ga'a 'aḏi 'a'a 'oru ḇato mete'e tau-taunu Ma Jou'ongu Madutu 'ai 'akala ma mau.

2 Korintus 7:1

Ioronongoḏu ngo-ngaku rimoi ga'a ngoi tini dadalara, ngene rewo sanga Ma Jou'ongu Madutu 'ai jaji mo-moini. Sababu gena-ge, ngene balasu wa si'ofi nanga diri toma 'ori i'a faja-faja mo-moini ga'a sifaja nanga lese re nyawa. Ngene balasu wo mete'e Ma Jou'ongu Madutu renanga 'akala re sinyingara mode-mode'e re wo mojongo madiga'a 'oru ḇato ga'a Unanga 'o nyanyaḏi ua.

Galatia 5:17

Sababu manusia manga nyafusu ma jira enanga 'i lawana Ma Ngagara 'Ofi-'Ofi ma nyafusu. Re so'o gena ḏi'i, Ma Ngagara 'Ofi-'Ofi ma nyafusu enanga 'i lawana manusia manga nyafusu. Fara ḏiḏi gena-ge enanga ma'u tolabe. Dadi sanga ua, ngini ni madaga'a tau-taunu 'ori i'a ma la-la, ga'a 'i mete'e ngini ninga mau.

Efesus 1:4

Dungia 'i dadi nyangu, Unanga rena pili ngene ḏuanga i'a wo dadi marimoi ra Kristus, la ngene wo dadi Unanga 'ai ngowa-ngowa'a, kananga ḏosa ua re kananga sala ua ra Unanga 'ai momina.

Efesus 4:12

Unanga 'o 'a'a so'o gena-ge, la Ma Jou'ongu Madutu 'ai 'umata kama kuranga ua di'a nga'unu munara ra Ma Jou'ongu Madutu re site'e jama'ata ga'a ma tero sa'olo Kristus 'ai lese.

Filipi 1:1

Surata ne ra ngoi Paulus, re Timotius ḏi'i, ngomi ga'a ta Kristus Yesus ma tero sa'olo 'Ai budaka. Ngomi mi siḏingoto surata nena-ne ra ngini ioronongoḏu ngo-ngaku rimoi mo-moini ga'a ni tegoro toma limau Filipi re reni marimoi ra Kristus Yesus, sidogo ḏi'i ioronongoḏu ngo-ngaku rimoi ga'a jama'ata ma bi-biri'i re jama'ata ma ri-riono:

Filipi 3:16

Mada'a ngene nanga 'ahu balasu mete'e do-doto'o ga'a Ma Jou'ongu Madutu ra sijumu ḏua ra ngene.

Filipi 3:3

Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

Filipi 3:8

Pa'i gena-ge ḇato ua, mada'a mo-moini ma tero sa'olo enanga gena-ge ga'a ngoi ta 'a'a ma siḏa, nange-ne ngoi ta site-tero enanga gena-ge ma faeda 'i cua ra ngoi. 'Oru ga'a 'age ra ngoi toma 'orasa nange-ne enanga ma ijana lai hali madutu, gena-ge mangale nana'o Kristus Yesus 'ari Jou. Sababu Kristus, ngoi ta sieanga mo-moini ga'a ma siḏa ngoi to site-tero 'i sigasa Ma Jou'ongu Madutu 'ai barakati ra ngoi. Mo-moini gena-ge ma tero sa'olo jeremoto, la ngoi nga'unu to dawongo Kristus,

1 Tesalonika 5:15

Ni ma'istiari ino: Na'o ngowa'a 'aḏi 'a'a cira ngini, ngini 'a'a cira ananga awa. Siḏibo ḏi'i, ngini balasu ni ma'u riono re ni ma'u sioḏi'i matengo re matengo ra guna ḇato.

