Filipi 2:6 - Jaji ma Su-sungi

⁶ Yesus ma tero ra Ma Jou'ongu Madutu, mada'a 'Ai ḏe-ḏegoro gena-ge, Yesus 'o matahana ua.

Filipi 2:6 Iomraidhean Croise

Matias 1:23

“We-were'a matengo mo waro nau'u nyangu, ḏuanga i'a 'ami po'olo tegoro, re mo sibuoro ngowa nau'u matengo. Ngowa kiau gena-ge ḏuanga i'a silomanga Imanuel” — ga'a ma ngale: Ma Jou'ongu Madutu mamete'e ra ngene.

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 10:30

Ngoi re 'Ari Ḇaḇa, ngomi gena-ge rimoi.”

Yohanes 10:33

Ngowa'a Yahudi 'aḏi sangoro, “Ngomi mau mi poini ua Ngana reo maḏi sababu 'Ani ga'a hera-heranga, mada'a sababu Ngana no si'u'u ua Ma Jou'ongu Madutu. Kalaha Ngana nena-ne pa'i manusia ḇato, No kanau Ngana Ma Jou'ongu Madutu.”

Yohanes 10:38

Kalaha ngini ni ngaku ua 'Ari demo mangale Ngoi 'a guna, ni ngaku Ngoi sababu Ngoi to 'a'a ga'a hera-heranga ga'a Tari Ḇaḇa ino. Na'o so'o gena ngini na waro re na sahe mangale 'Ari Ḇaḇa 'o marimoi ra Ngoi re Ngoi to marimoi Tari Ḇaḇa.”

Yohanes 14:28

Ngini rena 'isene ḏua Ngoi to kanau: Ngoi ḏuanga i'a to tagi mada'a Ngoi dadunu To sapolo moju ra ngini. Na'o ngini ni dadalara Ngoi, ninga 'akala re sinyingara 'i sanangi mangale Ngoi to tagi Tari Ḇaḇa 'Ai ngi'i, sababu 'Ari Ḇaḇa lebe la-lamo'o reo Ngoi.

Yohanes 14:9

Yesus 'o sangoro, “Filipus, ma di'ara ḏua Ngoi 'age taninga sigolona, i'a sa'olo nange-ne ngana no nana'o Ngoi ua?! Ngowa'a ga'a raḏi oḏi'i Ngoi, raḏi oḏi'i 'Ari Ḇaḇa ḏi'i. Dadi i'a sa'olo ngana no kanau, ‘Sijumu Ḇaḇa gena-ge ra ngomi’?

Yohanes 17:5

Baba, nange-ne Ngoi to golo'o ra Baba nena-ne, No simulia Ngoi nena-ne, wakutu Ngoi dadunu to ḏibo ra Baba moju, ma tero Baba no simulia Ngoi wakutu dungia nena-ne 'i dadi nyangu.”

Yohanes 20:28

Tomas 'o kanau i'a ra Yesus, “ 'Ari Jou re 'Ari Jou'ongu Madutu!”

Yohanes 5:18

Yesus 'ai demo-demo gena-ge si'a'a ngowa'a Yahudi manga bi-biri'i ganapu disa ngo'omo di'a mau sisengene Unanga. Sababu pa'i Yesus 'a mete'e ua ḇato ananga manga 'agama ma 'atoranga mangale Sabata ma wangere, mada'a Unanga masiretene ḏi'i ro kanau, Ma Jou'ongu Madutu Unanga 'ai Ḇaḇa re dadi Unanga 'a site-tero 'ai diri ma tero sa'olo Ma Jou'ongu Madutu.

Yohanes 5:23

'Ari Ḇaḇa 'a si'a'a so'o gena, la ngowa'a mo-moini 'aḏi silamo'o Ngoi ma tero sa'olo ananga 'aḏi silamo'o Unanga. 'A guna ḇato ga'a silamo'o ua 'Ai Ngowa'a Nau'u, silamo'o ua ḏi'i 'Ai Ḇaḇa ga'a 'utusu ḏua Unanga gena-ge.

Roma 9:5

Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.

2 Korintus 4:4

'Iblisi ga'a 'i kuasa dungia ya kuci ngowa'a manga fikirana singadolo ananga 'aḏi ngaku awa, re 'aḏi oḏi'i yoḏu'u Habari Roanga ma cahaya ga'a 'i waiti ra Kristus 'ai mulia. Unanga gena-ge ma tero Ma Jou'ongu Madutu 'ai gabara.

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

1 Timotius 1:17

Ngene balasu silamo'o re siḏubuso Ma Jou'ongu Madutu re silamo'o 'Ai lomanga kasingado-ngadolo i'a, sababu Unanga 'o 'Olana da'a re sino moju ga'a 'O 'ahu kasingado-ngadolo i'a, re ngene wo oḏi'i yoḏu'u, Unanga pa'i matengo. 'Amin.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

Titus 2:13

Ngene balasu wo 'ahu so'o gena, sababu wo totoma re wa ngano-nganono tau-taunu di'a ma 'orasa barakati enanga 'i ngadolo. Toma wangere gena-ge, ngowa'a mo-moini ḏuanga i'a 'aḏi oḏi'i Yesus Kristus, nanga Salamata ma Cimi Rai kabasarana, re Ma Jou'ongu Madutu ga'a 'Ai kuasa ma pari cua.

'Ibrani 1:3

'Ai Ngowa'a Nau'u gena-ge 'A sijumu Ma Jou'ongu Madutu 'ai kuasa re 'Ai kabasarana. Unanga gena-ge 'ai duhu re ngari mo-moini ma tero Ma Jou'ongu Madutu. Unanga 'a pake 'ai demo ma kuasa di'a 'O jaga re 'O parenta mo-moini. Unanga 'o sigofi ngowa'a manga ḏosa togumu i'a, kara 'O tegoro ra Ma Jou'ongu Madutu 'ai giama ma kuwiḏa i'a da'u toma soroga.

'Ibrani 1:6

Re wakutu Ma Jou'ongu Madutu 'o 'utusu 'Ai Ngowa'a Nau'u ma jomolo toma dungia nena-ne, Ma Jou'ongu Madutu 'o kanau so'o ne: “Mala'ekata mo-moini balasu 'o silamo'o re siḏubuso 'Ari Ngowa'a Nau'u.”

'Ibrani 1:8

Mada'a tai Ngowa'a Nau'u, Ma Jou'ongu Madutu 'o kanau so'o ne: “Ngana ga'a ma tero Ma Jou'ongu Madutu, 'Ani Pareta kasingado-ngadolo i'a, Ngana 'ani pamarenta 'i 'adili.

'Ibrani 13:8

Yesus Kristus kama ngali ua: bae 'au wali, bae 'orasa nange-ne bolo kasingado-ngadolo i'a.

Tingoýi 21:6

Ḏua Unanga 'o kanau ra ngoi, “Togumu ḏua! Ngoi nena-ne 'Alfa re 'Omega, Ngoi nena-ne Ma Mulaingi re Ma Ḏo-ḏogumu. 'A guna ḇato basono madanga dudungu Ngoi to pula'a ḇanyo kama fangu ua toma ḇanyo ma cimi ga'a 'i pula'a 'ahu.