Filipi 2:8 - Jaji ma Su-sungi

⁸ Unanga 'o maholo 'Ai diri, re 'O 'ahu mete'e mode-mode'e ra Ma Jou'ongu Madutu singadolo ngowa'a 'U sisengene: Unanga 'U sisalib ma tero sa'olo ngowa'a ma jira.

Filipi 2:8 Iomraidhean Croise

Matias 17:2

Yesus 'ai rupa 'i ngali ra ananga nga ḏu'ange manga biono: 'Ai biono ma tarangi ma tero wangere ma la'o, re 'Ai pakeanga 'i dadi buḏo jama-jamanga.

Matias 26:39

Gena ḏua, Yesus 'o tagi i'a da'a masai'i i'a ra ananga kiḏanga siḏi ua kara 'O ruba paga-pagara 'Ai biono tala toma tana'a, sababu 'Ai 'akala re sinyingara 'i kangela masala, re 'O manyiata ma betongo so'o ne: “ 'Ari Baba, na'o No nyengara sangisara nena-ne Na silalo'o ra Ngoi. Mada'a awa mete'e Ngoi 'ari mau, ḏuga-ḏuga mete'e Baba 'ani mau ḇato.”

Matias 26:42

Soi moi moju, Yesus 'o tagi 'o manyiata ma betongo so'o ne: “'Ari Baba na'o sangisara nena-ne Ngoi balasu ta basono re silalo'o ra Ngoi 'i yoḏu'u, sieanga ḇato Baba 'ani mau 'i dadi.”

Lukas 9:29

Yesus 'o manyiata si'olona i'a, 'Ai biono ri ngali, re 'Ai pakeanga 'i dadi buḏo jama-jamanga.

Yohanes 10:18

Matengo i'a mai ua nga'unu ya 'oro 'Ari 'ahu. Ngoi ta sidoa'a 'Ari 'ahu 'i mete'e 'Ari mau masiretene. Ngoi rari kuasa di'a ta sidoa'a 'Ari 'ahu, re Rari kuasa dadunu To 'ahu moju. Parenta gena-ge 'Ari Ḇaḇa ro sipula'a ra Ngoi.”

Yohanes 14:31

Mada'a mo-moini gena-ge balasu 'i dadi, la ngowa-ngowa'a ga'a toma dungia 'aḏi ma'insafu mangale Ngoi to dadalara 'Ari Ḇaḇa re Ta si'a'a 'oru ga'a Unanga 'o soma'a Ngoi. Ino ngene wa soi'i tala ngi'i nena-ne.”

Yohanes 15:10

Na'o ngini ni mete'e 'Ari parenta, ngini ni marimoi ra Ngoi tau-taunu re ni basono tala 'Ari dadalara. Gena-ge ma tero Ngoi reto mete'e 'Ari Ḇaḇa 'Ai parenta re To marimoi ra Unanga, re dadi Ngoi to basono tala 'Ai dadalara tau-taunu.

Yohanes 4:34

Yesus 'o kanau ra ananga, “Mete'e Ma Jou'ongu Madutu ga'a Ro 'utusu Ngoi, Unanga 'ai mau re siḏuanga munara ga'a Unanga ro pula'a ra Ngoi, gena-ge Ngoi 'ari ngo-ngoromo!

Yesus 'ai so-soma'a 8:33

Ananga 'U pula'a mara'a re 'U si'u'ua Unanga. Ḏua ananga 'U sengene singadolo matengo i'a ua ya sijarita mangale 'Ai ngowa re danongo.”

Roma 5:19

Re ma tero sa'olo ngowa'a repe 'aḏi dadi ngowa'a baraḏosa sababu matengo i'a 'o mete'e ua Ma Jou'ongu Madutu, so'o gena ḏi'i ngowa'a repe 'aḏi dadi ngowa'a loasa re banari ra Ma Jou'ongu Madutu 'ai momina sababu matengo i'a 'o mete'e Ma Jou'ongu Madutu.

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

Galatia 3:13

Mada'a Kristus ro tuusu ngene, la ngene wo mete'e riwara Musa 'ai hukumu ga'a 'i sigasa hukumu ra Ma Jou'ongu Madutu ra ngene. Gena-ge ri dadi sababu Unanga 'ai se-sengene toma salib. Dadi Unanga gena-ge ro sanga hukumu ra Ma Jou'ongu Madutu di'a ngene. Sababu toma Boku 'Ofi-'Ofi 'i silefo so'o ne: “Ngowa'a ga'a 'aḏi sengene toma gantongan ma ngasu'u, ananga gena-ge sanga hukumu ra Ma Jou'ongu Madutu.”

Titus 2:14

Yesus Kristus 'a sipula'a 'ai 'ahu 'i dadi jou-jou di'a ngene, la 'O siwoi'i ngene toma kuasa ma jira re 'O si'ofi tananga ḏosa-ḏosa, la sidadi ngene wo dadi Unanga 'ai 'umata ga'a wo cufala madaga'a 'ori i'a ma la-la.

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

'Ibrani 12:4

Sababu wakutu ngini ni lawana ngowa'a baraḏosa, ngini ni tahana sangisara nyangu singadolo ninga ngaunu 'i pa'ala ma tero Yesus.

1 Petrus 2:24

'A Kristus masiretene 'a doiti nanga ḏosa wakutu ngowa'a 'U sisalib Unanga, la Ma Jou'ongu Madutu 'o sibebasa ngene tananga ḏosa. Re ḏi'i, la ngene nyengara wo 'ahu mete'e Ma Jou'ongu Madutu 'ai 'akala ma mau. Re Ma Jou'ongu Madutu 'o si-la ngini sababu 'a Kristus 'ai nyaboto toma salib.

1 Petrus 3:18

Sababu kalaha Kristus kai ḏosa ua, Unanga ro basono sangisara. Unanga ro basono sengene soi moi di'a 'a doiti manusia nanga ḏosa. Unanga 'a si'a'a so'o gena, la ngene manusia nyengara wo marimoi ra Ma Jou'ongu Madutu. Manusia wo sisengene Unanga pa'i 'ai lese ḇato, mada'a sababu Ma Ngagara 'Ofi-'Ofi ma kuasa, Ma Jou'ongu Madutu dadunu 'o si'ahu Unanga moju.