Filipi 3:11 - Jaji ma Su-sungi

¹¹ Dadi ḏuanga i'a Ma Jou'ongu Madutu 'o dadunu si'ahu moju ngoi toma ngowa-ngowa'a senge-sengene manga sigolona.

Filipi 3:11 Iomraidhean Croise

Lukas 14:14

Na'o ngana 'a'a so'o gena ḏuanga i'a ngana no bara'utungu. Sababu ngowa'a gena-ge ya balasa nga'unu ua ngana 'ani la. Mada'a ngana 'ani la, ḏuanga i'a Ma Jou'ongu Madutu 'a balasa wakutu ngowa'a loasa re banari dadunu 'aḏi 'ahu moju toma ngowa'a senge-sengene manga sigolona.”

Yohanes 11:24

Marta ma sangoro, “Ngoi ta waro unanga ḏuanga i'a dadunu 'o 'ahu moju toma Kiamata ma Wangere, wakutu ngowa'a senge-sengene dadunu 'aḏi 'ahu moju.”

Yesus 'ai so-soma'a 23:6

Paulus 'a oḏi'i toma Mahkamah 'Agama manga sigolona 'age rema ngowa'a Saduki, 'age ḏi'i ngowa'a Farisi. Sababu gena-ge, Paulus 'o kanau i'a ra ananga, “Ioronongoḏu ngowa'a Yahudi, ngoi ngowa'a Farisi re 'ari ḇaḇa ngowa'a Farisi ḏi'i. Ngini ni sijuruhakimi ngoi sababu ngoi to ngaku ngowa'a senge-sengene dadunu 'aḏi 'ahu moju.”

Yesus 'ai so-soma'a 26:7

Jaji gena-ge 'i dadi ngo-nganono di'a g̱arana nyagi moi re romoḏiḏi toma bangsa Israel wakutu ananga 'aḏi de-de'oso Ma Jou'ongu Madutu lobi'i re wangere. 'Olana ga'a ngoi to silamo'o, jaji gena-ge ngoi ta ngaku mada'a ngowa'a Yahudi ri sisala ngoi.

Yesus 'ai so-soma'a 27:12

Sidogo ḏi'i, bo-balene gena-ge gasa rousu ua di'a kapala 'i matapu lai ti'ara, na'o 'orasa momoku. Sababu gena-ge, kapala ma dotomo manga repe ananga ya site'e ya dowanga manga ḏo-ḏagi re ya sieanga bo-balene gena-ge. Dadi ananga 'aḏi makutale mau 'aḏi ngadolo toma bo-balene Feniks, la 'aḏi matahana gena-ge 'orasa momoku. Bo-balene Feniks gena-ge 'i talaḏi barat daya re barat laut toma pulo Kreta.

Roma 11:14

Dadi na'o nyengara gari'a ngoi to sigo-goḏi 'ari ioronongoḏu ngowa'a Yahudi manga 'akala re sinyingara, la mamuni'a tamanga sigolona ḏuanga i'a sanga salamata ḏi'i.

1 Korintus 15:23

Mada'a mo-moini gena-ge enanga rema 'orasa: Siḏa-siḏa 'a Kristus. Maha wakutu 'a Kristus dadunu 'o sapolo moju, kara Ma Jou'ongu Madutu dadunu 'o si'ahu moju ngene ga'a rewo marimoi ra Kristus.

1 Korintus 9:22

Wakutu ngoi 'age ra ananga ga'a manga ngo-ngaku 'i te'e nyangu manga sigolona, ngoi ta 'a'a ua 'ori i'a ga'a ananga ya fikiri 'i sala, la ngoi nga'unu ta'u sigasa ananga manga ngo-ngaku lebe te'e. Ngoi to 'a'a diri ma tero sa'olo 'a guna ḇato, dadi reo duhu 'oru ḇato ngoi ta'u sigasa ananga mamuni'a toma salamata.

