Filipi 3:1 - Jaji ma Su-sungi

¹ Ma ḏo-ḏogumu, ioronongoḏu ngo-ngaku rimoi, ngini balasu ni maroanga sababu ngini reni marimoi ra Ma Jou. Ngoi to basono kangela ua di'a to dadunu to lefo 'oru ga'a ta siḏingoto ḏua ra ngini 'au nga'ene; sababu ngoi mau to sipo-poma ngini, la 'a guna ḇato nga'unu sihaga ngini yoḏu'u.

Filipi 3:1 Iomraidhean Croise

Matias 5:12

Nabi-nabi ma siḏa ḏi'i ya sanga sikisa ma tero so'o gena-ge. Dadi ngini ni maroanga re ni sanangi, sababu ngini ni sanga ngogele lai lamo'o toma soroga.”

Lukas 1:47

re Ngoi rari nyawa 'i maroanga sababu Ma Jou'ongu Madutu, Unanga gena-ge 'ari Salamata ma Cimi.

Roma 5:11

Re sidogo ḏi'i, ngene wo maroanga mangale ngene rewo marimoi ra Ma Jou'ongu Madutu sababu nanga Jou Yesus Kristus ga'a ro sirimoi ngene ra Ma Jou'ongu Madutu.

2 Korintus 13:11

Ioronongoḏu ngo-ngaku rimoi, ma ḏo-ḏogumu, ngini balasu ni maroanga re makutale ni dadi ngowa'a 'aḏi 'a'a 'oru ḇato mete'e tau-taunu Ma Jou'ongu Madutu 'ai 'akala ma mau, re na dawongo 'ari ajele mangale mo-moini. Ngini balasu ninga 'akala re sinyingara 'i dadi rimoi re ninga 'ahu balasu toma dame ma dara. Ma Jou'ongu Madutu ga'a 'o dadalara re dame ma cimi, Unanga ḏuanga i'a 'o sieanga i'a ngini ua.

Efesus 6:10

Ma ḏo-ḏogumu, ngini balasu ni dadi te'e reo de-de'e ga'a na sanga ra Ma Jou Yesus 'ai kuasa, sababu ngini marimoi ra Unanga.

Filipi 3:3

Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

Filipi 4:4

Ngini balasu ni maroanga tau-taunu sababu ngini reni 'ahu marimoi ra Ma Jou. Ngoi to kanau soi moi moju: Ni maroanga tau-taunu!

Filipi 4:8

Ioronongoḏu ngo-ngaku rimoi, ma ḏo-ḏogumu ngini balasu ni fikiri tau-taunu mangale 'oru ḇato ga'a 'i la-la, ga'a 'i banari, ga'a ngowa'a ya silamo'o, ga'a 'i rousu, ga'a 'i bo-boloto, ga'a 'i mami-mami re 'i la-la. 'Oru ḇato ga'a la-la re 'i patasa ngowa'a ya'u puji re silamo'o, ngini balasu na fikiri mangale 'ori i'a gena-ge.

1 Tesalonika 4:1

Ioronongoḏu ngo-ngaku rimoi, ma ḏo-ḏogumu ngomi ma siajele re masijumu pasala ḏua ra ngini mangale ma duhu sa'olo ninga 'ahu balasu mete'e Ma Jou Yesus 'ai mau, la taninga 'ahu 'i sisanangi Ma Jou'ongu Madutu 'ai 'akala re sinyingara. Ngomi ma waro, ngini rena si'a'a mada'a nange-ne sababu ngene wo marimoi ra Ma Jou Yesus, ngomi mi golo'o mode-mode'e ngini lebe cufala i'a ḏi'i.

1 Tesalonika 5:16

Sababu ngini reni marimoi ra Yesus Kristus, Ma Jou'ongu Madutu 'o mau ngini ni 'ahu toma roanga re monere ma dara re ni manyiata tau-taunu re sibere ie murasa ma la ra Ma Jou'ongu Madutu toma ngi'i re 'orasa mo-moini.

Yakobus 1:2

'Ari ioronongoḏu ngo-ngaku rimoi, ngini balasu ni basono sa'olo roanga na'o ngini sanga dola'aku re bo-baja.

1 Petrus 3:8

Ma ḏo-ḏogumu tala, ngini balasu ni 'ahu ma'u 'aro'o la matengo re matengo reninga rorasa. Re balasu ni ma'u dadalara matengo re matengo, ma tero sa'olo ngowa'a gia nongoḏu 'aḏi ma'u dadalara, re ninga 'akala re sinyingara la-la re ni maholo ninga diri.

1 Petrus 4:13

Siḏibo ḏi'i, jobilaha ngini ni dawongo reninga roanga, sababu ngini sanga sangisara ḏi'i ma tero Yesus sanga sangisara. Kalaha so'o gena nange-ne, ḏuanga i'a toma 'orasa ngowa-ngowa'a ya oḏi'i simulia Unanga, ngini lebe maroanga.

2 Petrus 3:1

Ioronongoḏu ngo-ngaku rimoi ga'a ngoi tunu dadalara. Nena-ne ngoi 'ari surata ma soi ḏiḏi ra ngini. Ngoi reto lefo surata ma dara ma mulaingi re surata soi ḏiḏi nena-ne ḏi'i ra ngini, sababu ngoi mau tunu si'elingi ngini mangale do-doto'o ma banari, la ngini ninga fikirana 'i dadi 'ofi-'ofi tau-taunu.