2 Tesalonika 2:13

Ioronongoḏu ngo-ngaku rimoi ga'a Ma Jou Yesus 'o dadalara, mode-mode'e 'i banari mangale ngomi mi sibere ie minga murasa ma la ra Ma Jou'ongu Madutu tau-taunu mangale ngini. Sababu toma 'ua re 'au wali moju Ma Jou'ongu Madutu 'o cumutu ḏua ngini, la sisalamata ngini. Enanga gena-ge 'i dadi, sababu Ma Ngagara 'Ofi-'Ofi 'i sidadi ngini Unanga 'ai ngowa'a 'ofi-'ofi, re sababu ngini ni ngaku habari banari ra Ma Jou'ongu Madutu ino.

1 Timotius 5:10

re we-were'a remanga lomanga re ngongaje sa'olo we-were'a ga'a si'a'a 'ori i'a ma la-la ma tero sa'olo: ya dadanu manga ngowa'a ce-ceka'a i'a moju singadolo 'aḏi la-lamo'o, 'aḏi sanangi tamanga ioro re nongoḏu na'o 'aḏi tuḏu tamanga wala, 'aḏi de-de'oso ngowa'a ngaku Yesus, riono ngowa-ngowa'a ma dinga'unu ua, re 'aḏi madaga'a mode-mode'e munara 'oru ḇato ma la-la.

1 Timotius 6:19

Na'o ananga 'aḏi 'a'a so'o gena, ma tero sa'olo ananga 'aḏi gogono manga harata toma soroga. Gena-ge 'i dadi ananga manga golago di'a wakutu Yesus ḏuanga i'a dadunu sapolo moju, la ananga 'aḏi dawongo 'ahu banari.

'Ibrani 12:14

Ngini balasu ni makutale mode-mode'e ni 'ahu dame reo ngowa'a mo-moini. Re ni makutale mode-mode'e ni 'ahu 'ofi-'ofi, sababu pa'i ngowa'a ga'a manga 'ahu so'o gena ḇato, ḏuanga i'a 'aḏi oḏi'i Ma Jou'ongu Madutu.

'Ibrani 12:23

Ngini reni sapolo talaḏi ra Ma Jou'ongu Madutu 'ai ngowa nau'u ma jomolo manga lo-lomu, ga'a manga lomanga 'i silefo toma soroga. Ngini reni sapolo talaḏi ra Ma Jou'ongu Madutu ga'a 'o sijuruhakimi manusia mo-moini, ngini reni sapolo talaḏi ḏi'i ngowa'a loasa re banari manga roh, ananga gena-ge ga'a raḏi sengene re raḏi dadi ti-tiai toma soroga.

'Ibrani 13:21

Dadi ngoi to golo'o ra Ma Jou'ongu Madutu ga'a 'O dame ma cimi ga'a 'O siti-tiai ngini reo 'ori i'a mo-moini ma la-la ga'a ngini paralu di'a na si'a'a Unanga 'ai 'akala ma mau. Ngoi ḏi'i to golo'o mangale sababu Yesus Kristus nanga lese to golona, Ma Jou'ongu Madutu 'o munara tananga 'akala re sinyingara 'oru ḇato 'i sisanangi Tai momina. Ino ngene wo puji re silamo'o Yesus Kristus kasingado-ngadolo i'a. 'Amin.

Yakobus 3:2

Ngene mo-moini soi rai o'o i'a repe wo 'a'a ḏosa. Mada'a ngowa'a ga'a 'a'a ḏosa ua remanga demo re ganau, ananga gena-ge ngowa'a tiai, nga'unu 'aḏi kawasa lese rimoi mo-moini.

1 Petrus 5:10

Ti'ara ua, ngini ni basono ma sangisara. Togumu i'a Ma Jou'ongu Madutu 'o sitiai ngini moju: Unanga gena-ge masiretene 'O site'e ninga ngo-ngaku, la ninga ngo-ngaku kama elala ua, mada'a ni nga'unu tahana toma 'oru ḇato. Unanga 'o 'a'a so'o gena-ge, sababu Unanga romanga mura re dadalara re Ro 'aro'o ngini di'a ni sanga balangu Tai kabasarana kama ḏo-ḏogumu ua, sababu ni marimoi ra Kristus.

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.