1 Korintus 9:27

Ngoi ma tero sa'olo matengo 'o tutu'u 'ai diri, la 'ai lese 'i dadi ma tero sa'olo 'ai budaka. Ngoi to 'a'a so'o gena-ge, awa-awa nena-ne 'i dadi ra ngoi: Ngoi reto singadolo Habari Roanga toma ngowa-ngowa'a lelegu, ḏuanga i'a Ma Jou'ongu Madutu 'o siteru ua tari sae'e rema lastari saya-saya kama wa'alo ua nena-ne re si'a.

2 Korintus 11:3

Mada'a ngoi to dodato ninga fikirana ri sanga sihaga singadolo ngini ni cufala riwara mete'e ra Kristus. Gena-ge ma tero sa'olo 'ua re 'au wali, ngo Hawa mo sanga sihaga toma 'Iblisi ga'a 'i matuhu sa'olo ngorana.

1 Tesalonika 3:5

Sababu gena-ge, wakutu ngoi ta tahana ta nga'unu riwara totoma habari mangale ngini, ngoi to 'utusu 'a Timotius ra ngini di'a 'a disa waro mangale ngini ninga ngo-ngaku ra Ma Jou Yesus: lai te'e moju bolo ua. Ngoi to dodato awa-awa ngini ni eta'a toma 'Iblisi ma bo-baja, marai minga galasau'u ma duduala 'i parasaja.

2 Tesalonika 2:3

Awa ngini ni mete'e ngowa'a lelegu gena-ge manga demo ga'a sihaga ngowa'a dadi ngini ni ta'ajiri ma 'orasa gena-ge 'i ngadolo ḏua; mada'a 'i ngadolo nyangu. Mo-moini nena-ne balasu 'i dadi siḏa: Ngowa'a repe 'aḏi masoloto Kristus re 'aḏi 'ahu 'i marimoi riwara ra Ma Jou'ongu Madutu re ngowa'a matengo 'ai 'akala re sinyingara lai cira madutu, unanga gena-ge ro waiti ga'a Ma Jou'ongu Madutu 'u sitantukanga ḏua 'o osama toma naraka.

2 Timotius 4:8

'Orasa nange-ne, ngoi pa'i ta totoma ma ngogele ḇato ga'a Ma Jou'ongu Madutu ro gogono ḏua toma soroga di'a ngoi. Toma Kiamata ma Wangere, Ma Jou 'o dadi juruhakimi 'adili, ḏuanga i'a 'O sipula'a 'ari ngogele gena-ge, sababu ngoi 'ari 'ahu 'i mete'e Ma Jou'ongu Madutu 'ai 'akala ma mau. Pa'i ngoi ḇato ua mada'a ngowa'a mo-moini ga'a 'aḏi dadalara re 'aḏi totoma Ma Jou dadunu 'o sapolo moju.

'Ibrani 11:35

Sababu we-were'a 'ami ngo-ngaku, ananga nga muḏuo i'a gena-ge ga'a manga ngowa-ngowa'a raḏi sengene re Ma Jou'ongu Madutu dadunu 'a si'ahu moju. Mada'a ananga nga muḏuo i'a ḏi'i remanga 'akala re sinyingara sa-sanangi 'aḏi sanga sikisa re 'aḏi sanga sangisara singadolo 'aḏi sengene sababu manga ngo-ngaku. Ananga gena-ge 'aḏi oḏu'u sanga bebasa sababu ḏuanga i'a Ma Jou'ongu Madutu dadunu 'a si'ahu moju, gena-ge 'i lebe rousu i'a.

Tingoýi 20:5

Gena-ge 'orasa ma mulaingi ga'a ngowa-ngowa'a sengene dadunu 'aḏi 'ahu moju. (Mada'a ngowa-ngowa'a sengene ma lelegu 'aḏi dadunu 'ahu ua toma musungu cala moi ma dara.)