Filipi 2:5 - Jaji ma Su-sungi

⁵ Ngini ninga 'akala re sinyingara balasu ma tero sa'olo Kristus Yesus 'ai 'akala re sinyingara:

Filipi 2:5 Iomraidhean Croise

Matias 11:29

Pa'i ni mete'e ḇato 'Ari parenta re ni madoto'o ra Ngoi ḇato, sababu Ngoi 'ari 'akala re sinyingara 'i mereoso re maholo, re ngini ḏuanga i'a ni sanga ngomasa mamete'e ra Ngoi.

Lukas 22:27

'A guna lebe la-lamo'o i'a: Ngowa'a ga'a tegoro oromo toma meja bolo ngowa'a ga'a side-de'oso ngowa'a 'aḏi oromo?! Tantu ḏua ngowa'a ga'a tegoro oromo toma meja. Mada'a Ngoi, sa'olo ninga Tuanga, taninga sigolona To dadi sa'olo ninga falalomu.

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

Yesus 'ai so-soma'a 20:35

Toma munara 'oru ḇato, ngoi to sijumu ngo'omo pasala ḏua ra ngini, toma munara ma kangela 'oru ḇato ngene balasu riono ngowa'a ma dinga'unu ua. Sababu gena-ge, ngene balasu wa 'elingi Ma Jou Yesus masiretene 'o kanau pasala ḏua, ‘Lebe bara'utungu wo pula'a reo wo dawongo.’ ”

Roma 14:15

Na'o ninga ioronongoḏu ngo-ngaku rimoi 'ai 'akala re sinyingara 'i kangela sababu ngini ni oromo ngo-ngoromo ga'a unanga 'o oḏi'i re 'o mafikiri mangale ngo-ngoromo 'i wosono; ḏua ngini ni sijumu dadalara ua ra unanga. Kristus ro sengene di'a unanga, dadi awa ngini ni sijira 'ai ngo-ngaku sababu ngo-ngoromo ga'a ni oromo.

Roma 15:3

Sababu Kristus ḏi'i 'o disa ua di'a sisanangi 'ai diri masiretene. Mada'a ma tero sa'olo toma Boku 'Ofi-'Ofi ma dara ri silefo mangale Kristus ro kanau ra Ma Jou'ongu Madutu so'o ne: “Demo je-jengere ga'a ngowa'a 'aḏi kanau ra Ma Jou'ongu Madutu, gena-ge ri singe-ngeta'a ra Ngoi.”

Roma 15:5

Ngoi to golo'o ra Ma Jou'ongu Madutu ga'a nu sibabata ninga 'akala re sinyingara re siriono ngene wo tahana toma susa re sangisara ma dara, di'a nu siriono ngini ni 'ahu ma'u 'aro'o la ino matengo re matengo sa'olo ngini ni mete'e Kristus Yesus,

1 Korintus 10:33

Gena-ge ma tero sa'olo ngoi ta 'a'a. Sababu gena-ge, ngoi to makutale to 'a'a ma la-la tau-taunu ga'a enanga 'i sisanangi ngowa'a mo-moini. Ngoi pa'i to 'a'a 'ori i'a ga'a ma la-la di'a pa'i ngoi ḇato ua. Mada'a to 'a'a 'ori i'a ga'a ma la-la di'a ngowa'a repe ḏi'i, la ananga mo-moini gena-ge ḏuanga i'a 'aḏi sanga salamata.

Efesus 5:2

Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.

Filipi 1:1

Surata ne ra ngoi Paulus, re Timotius ḏi'i, ngomi ga'a ta Kristus Yesus ma tero sa'olo 'Ai budaka. Ngomi mi siḏingoto surata nena-ne ra ngini ioronongoḏu ngo-ngaku rimoi mo-moini ga'a ni tegoro toma limau Filipi re reni marimoi ra Kristus Yesus, sidogo ḏi'i ioronongoḏu ngo-ngaku rimoi ga'a jama'ata ma bi-biri'i re jama'ata ma ri-riono:

1 Petrus 2:21

Ma Jou'ongu Madutu 'o 'aro'o ngini di'a ni matahana sangisara gena-ge. So'o gena 'a Kristus ḏi'i 'o sanga sangisara di'a ngini. Duhu so'o gena-ge, Unanga 'o sijumu ngo'omo, la ngini ni 'a'a ma tero sa'olo Unanga:

1 Petrus 4:1

Dadi sababu Kristus 'ai lese basono sangisara, ngini ḏi'i balasu ni ḏu-ḏuanga ḏua di'a basono sangisara. Ḏua ngini ni jaga ninga ngo-ngaku. Sababu 'a guna ḇato ga'a tamanga lese basono sangisara gena-ge, ananga 'aḏi 'a'a ḏosa riwara.

1 Yohanes 2:6

'A guna ḇato 'aḏi kanau, ananga gena-ge 'aḏi marimoi ra Ma Jou'ongu Madutu, ananga manga 'ahu ma duhu balasu 'i mete'e Kristus 'ai 'ahu ma duhu.